សៀមរាប អាចនឹងមានឡដុតសំរាមខ្នាតយក្ស១ ដែលអាចដុតសំរាមមួយថ្ងៃជាង ១ពាន់តោន

នៅរយៈកាលប៉ុន្មានឆ្នាំចុងក្រោយនេះ យើងសង្កេតឃើញថា ខេត្តសៀមរាបមានគម្រោងវិនិយោគធំៗជាច្រើន បាននិងកំពុងសម្រុកទៅកាន់ទីនោះ ដោយមានទាំងការវិនិយោគលើវិស័យកសិកម្ម ឧស្សាហកម្ម និងជាពិសេសសំណងអចលនទ្រព្យផ្សេងៗជាដើម។ ទន្ទឹមនឹងមានការរីកចម្រើនខ្លាំងបែបនេះ ក៏មានផលប៉ះពាល់មួយចំនួនផងដែរ ទាក់ទងទៅនឹងការកើនឡើងនៅសំរាមអនាធិបតេយ្យ។

ស្របពេលដែលកំណើនសំរាមនៅក្នុងខេត្ត ចេះតែបន្តកើនឡើងឥតឈប់ រដ្ឋបាលខេត្តក៏មានវិធានជាច្រើនសម្រាប់ទប់ស្កាត់ និងកែច្នៃសំរាមទាំងអស់នោះផងដែរ។ ជាក់ស្តែង កាលពីថ្ងៃចន្ទម្សិលមិញនេះ លោក ង៉ាន់ ភិរុណ អភិបាលរងខេត្ត តំណាងលោក ទៀ សីហា អភិបាលខេត្តសៀមរាប បានទទួលជួបប្រជុំពិភាក្សាការងារជាមួយតំណាងក្រុមហ៊ុន ROCAKONG GREEN TRADING CO., Ltd. ដែលជាក្រុមហ៊ុនមានបទពិសោធន៍ច្រើនឆ្នាំលើការកែច្នៃសំរាម មកពីប្រទេសតួគី។ 

ក្នុងកិច្ចប្រជុំពិភាក្សានេះ តំណាងក្រុមហ៊ុន ROCAKONG GREEN TRADING CO., Ltd. បានណែនាំ និងធ្វើបទបង្ហាញពាក់ព័ន្ធនឹងឡដុតសំរាម ដែលផលិតនៅប្រទេសតួគី មានលក្ខណៈទំនើបដោយអាចដុតសំរាមបាន ១២តោនក្នុង ១ថ្ងៃ និងអាចទ្រទ្រង់នឹងចំនួនមនុស្សរស់នៅប្រហែល ៦ម៉ឺននាក់ និងឡខ្នាតធំអាចដុតសំរាមបាន ១.២៥០តោនក្នុង ១ថ្ងៃ ដែលអាចទ្រទ្រង់ចំនួនមនុស្សរស់នៅប្រហែល ៥០ម៉ឺននាក់។

បន្ទាប់ពីស្តាប់ និងការធ្វើបទបង្ហាញរបស់តំណាងក្រុមហ៊ុនរួចមក លោក ប្រធានអង្គប្រជុំ បានមានមតិគាំទ្រចំពោះផលិតផលឡដុតសំរាមនេះ ដែលមានលក្ខណៈទំនើប ជាពិសេសអាចជួយខេត្តសៀមរាបទទួលបាននូវបរិស្ថានល្អ កាត់បន្ថយទឹកកខ្វក់ ការបោះចោលសំរាមពាសវាលពាសកាលនៅទីសាធារណៈនានា និងកាត់បន្ថយការប៉ះពាល់ផ្សេងៗដែលបណ្តាលមកពីទីលានចាក់សំរាម ផងដែរ ៕ 

រូបភាពដំណាង 

អត្ថបទដោយ៖ LeEmon Biz 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES