យោងតាមលិខិតរបស់និយ័តករអាជីវកម្មអចលនវត្ថុ និងបញ្ចាំបានចេញសេចក្តីជូនដំណឹង ស្តីពីការប្រកបអាជីវកម្មដោយគ្មានអាជ្ញាបណ្ណពីនិយ័តករអាជីវកម្មអចលនវត្ថុនិងបញ្ចាំចំនួន៥។ ដោយអាជីវកម្មទាំងនោះរួមមានដូចខាងក្រោម៖

១. ក្រុមហ៊ុន វើលវ៉ាយដ៏ អេមផាយ ឃែភីថល ឯ.ក មានទីតាំងស្ថិតនៅ ភូមិវាល សង្កាត់សំបូរ ក្រុងសៀមរាប ខេត្តសៀមរាប

២. ក្រុមហ៊ុនបុរី រស្មី បាត់ដំបង ឯ.ក គម្រោង “បុរី រស្មីបាត់ដំបង” មានទីតាំងស្ថិតនៅ ភូមិព្រៃរកា សង្កាត់អូរម៉ាល់ ក្រុងបាត់ដំបង ខេត្តបាត់ដំបង

៣. ដីឡូតិ៍វីឡាឯកភ្នំទំនើប មានទីតាំងស្ថិតនៅ ភូមិអូរតានប់ សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង

៤. គម្រោងដីឡូតិ៍ ត្រពាំងទំនាប់ មានទីតាំងស្ថិតនៅ ឃុំសំរោងលើ ស្រុកអង្គស្នួល ខេត្តកណ្តាល

៥.ហាងបញ្ចាំ សមិទ្ធិផល មានទីតាំងស្ថិតនៅ ភូមិផ្សារស្នួល ឃុំស្នួល ស្រុកស្នួល ខេត្តក្រចេះ

គួរជម្រាបថា ក្នុងសេចក្តីជូនដំណឹងនោះ និយ័តករអាជីវកម្មអចលនវត្ថុ និងបញ្ចាំ ក៏បានអំពាវនាវឲ្យសាធារណជន ទាំងអស់កុំចូលរួមធ្វើអាជីវកម្ម ឬពាក់ព័ន្ធជាមួយនឹងគម្រោងអភិវឌ្ឍដីឡូត៍ដែលគ្មានអាជ្ញាបណ្ណ ខាងលើ ដែលអាចធ្វើឲ្យប៉ះពាល់ ឬខាតបង់ផលប្រយោជនណាមួយជាយថាហេតុ៕