កុំឆ្ងល់ហេតុអ្វីអ្នកមិនមានដូចគេ បើអ្នកមិនជៀសពីកំហុសទាំងនេះ!

ជាការពិតណាស់ មនុស្សមា្នក់ៗកើតមកសុទ្ធតែប្រាថ្នាចង់ក្លាយជាអ្នកមាន គ្មាននរណាកើតមកចង់ក្រនោះទេ ទោះបីជាអ្នកកើតមកស្ថិតស្ថានភាពបែកណាក៏ដោយអ្នក ក៏អ្នកអាចជាអ្នកមានបានទៅថ្ងៃ      អនាគតបើអ្នកមានគោលដៅច្បាស់លាស់ និងខិតខំប្រឹងប្រែងតស៊ូធ្វើយ៉ាងណាឲ្យសម្រេចនូវគោលដៅនោះ។ អញ្ចឹងបើសិនជាអ្នកចង់កា្លជាអ្នកមានដូចគេ អ្នកត្រូវតែជៀសវៀងពីកំហុសមួយចំនួនដូចជា៖

១. អ្នកផ្តោតខ្លាំងពេកលើការសន្សំ

មានមនុស្សមួយចំនួនរកលុយបាន តែការចំណាយរបស់ពួកគេមិនអាចគ្រប់គ្រងបានទេ មានអ្នកខ្លះទៀតគឺពួកគាត់ផ្តោតខ្លាំងទៅលើការសន្សំ ធ្វើឲ្យពួកគេភ្លេចនូវអ្វីដែលពួកគេកំពុងសន្សំ។ ជាការពិតការសន្សំលុយវាជារឿងល្អបំផុត តែបើអ្នកផ្តោតលើការសន្សំខ្លាំងពេកវាមិនល្អនោះទេ មានន័យថា អ្នករកលុយបាន ៥០០ដុល្លារក្នុងមួយខែ បន្ទាប់មកអ្នកដក់សន្សំអស់៤០០ដុល្លារ សល់១០០ដុល្លារត្រូវចំណាយលើផ្ទះជួលទឹកភ្លើងអស់៥០ដុល្លារ និងសល់៥០សម្រាប់អ្នកចាយក្នុងមួយខែ។ ដូច្នេះការផ្តោតលើការសន្សំខ្លាំងបែបនេះ មិនអាចអ្នកធ្វើឲ្យអ្នកក្លាយជាអ្នកមានបានទេ អ្នកត្រូវតែដកត្រឹម១០% នៃប្រាក់ខែរបស់អ្នកក្នុងការសន្សំទើបប្រសើរ ២៥%ទៀតយកទៅវិនិយោគលើអចលនទ្រព្យ(ដី/ផ្ទះ) ទិញភាគហ៊ុន ៥០%សម្រាប់ចាយប្រចាំខែ និង២៥%សម្រាប់អភិវឌ្ឍនូវចំណេះដឹងរបស់ខ្លួនឯងឲ្យកាន់តែមានជំនាញខ្លាំងជាងមុន។

២. អ្នកចំណាយច្រើនពេក

ជាការពិតណាស់ ប្រសិនបើយើងចាយលុយដោយមិនបានធ្វើផែនការទុកជាមុន ច្បាស់ណាស់អ្នកនឹងត្រូវចំណាយជាច្រើនលើរបស់របរដែលមិនចាំបាច់ដូចជា៖ ផឹកកាហ្វេប្រ៊េនៗ ទិញសម្លៀកបំពាក់ថ្លៃៗពេក ទិញទូរស័ព្ទទំនើបពេក នាឡិកាដៃ ស្បែកជើងថ្លៃៗ ដំណើរកំសាន្តញឹកញាប់ពេកក្នុងមួយខែៗ និងរបស់របរជាច្រើនទៀត ដែលទាំងនេះហើយជាកត្តានាំឲ្យចំណាយច្រើនជាងមុន។ ហើយនៅពេលដែលអ្នកចង់ធ្វើអី្វមួយដោយមិនកំណត់គោលដៅថាអ្នកចង់បានអ្វីនោះទេ គឺនឹងធ្វើឲ្យអ្នកចំណាយច្រើនជាមិនខាន។ ឧទាហរណ៍៖ អ្នកទៅដើរផ្សារទំនើបមួយ ពេលអ្នកដល់ផ្សារអ្នកឃើញមានរបស់របរច្រើនមុខ និងច្រើនប្រភេទ ធ្វើឲ្យអ្នកចង់ទិញរបស់នេះ ទិញរបស់នោះ ទោះបីវាមិនចាំបាច់ក៏ទិញវាដែរ ម៉្យាងទៀតបើអ្នកមានគោលដៅច្បាស់លាស់ថាត្រូវតែកាបូប និងខ្សែក្រវ៉ាត់ ពេលដើរផ្សារទោះមានរបស់របរច្រើនយ៉ាងណាក៏អ្នកមិនអាចទិញវាដែរ ពីព្រោះអ្នកបានកំណត់គោលដៅថាទិញតែកាបូប និងខ្សែក្រវ៉ាត់។

៣. អ្នកមិនវិនិយោគលុយរបស់អ្នកទេ

មនុស្សជាច្រើនមិនបានយកលុយដែលពួកគេរកបានទៅធ្វើការវិនិយោគទេ ហើយលុយដែលពួកបានមកគឺចំណាយទៅលើជីវភាពគ្រួសារ៨០%សម្រាប់ការរស់នៅប្រចាំថ្ងៃ និង២០%សម្រាប់ការកំសាន្តជួបជុំមិត្តភក្តិផឹកស៊ី កត្តាទាំងនេះហើយដែលមិនអាចឲ្យពួកគាត់ក្លាយជាអ្នកមានដូចគេឯង ប្រសិនបើគាត់មិនធ្វើការវិនិយោគលុយរបស់គាត់ឲ្យមានការកើនឡើងនូវប្រភពចំណូលហូរចូលច្រើននោះទេ។ ដូច្នេះដើម្បីអាចក្លាយជាអ្នកមានបាន លុះត្រាតែពួកគាត់ចេះយកលុយដែលរកបានមួយចំនួនទៅធ្វើការ វិនិយោគលើវិស័យអចលនទ្រព្យ (ដី/ផ្ទះ/វីឡា) ការទិញភាគហ៊ុន បង្កើតអាជីវកម្មខ្លួនឯង និងជាពិសេសការអភិវឌ្ឍនូវចំណេះដឹងរបស់ខ្លួនឲ្យកាន់មានខ្លាំងមានជំនាញជាមុន។

៤. អ្នកមិនមានគោលដៅហិរញ្ញវត្ថុទេ

ជាការពិតអ្នកមិនអាចក្លាយជាអ្នកមានបានដូចគេ ក៏ព្រោះតែអ្នកមិនមានគោលដៅហិរញ្ញវត្ថុនៅថ្ងៃអនាគតដូចទៅនឹងអ្នកមាន។ មានមនុស្សជាច្រើនមិនដឹងថាអ្វីទៅជាគោលដៅហិរញ្ញវត្ថុ តើវាមានសំខាន់អ្វីខ្លះដល់ពួកគាត់? វាពិបាកខ្លាំងណាស់ក្នុងការដាក់ចេញនូវគោលដៅមួយដែលអ្នកចង់សម្រេចបាននៅក្នុងជីវិតដ៏វែងឆ្ងាយរបស់អ្នក និងជាពិសេសប្រសិនបើអ្នកមានអាយុ២០ឆ្នាំ ៣០ឆ្នាំ ឬ៤០ឆ្នាំនាពេលនេះ។ ការពិត គឺការធ្វើផែនការគ្រាន់តែជាការប៉ាន់ស្មាននឹងតម្រង់ទិញដៅតែប៉ណ្ណោះ ដែលអ្នកមិនអាចដឹងច្បាស់លាស់អំពីអ្វីដែលអ្នកត្រូវការសម្រេចវានៅឆ្នាំណាឡើយ។ ដូច្នេះប្រសិនបើអ្នកមិនបានកំណត់នូវគោលដៅហិរញ្ញវត្ថុ ដើម្បីឲ្យសាច់ប្រាក់មានស្ថេរភាព និងរីកចំរើនទៅថ្ងៃអនាគតទេ នោះអ្នកដឹងមិនអាចក្លាចជាអ្នកមានដូចគេឯងនោះទេ៕

អត្តបទដោយ៖ នុត សុណេត

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

Online

RELATED ARTICLES