Tracy-Anne៖​ មានលុយ២ពាន់$ ចេញរកស៊ីបើកហាងផ្កា មួយឆ្នាំអាចរកចំណូលបាន ៧២ម៉ឺន$

សហគ្រិនស្ត្រី Tracy-Anne ស្ថាបនិកហាងផ្កា Blend & Bloom ដែលផ្តោតសំខាន់ទៅលើការរៀបចំតុបតែងសម្រាប់អាពាហ៍ពិពាហ៍ និងលក់រាយទូទៅ បានផ្តើមបង្កើតហាងរបស់ខ្លួនឡើងក្នុងឆ្នាំ២០១៦ ដោយបានប្រើដើមទុនត្រឹមតែ ១៧២០ដុល្លារអាមេរិកប៉ុណ្ណោះ។ ប៉ុន្តែបច្ចុប្បន្ននេះ ហាងរបស់នាងអាចរកចំណូលបានរហូតដល់ជាង ៧២ម៉ឺនដុល្លារអាមេរិក ក្នុងមួយឆ្នាំ។

ទន្ទឹមនឹងភាពជោគជ័យនៃការបើកអាជីវកម្មដែលប្រើប្រាស់ដើមទុនតិចបំផុតនោះ សហគ្រិនស្រ្តីវ័យ ៣៥ឆ្នាំខាងលើនេះ បានបង្ហើបពីតិចនិកសំខាន់ចំនួន៤ ដែលធ្វើឱ្យគាត់ទទួលបានជោគជ័យ ទោះបីចាប់ផ្តើមពីតូចក៏ដោយ។ តិចនិកដែលខ្វះមិនបាននោះ រួមមាន៖

១.ជឿជាក់លើខ្លួនឯង

Tracyបាននិយាយថា បើទោះជាអ្នករស់នៅក្នុងជីវភាពបែបណាក៏ដោយ សម្រាប់គ្រប់គ្នាមិនមានអ្វីដែលយឺតពេកនោះទេក្នុងការផ្លាស់ប្តូរ គ្រាន់តែអ្នកត្រូវការពុះពារ និងខិតខំឲ្យដល់កម្រិតតែប៉ុណ្ណោះ ទើបអាចទទួលបានលទ្ធផល ត្រូវចាំថា អ្វីគ្រប់យ៉ាងកើតចេញពីការចាប់ផ្តើមធ្វើ។

២.សិក្សាទីផ្សារ

ស្ថាបនិកហាងផ្កាខាងលើនេះ បានលើកឡើងថា អ្នកត្រូវសម្រេចចិត្តថាតើអ្នកលក់ផ្កាប្រភេទណា ឬផលិតផលអ្វីដែលអ្នកគិតថាធ្វើឲ្យអតិថិជន និងខ្លួនឯងប្រសើរឡើង។ អ្នកក៏ត្រូវតែយល់ឱ្យជាក់ច្បាស់ផងដែរនៅចំណុចពិសេសរបស់អាជីវកម្មដែលអ្នកដទៃគ្មាន ជាពិសេសគូប្រកួតប្រជែងរបស់អ្នកតែម្តង។

៣.អត់ធ្មត់

ស្ត្រីវ័យ ៣៥ឆ្នាំរូបនេះ បានបញ្ជាក់ថា ការចាប់ផ្តើមអាជីវកម្មក្រៅពីមានដើមទុន ជំនាញ ផែនការច្បាស់លាស់ និងការស្មោះត្រង់ជាមួយអតិថិជន ព្រមទាំងរបៀបគ្រប់គ្រងការចំណាយ និងចំណូលហើយនោះ នៅមានរឿងសំខាន់មួយទៀតដែលអ្នកត្រូវមានជាប់ខ្លួនដែលអត់មិននោះគឺ ការអត់ធ្មត់ ព្រោះគ្រប់អាជីវកម្មទាំងអស់មិនអាចបើកភ្លាមជោគជ័យភ្លាមនោះទេ។

៤.តិចនិកផ្សព្វផ្សាយតាមបណ្តាញសង្គម

Tracy-Anneបានសង្កត់ធ្ងន់ថា មូលហេតុធំបំផុតដែលធ្វើឱ្យហាងរបស់នាងជោគជ័យខ្លាំង គឺដោយសារតែនាងធ្វើការផ្សព្វផ្សាយតាមបណ្តាញសង្គមដែលរួមមាន Facebook Instagarm ជាដើម។ Tracyបានពន្យល់ថា សម័យកាលបច្ចុប្បន្ននេះ មនុស្សភាគច្រើនងប់នឹងការលេងបណ្តាញសង្គម ដូចនេះការផ្សព្វនៅលើបណ្តាញសង្គមមិនត្រឹមតែចំណាយតិចនោះទេ ថែមទាំងមានប្រសិទ្ធភាពខ្ពស់ថែមទៀតផង ៕

អត្ថបទដោយ៖ LeEmon Biz 

 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES