កុំគិតថាក្មេងរកស៊ីមិនកើត! ក្មេងស្រី ២ រូបនេះអាយុទើបតែ ២០ ឆ្នាំសល់លុយរាប់ម៉ឺនដុល្លារ

ការកស៊ីមិនបានកំណត់វ័យ វណ្ណះ ភេទ ឫអាយុរបស់មនុស្សម្នាក់ៗឡើយ តែវាកំណត់ទៅលើទិសដៅ គោលបំណង ជាពិសេសឆន្ទៈរបស់យើង។ បើយើងមានក្តីស្រមៃ និងគោលបំណងជាក់លាក់ណាមួយហើយ យើងព្យាយាមអនុវត្តន៍ធ្វើវាឡើងនោះ វាប្រាកដជាទទួលបានផ្លែផ្កានៅថ្ងៃណាមួយជាមិនខាន។

ពេលនេះ Business Cambodia សូមបង្ហាញនៅយុវវតី ២ រូបដែលអាចរកចំណូលបានរាប់ម៉ឺនដុល្លារ

១.កញ្ញាសា លីកា 

ជាក់ស្តែងដូចជា កញ្ញាសា លីកាដែលជាម្ចាស់ក្រុមហ៊ុន Ravy Salyka Cosmectic Co.,LTD ដែលផ្តើមចេញពីដើមទុន ៣០០ដុល្លារឯណោះនៅក្នុងការរកស៊ី តែកញ្ញាអាចវិវត្តន៍ខ្លួនរហូតក្លាយទៅជាម្ចាស់ក្រុមហ៊ុនមួយផងដែរ។

កញ្ញាបានថ្លែងប្រាប់ Business Cambodia ថាមូលហេតុដែលកញ្ញាបង្កើតក្រុមហ៊ុននេះឡើងមកព្រោះ កញ្ញាបានមើលឃើញពីសក្កានុពលទីផ្សារ ចង់ឲ្យប្រជាជនខ្មែរទទួលបាននូវផលិតផលដែលផ្សំពីធម្មជាតិមិនប៉ះពាល់ដល់សុខភាពទៅប្រើប្រាស់។ ហើយអ្វីដែលសំខាន់ទៀតនោះគឺ កញ្ញាចង់ឃើញស្រ្តីខ្មែរចេះរកស៊ី ចេះបង្កើតចំណូលដោយសមត្ថភាពខ្លួនឯង និងចេះអភិវឌ្ឍខ្លួនឯងឲ្យមានតម្លៃនៅក្នុងសង្គម។

ក្មេងស្រីអាយុ ២០ ស្តើងម្នាក់នេះបានបន្តថាពេលនេះគាត់កំពុងកាន់កាប់ក្រុមហ៊ុនឈរជើងនៅលើទីផ្សារយ៉ាងរឹងមាំ ហើយមានសមាជិករហូតទៅដល់ជិត៣០០០នាក់ឯណោះ ជាពិសេសមិនត្រឹមតែមាននៅក្នុងប្រទេសទេ គឺមាននៅចែកចាយនៅក្រៅប្រទេសថែមទៀតផងហើយក្នុងមួយខែកញ្ញាអាចរកចំណូលបានចាប់ពី ២ម៉ឺនដុល្លារ ទៅ ៣ម៉ឺនដុល្លារឯណោះក្នុងមួយខែ។

២. កញ្ញាសួស បញ្ញាវត្តី

ជួបសម្ភាសជាមួយ Business Cambodia កញ្ញារូបស្រស់ម្នាក់នេះបានបង្ហើមប្រវត្តិខ្លួនថាគាត់គឺជាកូនទោលនៅក្នុងគ្រួសាអ្នករកស៊ីនៅក្នុងរាជធានីភ្នំពេញ ដោយមានឈាមជ័រជាអ្នករកស៊ីពីកំណើត កញ្ញាមិនដែលមានបំណងគិតថានឹងចេញបម្រើការងារនៅក្នុងអង្គភាពឫក្រុមហ៊ុនណាមួយឡើយ។ ក្តីស្រមៃពីតូចគឺចង់បង្កើតក្រុមហ៊ុន និងមានអ្វីដែលជាស្នាដៃខ្លួនឯង លូតលាស់ដោយសមត្ថភាពខ្លួនឯង ដោយមិនពឹងលើឥទ្ធិពលគ្រួសារ។ ដោយទទួលបានបទពិសោធន៍រកស៊ីពីការជួយការងាររបស់គ្រួសារ និងការសិក្សាបន្ថែមនៅសាលារៀន កញ្ញាបានយកមកអនុវត្តន៍ផ្ទាល់ជាមួយមុខជំនួញផ្ទាល់ខ្លួនបានយ៉ាងល្អ សព្វថ្ងៃជំនួញ ៣ ធំៗដែលកញ្ញា បញ្ញាវត្តីកំពុងមើលការខុសត្រូវមានដូចជា៖ ហាងបោះដុំសម្លៀកបំពាក់ធំនៅផ្សារអូឡាំពិក ថៅកែការ៉ាសសាំង និងជាម្ចាស់ក្រុមហ៊ុន Mss Princess Beauty Brand ដែលទទួលលក់ផ្តាច់មុខផលិតផលCheripino ពីប្រទសថៃប្រចាំនៅប្រទេសកម្ពុជាផងដែរ មិនតែប៉ុណ្ណោះកញ្ញាក៏អាចរកចំណូលបានប្រមាណរាប់ម៉ឺនដុល្លារផងដែលពីការធ្វើជំនួញរបស់គាត់។

អត្ថបទដោយ៖ ធី ស្រីល័ក្ខ(Sale Writer of Business Cambodia)

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES