ស្ថាបនិកVARMAN៖ពីអ្នកបញ្ចូលបទភ្លេងតាមចិញ្ចើមផ្លូវរហូតអាចបង្កើតម៉ាកយីហោខ្លួនឯង

លោក ជុន សីហា ជាស្ថាបនិកនាឡិកាដៃម៉ាកVARMAN និងជាម្ចាស់អាជីវម្មពីកន្លែងទៀតនៅទីក្រុងភ្នំពេញ។ សហគ្រិនវ័យក្មេងរូបនេះ បានរៀបរាប់ថា ទំរាំដើរមកដល់ពេលនេះគឺលោកបានឆ្លងកាត់ការលំបាកជាច្រើន លោកថាលោកធ្លាប់ជាអ្នកបញ្ចូលបទភ្លេងទូរស័ព្ឌនៅតាមចិញ្ចើមផ្លូវដើម្បីរកប្រាក់បង់ថ្លៃសាលា បន្ទប់ជួល និងម្ហូបអាហារ។

ក្រោយមកទៀតលោកបានឈប់ពីមុខរបរបញ្ចូលបទភ្លេង ហើយចូលបំរើការងារនៅហាងលក់កុំព្យូទ័រមួយកន្លែងដោយបានទទួលប្រាក់ខែត្រឹមតែ៧០$ ក្នុង១ខែតែប៉ុណ្ណោះ បើទោះបីប្រាក់ខែវាតិចជាងមុខរបរចាស់ច្រើនក៏ពិតមែន តែលោកសប្បាយចិត្តព្រោះវាទាក់ទងនឹងជំនាញIT របស់លោក ពេលវេលាចេះតែកន្លងលោកបានផ្លាស់ប្តូរបទពិសោធន៏ការងារពីមួយកន្លែងទៅមួយកន្លែងរហូតលោកមាន ឱកាសចូលបម្រើការក្នុងក្រុមហ៊ុនមួយដែលអាចអោយលោកបន្តរការសិក្សារជំនាញបន្ថែមពីក្រុមហ៊ុនដែលជាដៃគូរនៅប្រទេសកូរ៉េខាងត្បូងរយៈពេល១ឆ្នាំកន្លះ ដោយសារសុខភាពមិនអំណោយផលលោកក៏បានវិលមកបំរើការនៅប្រទេសកម្ពុជាវិញ។

លោក ជុន សីហា បានបង្ហើបឲ្យដឹងថាកំឡុងពេលដែលលោកធ្វើការ លោកចេះតែគិតថាការចំណាយច្រើនហើយប្រាក់ខែចាយមិនគ្រប់ទើបបែកគំនិតរកស៊ីក្រៅម៉ោងការងារដោយសាកល្បងកុម្មង់ទំនិញពីក្រៅប្រទេសមកលក់តាមអនឡាញដោយប្រើដើមទុនត្រឹមតែ១០០$ តែប៉ុណ្ណោះ ដោយសារការយកទំនិញមកចំគោលដៅអតិថិជនគួបផ្សំនឹងឱកាសដែលពេលនោះមិនសូវជាមានអ្នកលក់នៅលើបណ្តាញសង្គម Facebookទេ ហើយក៏មិនតម្រូវអោយចំណាយលុយក្រាស់ក្រែលដូចបច្ចុប្បន្ននេះដែរ ដែលធ្វើអោយអាជីវកម្មរបស់លោករីកចម្រើនពីមួយថ្ងៃទៅមួយថ្ងៃ​ទើបលោកសម្រេចចិត្តលាឈប់ពីការងារ ហើយមកពង្រីកទីផ្សារបស់លោកចាប់តាំងពីគ្មានទីតាំងរហូតបើកបានហាងពីរកន្លែងនៅភ្នំពេញ។

ទន្ទឹមនឹងអាជីវកម្មរីកចម្រើនលោកក៏បានពង្រីកអាជីវកម្មមួយទៀតដោយសហការជាមួយដៃគូរនៅក្រៅប្រទេសដើម្បីផលិតនាឡិកាបុរសនារីដែលមានឈ្មោះថា VARMAN ក្នុងគោលបំណងចង់បង្កើតយីហោក្នុងស្រុក ជាមួយគុណភាព គំនិតច្នៃប្រឌិត និងប្រណិតភាពមិនចាញ់យីហោបរទេស នាឡិកានេះត្រូវបានផលិតឡើងដោយគិតពីគុណភាពជាចំបងដែលបំពាក់ទៅដោយម៉ាស៊ីនពីប្រទេសជប៉ុន កញ្ចក់ Sapphire Crystal តួរ Stainless Steel ជាពិសេសអាចការពារទឹកបានរហូតដល់50ម៉ែត្រ មានខ្សែចំនួន២ក្នុងប្រអប់តែមួយមានការធានាគុណភាពរហូតដល់មួយឆ្នាំពេញ និងមានតម្លៃតម្លៃចាប់ពី 75$ រហូតដល់1,000$។

VARMAN នឹងបើកសម្ពោធជាផ្លូវការនៅថ្ងៃទី១៣ ខែឧសភា ឆ្នាំ២០១៩ ជាមួយនឹងការបញ្ចុះតំលៃពី៣០% រហូតដល់ ៥០% និងមានឱកាសឈ្នះរង្វាន់ជារៀងរាល់ខែ សូមបងប្អូនធ្វើការចូលរួមនិងធ្វើតេស្តនាឡិកាដែលជាគំនិតច្នៃប្រឌិតរបស់ VARMAN មានទីតាំងនៅលើផ្លូវកម្ពុជាក្រោម ខាងលិចស្តុបដេអិនប្រហែល៥០ម៉ែត។

Facebook: Varman Watches
 

 

0 មតិ

បញ្ចេញមតិ

RELATED ARTICLES