កាលពីថ្ងៃទី១៣ ខែសីហា ឆ្នាំ២០២៦ ថ្មីៗនេះ សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃប្រទេសកម្ពុជា​ បានចេះអនុក្រឹត្យស្តីពីការអនុវត្តច្បាប់ស្តីពីកាតព្វកិច្ចយោធា ក៏ដូចជាលក្ខខណ្ឌនិងបែបបទនៃការធ្វើជំរឿន ការជ្រើសរើស ការអញ្ជើញ ការពន្យារពេល ប្រាក់ឧបត្ថម្ភ គោលរបរផ្សេងៗ និងការលើកទឹកចិត្តដល់យោធាផងដែរ។

បើយោងតាមច្បាប់ស្ដីពីកាតព្វកិច្ចយោធា បានឱ្យដឹងថាការបំពេញកាតព្វកិច្ចយោធា ត្រូវទទួលបានប្រាក់ឧបត្ថម្ភប្រចាំខែនិងគោលរបបផ្សេងៗដូចខាងក្រោមនេះ៖

ក. ប្រាក់ឧបត្ថម្ភប្រចាំខែក្នុងម្នាក់ចំនួន ៤០០ ០០០ (បួនសែន) រៀល។

ខ. គោលរបរផ្សេងៗត្រូវទទួលបានដូចយោធិនអាជីពរួមមាន៖

• ប្រាក់ម្ហូបប្រចាំថ្ងៃ
• ប្រាក់អាហារបំប៉នបន្ថែមពេលហ្វឹកហាត់
• ប្រាក់បំណាច់ឧបត្ថម្ភគ្រួសារនិងកូន
• របរអង្ករប្រចាំថ្ងៃ
• របបឯកសណ្ឋានប្រយុទ្ធនិងបរិក្ខារចាំបាច់មួយចំនួន។

គួរជម្រាបថា អនុក្រឹត្យនេះមានវិសាលភាពអនុវត្តចំពោះប្រជាពលរដ្ឋខ្មែរដែលមានអាយុចាប់ពី ១៧ (ដប់ប្រាំពីរ) ឆ្នាំ ដល់ ២៥ (ម្ភៃប្រាំ) ឆ្នាំ សម្រាប់ការធ្វើជំរឿន។ អាយុចាប់ពី ១៨ (ដប់ប្រាំបី) ឆ្នាំដល់ ​២៥ (ម្ភៃប្រាំ) ឆ្នាំ ដែលត្រូវបំពេញកាតព្វកិច្ចយោធារយះពេល ២៤ (ម្ភៃបួន) ខែ។ ការធ្វើជំរឿន ត្រូវអនុវត្តចំពោះប្រជាពលរដ្ឋខ្មែរភេទប្រុសដែលមានអាយុចាប់ពី ១៧ (ដប់ប្រាំពីរ) ឆ្នាំ ដល់ ២៥ (ម្ភៃប្រាំ) ឆ្នាំ គិតត្រឹមថ្ងៃទី៣១ ខែធ្នូ ដើម្បីទទួលបានទិន្នន័យពិតប្រាកដក្នុងការសម្រេចអញ្ជើញចូលបំពេញកាតព្វកិច្ចយោធា