ក្រុមហ៊ុន អៃរ៉ា បេវើរីច ឯ.ក បានអះអាងថា អៃរ៉ា គឺជាម៉ាកសញ្ញារបស់កម្ពុជា ដែលបានចុះបញ្ជី និងផលិតនៅក្នុងព្រះរាជាណាចក្រកម្ពុជា ដោយអនុលោមតាមច្បាប់ និងបទបញ្ញត្តិដែលកំណត់ដោយក្រសួងពាណិជ្ជកម្ម និងក្រសួងឧស្សាហកម្ម កម្ពុជា។

សេចក្តីអះអាងដែលបានផ្សព្វផ្សាយ នៅលើបណ្តាញសង្គមថ្មីៗនេះ ដែលបញ្ជាក់ផ្ទុយពីការពិត គឺជាព័ត៌មានមិនត្រឹមត្រូវ និងគ្មានមូលដ្ឋានច្បាស់លាស់ឡើយ។ សេចក្តីជូនដំណឹងនេះ ត្រូវបានចេញផ្សាយ ដើម្បីបញ្ចប់ការយល់ច្រឡំទាំងនោះ។

ក្រុមហ៊ុនសូមរក្សាសិទ្ធិ ក្នុងការចាត់វិធានការតាមផ្លូវច្បាប់ ដោយអនុលោមតាមច្បាប់ជាធរមាន ចំពោះការបន្តផ្សព្វផ្សាយព័ត៌មានមិនពិតណាមួយ៕