រដ្ឋាភិបាលកម្ពុជា បានកំណត់ចំនួនទឹកប្រាក់ជាអតិបរមានៃឥណទានចំណាយថវិកាថ្នាក់ជាតិសម្រាប់ការគ្រប់គ្រងឆ្នាំ២០២៦ ស្មើនឹង ៤៣ ៤៥៧ ៦៤៣ លានរៀល។ នេះបើយោងតាមតាមមាត្រាទី២ ក្នុងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៦។

ខាងក្រោមគឺជា ការបែងចែកសំខាន់ៗ៖

១/. ការចំណាយចរន្ត ចំនួនសរុប ២៩ ៨៥០ ៤៩១,១ លានរៀល

២/. ការចំណាយមូលធន ចំនួនសរុប ១៣ ៦០៧ ៧៦៦,៩ លានរៀល

ក្នុងនោះ ការចំណាយមូលធនត្រូវបានបែងចែកជា៖

ក- វិនិយោគសាធារណៈដោយហិរញ្ញប្បទានក្នុងប្រទេស ៦ ១៦២ ៧២៦,៩ លានរៀល។

• ដោយថវិកាជាតិ ៣ ៩៣៤ ៣៩៤,៩ លានរៀល
• គម្រោងវិនិយោគផ្ទាល់ ៣ ២០៥ ៦១៨,៩ លានរៀល
• បដិភាគវិនិយោគក្នុងក្របខ័ណ្ឌហិរញ្ញប្បទានក្រៅប្រទេស ៧២៨ ៧៧៦ លានរៀល
• ដោយមូលនិធិទ្រទ្រង់ថវិកាហិរញ្ញប្បទានដោយវិស័យឯកជន ២ ១២៣ ៤៣២ លានរៀល

ខ- វិនិយោគសាធារណៈដោយហិរញ្ញប្បទានក្រៅប្រទេស ៧ ៤៤៥ ០៤០ លានរៀល។

គួរជម្រាបផងដែរថា សម្រាប់ការគ្រប់គ្រងឆ្នាំ២០២៦ ចំនួនទឹកប្រាក់ជាអតិបរមានៃឥណទានចំណាយថវិកា ដូចមានចែងក្នុងមាត្រា២នៃច្បាប់នេះ ត្រូវបានបែងចែកតាមក្រសួងនិងស្ថាប័ននីមួយៗ និងទៅតាមប្រភេទនៃការចំណាយ និងតាមកម្មវិធី៕