កាលពីមុន កួរស្រូវ គឺជាតំបន់ដាច់ស្រយាលមួយនៅភាគខាងត្បូងរាជធានីភ្នំពេញ ដែលពុំសូវមានការចាប់អារម្មណ៍នោះឡើយ។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ តំបន់នេះបានប្រែក្លាយទៅជាសហគមន៍រស់នៅយ៉ាងអ៊ូអរ តាមរយៈការលេចរូបរាងឡើងនៃគម្រោងលំនៅឋាន និងហេដ្ឋារចនាសម្ព័ន្ធធំៗរបស់រដ្ឋ ដូចជា៖ ផ្លូវជាតិលេខ២ ផ្លូវក្រវាត់ក្រុងទី៣ បុរីពិភពថ្មី និងព្រលានយន្តហោះអន្តរជាតិតេជោជាដើម។ ស្របពេលជាមួយគ្នានេះ បច្ចុប្បន្នក៏មានក្រុមហ៊ុនធំៗចំនួន ២ បានបោះទុនវិនិយោគលើគម្រោងខុនដូនៅទីនោះថែមទៀតផង ដោយក្នុងនោះរួមមាន៖
១. ក្រុមហ៊ុន ពិភពថ្មី
ក្រៅពីអភិវឌ្ឍន៍គម្រោងបុរី ជាប្រភេទផ្ទះល្វែង ក្រុមហ៊ុនអភិវឌ្ឍន៍លំនៅឋានដ៏ល្បីរបស់អ្នកឧកញ៉ា ហុង ពីវ មួយនេះ ក៏បានបោះទុនសាងសង់គម្រោងខុនដូបន្ថែមទៀតផងដែរ។ ដោយគម្រោងខុនដូថ្មីនេះ មានទីតាំងស្ថិតនៅក្នុងបុរី ពិភពថ្មី កួរស្រូវ តាមបណ្តោយផ្លូវជាតិលេខ ២ ក្នុងតំបន់កួរស្រូវ ខណ្ឌដង្កោ រាជធានីភ្នំពេញ។
ការអភិវឌ្ឍគម្រោងខុនដូនេះឡើង គឺមានគោលបំណងចម្បងដើម្បីផ្តល់ឱកាសឱ្យប្រជាពលរដ្ឋដែលមានចំណូលមធ្យម និងទាប អាចមានលទ្ធភាពទិញផ្ទះផ្ទាល់ខ្លួនបាន។ ជាក់ស្ដែងបន្ទប់ខុនដូនេះគឺមានតម្លៃចាប់ពី ១៨ ៨៨៨ ដុល្លារឡើងទៅ ហើយក្នុងនោះអតិថិជនក៏មានជម្រើសនៅក្នុងការបង់រំលស់ប្រចាំខែត្រឹម ១៦៨ ដុល្លារប៉ុណ្ណោះ។ ព័ត៌មានបន្ថែមសូមទំនាក់ទំនងតាមលេខទូរស័ព្ទ៖ 077 868 618។
២. គម្រោងខុនដូ អារ៉ាខាវ៉ា ទី២
ក្រុមហ៊ុនជប៉ុន អារ៉ាខាវ៉ា ខូ អិលធីឌី បានសម្រេចជ្រើសរើសតំបន់កួរស្រូវនេះ ជាទីតាំងនៅក្នុងការសាងសង់គម្រោងខុនដូ អារ៉ាខាវ៉ា ទី២។ ខណៈគម្រោងថ្មីនេះទើបនឹងបានរៀបចំបិទបញ្ចប់ការសាងសង់គ្រោងអគារ (Topping Out Ceremony) កាលពី២៥ ខែឧសភា ឆ្នាំ២០២៦ កន្លងទៅនេះ។
គម្រោងខុនដូ អារ៉ាខាវ៉ា ទី២ នេះត្រូវបានសាងសង់ឡើងមានកម្ពស់ជាង ២០ ជាន់ និងមានជាប្រភេទ យូនីតស្ទូឌីយោ (ជាង ២៤ ម៉ែត្រការ៉េ) និងយូនីតបន្ទប់គេងមួយ (ជាង ៣០ ម៉ែត្រការ៉េ)។ ចំពោះសំណង់អគារត្រូវបានរចនាតាមបែបស្ថាបត្យកម្មសាមញ្ញ តែត្រូវបានបំពាក់ដោយប្រព័ន្ធប្រកាសអាសន្ន ប្រព័ន្ធសុវត្ថិភាពអគ្គិភ័យស្តង់ដា ប្រព័ន្ធបច្ចេកវិទ្យាគ្រប់គ្រងការចេញ-ចូលអគារ និងចំណត។
តាមការបញ្ជាក់ពីក្រុមហ៊ុន គម្រោងខុនដូ អារ៉ាខាវ៉ា ទី២ នេះនឹងឲ្យអតិថិជនចូលរស់នៅ នៅដើមឆ្នាំ២០២៧ ខាងមុខនេះផងដែរ។ សម្រាប់ព័ត៌មានបន្ថែមសូមទាក់ទងទៅកាន់លេខទូរស័ព្ទ៖ 012 582 999 / 098 999 598 / 098 999 589៕
