លេចមុខ App កង់បីថ្មីមួយទៀត ទើបចូលទីផ្សារមួយរយៈ តែពង្រីកខ្លួនលឿនដល់ខេត្តធំៗពីរបាត់ទៅហើយ

មួយរយៈចុងក្រោយនេះ  App ហៅកង់បីកំពុងសម្រុកចូលទីផ្សារកម្ពុជា ជាពិសេសក្រុងភ្នំពេញ បើរាប់ត្រួសៗមិនតិចជាង ១០ ទេ ក្នុងនោះ App មកក្រោយៗមួយចំនួនក៏ត្រូវស្ងាត់ទៅវិញ មិនសូវឃើញចរាចរណ៍លើទីផ្សារប៉ុន្មានទេ ប៉ុន្តែក្នុងនោះ App ចំណូលថ្មីមួយយីហោ Zelo មិនត្រឹមតែចាប់ទីផ្សារនៅភ្នំពេញទេ ថែមទាំងពង្រីកដល់បណ្តាខេត្តទៀតផង ។

ក្រុមហ៊ុន Zelo ប្រាប់ Business Cambodia ថា Zelo បានចូលទីផ្សារកាលពីពាក់កណ្តាលខែសីហា ឆ្នាំ ២០១៩ នេះ ហើយគិតមកដល់សព្វថ្ងៃ Zelo មានអ្នកប្រើប្រាស់ប្រមាណ ២០ ០០០ នាក់ឯណោះ ។

App ថ្មីដែលមានឡូហ្គោអក្សរ Z មានកង់បីភាគច្រើនពណ៌ខ្មៅ សព្វថ្ងៃនេះហាក់ដូចជាជោគជ័យខ្លាំង ក្រៅតែពីដឹកភ្ញៀវនៅក្រុងភ្នំពេញ ក្រុមហ៊ុនខាងលើអះអាងថា Zelo បានពង្រីកដល់ខេត្តធំៗពីររួមមាន សៀមរាប និង ព្រះសីហនុ ។

App ថ្មីមួយនេះ ផ្តល់សេវាកម្មហៅកង់បីខ្មែរ កង់បីឥណ្ឌា ឡានតូចៗប្រភេទ Classic និងឡានប្រភេទ SUV ។ ការរចនាសាមញ្ញៗ ប៉ុន្តែ Zelo ទាក់ទាញអ្នកប្រើច្រើនតាមរយៈ កម្មវិធីបញ្ចុះតម្លៃដោយស្វ័យប្រវត្តិនៅពេលដែលអ្នកដំណើរធ្វើការកំណត់ទីតាំងមុន ។

តំណាងក្រុមហ៊ុន Zelo ឲ្យដឹងថា Zelo ជា App ដែលផ្តល់តម្លៃសមរម្យសម្រាប់អ្នកធ្វើដំណើរទូទៅ ក្នុងនោះ Zelo រចនាឡើងសាមញ្ញឲ្យងាយស្រួលប្រើជាមួយបច្ចេកវិទ្យាថ្មីៗ ។

Zelo មានកម្មវិធីប្រូម៉ូសិនថ្មីៗជាក់ស្តែង កម្មវិធីបញ្ចុះតម្លៃ ១៥% ឬ ៣០% រាល់ពេលហៅកង់បីតាម Zelo និងកំណត់ទីតាំងមុន ។

ទាញយក Zelo App  :

សម្រាប់ IOS ចុចទីនេះ

សម្រាប់ Android ចុចទីនេះ

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES