កុំអាងមានលុយច្រើន! ចេះតែវិនិយោគខុនដូ ប្រយ័ត្នប៉ះគម្រោងស្អុយ ខាតលុយលើសដើម

ជាការពិតណាស់ ឱកាសវិនិយោគខុនដូនៅកម្ពុជា ហាក់មានច្រើន ព្រោះមានគម្រោងអភិវឌ្ឍន៍ថ្មីៗជាច្រើន សម្រុកសាងសង់ជាបន្តបន្ទាប់ មានទាំងការវិនិយោគបរទេស និងខ្មែរយើង។ ស្របពេលជាមួយនឹងឱកាសចំណេញនេះ ហានិភ័យក៏អាចកើតមានគ្រប់ពេលដែរ បើអ្នកវិនិយោគមិនមានការប្រុងប្រយ័ត្នខ្ពស់នោះ។

វិនិយោគខុនដូ យើងទទួលស្គាល់ថា ឱកាសចំណេញមានច្រើន តែហានិភ័យក៏មានច្រើនដូចគ្នា។ ជាក់ស្តែងគម្រោងអភិវឌ្ឍន៍មួយចំនួនត្រូវបានបរាជ័យ ពោលមិនបានបញ្ចប់ការសាងសង់តាមការកំណត់ ដោយសារមានបញ្ហាផ្សេងៗ ដូចជាក្រុមហ៊ុនក្ស័យធន ម្ចាស់គម្រោងមានបញ្ហា ក្រុមហ៊ុនមិនស្របច្បាប់ត្រឹមត្រូវ ធ្វើឱ្យផ្អាកដំណើរការសាងសង់ ប៉ះពាល់ដល់អ្នកទិញ និងវិនិយោគ។

ជាក់ស្តែងយើងបានឃើញទាំងអស់គ្នាហើយ គម្រោងធំៗមួយចំនួនត្រូវបានផ្អាកជាច្រើនខែ ឬរាប់ឆ្នាំ ​មិនថានៅខ្មែរ ឬបរទេស ដោយសារក្រុមហ៊ុនអភិវឌ្ឍន៍មានបញ្ហានានា ធ្វើឱ្យគម្រោងជាប់គាំងមិនអាចដំណើរការបាន។

បញ្ហាធំបំផុត ដែលអ្នកទិញ ឬវិនិយោគប៉ះចំគម្រោងស្អុយ ដោយសារតែការវិនិយោគមិនត្រូវបានវិភាគល្អិតល្អន់ ឬធ្វើតាមដំណាក់កាលនៃការវិនិយោគវៃឆ្លាត តែបែរជាវិនិយោគតាមទឹកលុយ តាមការនឹកឃើញ ដោយគ្មានទស្សនៈវិស័យក្នុងការវិនិយោគ។

ហើយរឺតតែបញ្ហាធំទៀតនោះ ពួកគេមិនបានវិនិយោគលើចំណេះដឹងច្រើននោះទេ ដោយសារតែមានដើមទុនច្រើន ចង់ទិញគម្រោងណា ទិញគម្រោងនឹង ដោយមិនសូវវិភាគច្រើន។ មួយវិញទៀត មិនបានប្រឹក្សាយោបល់​ជាមួយអ្នកជំនាញច្បាស់លាស់ ជជែកតែជាមួយអ្នកលក់គម្រោងតែម្តង ច្បាស់ជាមិនគ្រប់គ្រាន់ទេ។

ជាការពិតណាស់ បើយើងមានដើមទុនច្រើន ហើយវិនិយោគមិនបញ្ហាជាប់គាំងអាចមិនសូវមានបញ្ហាចោទលើហិរញ្ញវត្ថុ តែអ្នកមានដើមទុនតិចតួច ហ៊ានតែប្រហេសច្បាស់ជាទឹកភ្នែកមិនខានឡើយ។ មិនត្រឹមតែខាតដើមនោះទេ អាចឈានដល់ជំពាក់ធនាគារ និងមានរឿងរ៉ាវឡើងតុលាការទៀតផង បើមិនវិភាគ ឬប្រើវិធីសាស្ត្រត្រឹមត្រូវមុនពេលវិនិយោគ។

សូមបញ្ជាក់ថា ចំណុចគន្លឹះសំខាន់ៗនៃការវិនិយោគខុនដូ ដើម្បីទទួលបានប្រាក់ចំណេញខ្ពស់ ហានិភ័យទាប Busienss Cambodia បានចុះផ្សាយជាអត្ថបទច្រើនមកហើយ។ ដូច្នេះអ្នកអាន អាចយកជាមូលដ្ឋានគ្រឹះខ្លះ ដើម្បីយកទៅវិភាគគម្រោងណាមួយ មុននឹងសម្រេចចិត្តទិញចៀសវាមានហានិភ័យណាមួយកើតឡើង៕

ចង់វិនិយោគអចលនទ្រព្យ ចង់ប្រឹក្សាយោបល់។

លោកអ្នកអាចទាក់ទងអ្នកនិពន្ធ ឬក្រុមការងារBusiness Cambodia 

 

អត្ថបទដោយ៖ ម៉ន វុទ្ធាEmail: [email protected],Facebook:Morn Vuthea

អ្នកនិពន្ធសៀវភៅ«សហគ្រិនអចលនទ្រព្យជំនាន់ថ្មី»

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES