បញ្ញវន្តថៃចាយលុយ ៤ ម៉ឺនដុល្លាសាងសង់ប្រាសាទស ទាញលុយបានជាង ២៤ លានដុល្លារអោយស្រុកថៃ

លោកអ្នកប្រហែលធា្លប់បានឃើញប្រាសាទសរមួយនៅក្នុងខេត្តឈៀងរៃប្រទេសថៃ ដែលល្បីល្បាញនៅក្នុងបណ្តាញសង្គមហ្វេសប៊ុក ដែលមានភ្ញៀវទាំងអាស៊ី និងអឺរ៉ុបសម្រុកទៅទស្សនា ហើយអ្វីដែលស្មានមិនដល់នោះគឺចំណូលពីការលក់សំបុត្រនៅក្នុងព្រះវិហាមួយនេះក្នុងមួយខែបានរហូតដល់ ២៤ លានដុល្លារ ដែលនេះជាគំនិតរកលុយមួយអស្ចារ្យបំផុតរបស់ប្រទេសថៃ។ 

ប្រាសាទសឬហៅជាភាសាថៃថាវត្តរុងឃុន (Wat Rong Khun ) ជាតំបន់ទេសចរណ៍ដ៍ទាក់ទាញបំផុតនៅក្នុងខេត្តឈឿងរៃប្រទេសថៃ ដែលព្រះវិហាមួយនេះរចនាឡើងក្នុងរចនាបទព្រះពុទ្ធសាសនា ដោយរំលេចនៅក្បាច់ផ្កាភ្ញីពណ៌សរ ១០០ ភាគរយ ដែលធ្វើអោយព្រះវិហាមួយនេះទាក់ទាញខ្លាំងពីភ្ញៀវអាស៊ីនឹងអឺរ៉ុប។ 

ព្រះវិហាមួយនេះត្រូវបានកសាងឡើងដោយបញ្ញវន្តជនជាតិថៃ ២ រូប អ្នកច្នៃប្រឌិតឆ្នើមពីររូបគឺសិល្បករជាតិលោក Chalermchai Kositpipat និងលោក Kriangkrai Kanjanapokin ស្ថាបនិកនិងជាប្រធាននាយកប្រតិបត្តិនៃក្រុមហ៊ុន Index Creative Village Public Company Limited បានចូលរួមសហការគ្នាដើម្បីបង្កើតព្រឹត្តិការណ៍ច្នៃប្រឌិតដ៏អស្ចារ្យបំផុតមួយនេះ។ 

យោងតាមប្រវត្តិដំបូងនៃការសាងសង់ព្រះវិហាមួយនេះ Chalermchai Kositpipat បានលះបង់ច្រើនបំផុតដើម្បីបង្កើតស្នាដៃមួយនេះជួយដល់ខេត្តឈឿងរៃ ដោយក្នុងនោះលោកបានជំនះគំនិតគ្រួសារ ដោយចាយលុយ ១ លានបាត ដែលមានតម្លៃជាងជិត ៤ ម៉ឺនដុល្លារ ដើម្បីប្រថុយសាងសង់សំពងមួយនេះឡើង ដោយបុរសម្នាក់នេះសង្ឃឹមយ៉ាងមុតមាំថាស្នាដៃមួយនេះមានតែមួយនៅក្នុងលោក។ 

បញ្ញវន្តទាំងពីររូបរបស់ថៃមានបំណងកសាងព្រះវិហារមួយនេះឡើងដើម្បីបង្ហាញពីសិល្បៈនៃព្រះពុទ្ធសាសនាថៃ ហើយគោលបំពងរបស់ពួកគេទាំងពីរគឺចង់បង្កើតស្នាដៃជាតិកម្រិតពិភពលោក ដែលអាចទាក់ទាញភ្ញៀវទេសចរណ៍អោយចូលមកទស្សនា និងទាញចំណូលពីជនបរទេសទាំងនោះ ហើយទីបំផុតបំណងរបស់ពួកគេក៏បានសម្រេច ដោយចំណូលមួយខែៗមិនក្រោម ២០ លានដុល្លាឡើយ។ 

គួរបញ្ចាក់ថាប្រាសាទសរវត្តរុងឃុន (Wat Rong Khun ) លក់សំបុត្របាន ៣៧០០០ សំបុត្រជារៀងរាល់កម្មវិធីធំរបស់ខ្លួន ហើយវាជាទីតាំងដ៍ទាក់ទាញដូចជាឋានសួគ៌ ដែលនេះជាគំនិតស្ថាបត្យកម្មកំពូលមួយរបស់ខេត្តឈឿងរៃ ដែលទាញចំណូលខ្ទង់លានដុល្លារអោយខេត្តដ៍ល្បីល្បាញមួយនេះ៕ 

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES