ឈប់ឆ្ងល់ទៅហេតុអ្វីឡាន Toyota Prius ពេញនិយមជាងគេនៅអង់គ្លេស

ធ្លាប់ដឹងហើយថា ម៉ូឌែលកូនកាត់ Toyota Prius មិនមែនអន់នោះទេ ទោះបីទាបក៏ដោយ តែចំណុចពិសេសទាក់ទាញចិត្ត និងគ្រឿងម៉ាស៊ីនរបស់វាមិនចាញ់ម៉ូឌែលពពួក SUV ប៉ុន្មាននោះដែរ ។

ហើយថ្មីៗនៅចក្រភពអង់គ្លេស ជាទីកន្លែងប្រមូលផ្ដុំដោយអ្នកប្រើប្រាស់ឡាន និង កន្លែងសេដ្ឋកិច្ចទៀតនោះ បានលេចឮសម្ដីពីមហាជនថា Prius ត្រូវបានជាប់សម្លេងឆ្នោតច្រើនជាងគេ ដែលជាឡានពេញនិយម និង ជារថយន្ដដែលត្រូវចិត្តបំផុតរបស់ម្ចាស់ប្រើប្រាស់ ។

ការស្ទង់មតិជាង ១៤,០០០ នាក់បាននិយាយថាឡាន Prius ងាយស្រួលបើកបរ ស៊ីសាំងតិច ជាមួយសុវត្តិភាពខ្ពស់ ជាពិសេសគឺម៉ូឌែលក្រោយៗតែម្ដង វាងាយទាំងបើកបរ ហើយការពារដល់បរិស្ថានទៀតផង ព្រោះវាប្រើ Hybrid ច្រើនជាជាងការស៊ីសាំងនោះ ដូច្នេះហើយវាសន្សំសំចៃបានទាំងលុយ និង សាំង ។

មិនត្រឹមតែប៉ុណ្ណោះមតិជាង ៩៣,២២ % ដែលបោះឲ្យ Toyota Prius ជារថយន្ដដែលពួកគេពេញចិត្តលេខ១ មួយ ក្នុងចំណោមរថយន្ដទាំង ១០ ផ្សេងទៀតដែលគេដាក់ឲ្យ ស្ទង់មតិ និងដាក់ពិន្ទុ ។

ហើយលទ្ធផល Prius ក៏បានទទួលបានការគាំទ្រខ្លាំងនៅអង់គ្លេស និង បណ្ដាប្រទេសផ្សេងៗទៀត ព្រោះវាងាយស្រួលបើកបរមែន ទាំងសុវត្តិភាព ស៊ីសាំងតិច ហើយតម្លៃវិញក៏ធូរថ្លៃទៅតាមហ្នឹងទៀតដែរ ជាពិសេសគឺម៉ូឌែល ២០១៩ តែម្ដង ដែលតម្លៃរបស់វា ២៧០០០ ដុល្លារជាតម្លៃស្ដង់ដារ តែអាចខុសគ្នាតិចតួចទៅតាមបណ្ដាប្រទេសនីមួយៗ ។

គួរបញ្ជាក់ផងដែរថា បើអ្នកមានលទ្ធភាពជិះ Prius បានគួរតែសម្លឹងមើលទៅ ព្រោះវាក៏ស្រួលជិះ តម្លៃក៏ថោកដែរ ហើយមិនពិបាកហត់រកលុយចាក់សាំងនោះទេ ព្រោះវាស៊ីតិចណាស់ ដូចជាម៉ូឌែល ២០១៩ ជិះ ១០០ គីឡូម៉ែត្រស៊ី ៤.៥ លីត្រប៉ុណ្ណោះ ៕

អត្ថបទដោយ ៖ ឆាំ មករា

Sathapanabank Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES