ក្នុងដំណើរជីវិត ការខិតខំធ្វើការតែមួយមុខមិនទាន់គ្រប់គ្រាន់ទេ។ យើងត្រូវមានប្រាជ្ញា និងគុណធម៌ទើបភាពជោគជ័យមានន័យ។ ប្រសិនបើអាចត្រឡប់ទៅអតីតកាល  ហើយនិយាយជាមួយខ្លួនឯងកាលអាយុ ២៥ឆ្នាំ អ្នកឧកញ៉ា គិត ម៉េង នឹងប្រាប់ខ្លួនឯងថា  សូមបន្តការខិតខំប្រឹងប្រែង! ថ្ងៃណាមួយ អ្នកនឹងយល់យ៉ាងច្បាស់ថា ការលះបង់ពេលវេលាធ្វើការរាប់ម៉ោង ការតស៊ូ និងការធ្វើសេចក្តីសម្រេចចិត្តដ៏លំបាកៗទាំងអស់នោះ ពិតជាផ្តល់ផលយ៉ាងគាប់ប្រសើរ។ ប៉ុន្តែ ត្រូវចងចាំនូវគោលការណ៍ទាំង ១០ នេះជានិច្ច៖

 មេរៀនជីវិតទាំង ១០ របស់អ្នកឧកញ៉ា គិត ម៉េង៖
1. កុំលះបង់សុខភាព៖ សុខភាពបាត់បង់ហើយ ទោះមានលុយច្រើនក៏ទិញមកវិញមិនបានដែរ។
2. កុំភ្លេចគ្រួសារ៖ កុំប្រឹងធ្វើការពេក រហូតគ្មានពេលឱ្យមនុស្សដែលយើងស្រឡាញ់។
3. កុំច្រឡំរវាង "រវល់" និង "មានផល"៖ ការរវល់ពេញមួយថ្ងៃ មិនប្រាកដថាធ្វើបានការនោះទេ។
4. កុំភ្លេចដឹងគុណ៖ ទោះជោគជ័យខ្លាំងយ៉ាងណា ក៏កុំភ្លេចគុណអ្នកដែលធ្លាប់ជួយយើង។
5. កុំពន្យារពេលសុភមង្គល៖ កុំរង់ចាំទាល់តែជោគជ័យធំដុំ ទើបប្រាប់ខ្លួនឯងឱ្យសប្បាយចិត្ត។
6. រៀនស្តាប់ឱ្យច្រើន៖ ការស្តាប់ច្រើនជាងនិយាយ ធ្វើឱ្យយើងកាន់តែមានប្រាជ្ញា។
7. កសាងកេរ្តិ៍ឈ្មោះមុនកសាងទ្រព្យ៖ ភាពស្មោះត្រង់ និងកេរ្តិ៍ឈ្មោះល្អ ជាគ្រឹះនៃទ្រព្យសម្បត្តិយូរអង្វែង។
8. ទន់ភ្លន់ពេលឈ្នះ៖ នៅពេលជោគជ័យ ត្រូវចេះដាក់ខ្លួន និងនិយាយស្តីដោយសមរម្យ។
9. រឹងមាំពេលចាញ់៖ នៅពេលជួបបរាជ័យ ត្រូវមានស្មារតីរឹងមាំដើម្បីក្រោកឈរឡើងវិញ។
9. ជោគជ័យពិតប្រាកដគឺចរិតលក្ខណៈ៖ ភាពជោគជ័យមិនមែនវាស់លើលុយកាក់ដែលយើងមានទេ ប៉ុន្តែវាស់លើអត្តចរិត និងគុណធម៌របស់យើង។

ការខិតខំប្រឹងប្រែងនឹងនាំអ្នកទៅកាន់ភាពជោគជ័យ ប៉ុន្តែប្រាជ្ញានឹងធ្វើឱ្យអ្នកសប្បាយចិត្តជាមួយភាពជោគជ័យនោះ ហើយធ្វើឱ្យវាមានន័យទូលំទូលាយសម្រាប់ជីវិត។
«នៅអាយុ ២៥ ឆ្នាំ ខ្ញុំធ្លាប់គិតថា ភាពជោគជ័យ គឺជាការសម្រេចបាននូវគោលដៅជាក់លាក់ណាមួយ។ ប៉ុន្តែបន្ទាប់ពីឆ្លងកាត់បទពិសោធន៍ជីវិតជាច្រើន ខ្ញុំទើបដឹងថា ភាពជោគជ័យពិតប្រាកដ គឺការអភិវឌ្ឍចរិតលក្ខណៈរបស់ខ្លួនឯងឱ្យកាន់តែប្រសើរឡើងជាប្រចាំ»។