២/. តើមានការប្រឈម ឬជម្លោះណាមួយដែលយើងមិនទាន់ដោះស្រាយចប់សព្វគ្រប់ទេ?

ការអាក់អន់ចិត្ត ឬបញ្ហាតូចៗ ដែលដៃគូតែងសន្សំទុកក្នុងចិត្តបន្តិចម្តងៗ ដោយមិនព្រមលើកមកជជែកគ្នាដោះស្រាយភ្លាមៗ នោះថ្ងៃណាមួយវាអាចផ្ទុះចេញមកក្រៅ ស្របពេលគ្រប់យ៉ាងដើរដល់ទីបញ្ចប់ទៅហើយ។ ចូរឧស្សាហ៍ពិនិត្យមើលបញ្ហាតូចៗ ជៀសវាងកើតរឿងរកាំរកូសមុនពេលវារីកធំ។ ក្នុងការសិក្សារបស់ Social Psychological and Personality Science បានរកឃើញថា ការសន្ទនាដើរតួនាទីយ៉ាងសំខាន់ក្នុងការដោះស្រាយជម្លោះ និងធ្វើឲ្យប្រសើរឡើងនូវគុណភាពទំនាក់ទំនង។

៣/. តើអ្វីដែលអូន/បងចង់ឃើញ និងអ្វីដែលអូន/បងមិនចង់ឃើញ ក្នុងទំនាក់ទំនងរបស់យើង?

ក្នុងទំនាក់ទំនងស្នេហាមួយ តែងមានរឿងល្អ និងមិនល្អ ដើរទន្ទឹមគ្នា។ ឥឡូវនេះដល់ពេលដែលអ្នកត្រូវចាប់ផ្តើមស្វែងរកភាពវិជ្ជមានរបស់ប្តី/ប្រពន្ធ និងអាពាហ៍ពិពាហ៍មួយនេះឡើងវិញ ហើយកាត់បន្ថយភាពអវិជ្ជមានឲ្យបានច្រើនបំផុតតាមដែលអាចធ្វើបាន។ មានរឿងរីករាយ និងចំណុចវិជ្ជមានជាច្រើន ដែលជាមូលហេតុឲ្យអ្នកទាំងពីរចាប់ដៃគ្នាចូលរោងការ ដូច្នេះឱកាសនៅតែមាន។

យ៉ាងណាមិញ សុភាសិតខ្មែរពោលថា “ចាន​ក្នុង​រាវ​គង់តែ​នឹង​រណ្ដំ​គ្នា” ប្រដូចទៅនឹងជីវិតគ្រួសារ តែងមានរឿងរកាំរកូសគ្នាតិចក្តីច្រើនក្តីចៀសពុំរួចឡើយ ប៉ុន្តែអ្នកក៏ពុំគួរបណ្តោយតាមយថាកម្មដែរ។ ប្រសិនបើ​អ្នកឬដៃគូបានបង្កើត​អារម្មណ៍​មិន​ស្រួល​ឡើង​មក ​ត្រូវប្រញាប់ជជែក​គ្នា​រក​ដំណោះស្រាយភ្លាមៗ កុំ​បណ្ដោយ​ឲ្យភាព​​អាត្មានិយម និង​ភាព​អំនួត​ កាន់តែ​មាន​អំណាច​គ្រប់គ្រង​លើ​ចិត្ត​ ដោយ​មិន​អើពើ​នឹង​នៃ​ទំនាក់ទំនង​មួយ​នេះឲ្យសោះ កុំចាំរហូតដល់ហួសពេល ទើបនឹកស្តាយក្រោយ៕