ច្រកទ្វារព្រំដែនកម្ពុជា ឡាវថ្មីនឹងជំរុញឱ្យអចលនទ្រព្យតាមច្រកព្រំដែន​កាន់តែមានសន្ទុះ

កម្ពុជា​និង​ឡាវ មាន​ច្រក​ទ្វារ​អន្តរជាតិ​មួយ​ដែល​បាន​បើក​ជា​ផ្លូវការ​កាលពី​ខែ​មករា​ឆ្នាំ​២០១៧ មាន​ឈ្មោះថា​ច្រកទ្វារ​អន្តរជាតិ​ត្រពាំង​ក្រៀល-ណងណុកខៀន ស្ថិត​នៅ​ព្រំដែន​នៃ​ខេត្ត​ស្ទឹងត្រែង ប្រទេស​កម្ពុជា និង​ខេត្ត​ចំប៉ាសាក់ ប្រទេស​ឡាវ ហើយនៅក្នុងនោះផងដែរ កម្ពុជាក៏មានខេត្តចំនួន៣គឺ ខេត្តរតនគិរី ខេត្តស្ទឹងត្រែង និងខេត្តព្រះវិហារ ដែលមានព្រំប្រទល់ជាប់ប្រទេសឡាវ ។

យោងតាមព័ត៌មានរបស់ក្រសួង បានឲ្យដឹងថា ឯកឧត្តម ឧត្តមសេនីយ៍ឯក ផាត សុផានិត អ្នកនាំពាក្យរងក្រសួងមហាផ្ទៃ បាន​មានប្រសាសាន៍ថា កម្ពុជា-ឡាវ បេ្តជ្ញាបន្តពង្រឹងកិច្ចសហប្រតិបត្តិការ​រួមគ្នាឲ្យកាន់តែរឹង​មាំ​បន្ថែម​ទៀត លើវិស័យជាច្រើន ពិសេសលើវិស័យសន្តិសុខសាធារណៈ ដើម្បីជាប្រយោជន៍រួមសម្រាប់​ភាគី​ទាំងពីរ និងបង្កភាពងាយស្រួលក្នុងការធ្វើដំណើរ ផ្លាស់ប្ដូរគណៈប្រតិភូ ការផ្លាស់ប្ដូរពាណិជ្ជកម្ម ដែល​ស្របតាមកិច្ចព្រមព្រៀងក្នុងកំណត់ហេតុ​ដែលបានចុះហត្ថលេខា។

ឯកឧត្តម ឧត្តមសេនីយ៍ឯក បាន​បន្ត​ទៀតថា ភាគីទាំងពីរនឹងបើកច្រកទ្វារព្រំដែនអន្ដរជាតិបន្ថែមទៀត  ដើម្បីសម្រួលដល់ការ​ធ្វើ​ដំណើរ​របស់ប្រជាពលរដ្ឋ ដែលបច្ចុប្បន្ន ច្រកអន្ដរជាតិរួមគ្នារវាងកម្ពុជា-ឡាវ មានតែច្រកត្រពាំង​គ្រៀល-ណងណុងឃៀន ដែលស្ថិតនៅក្នុងខេត្តស្ទឹងត្រែង ហើយក៏ជួយជំរុញពាណិជ្ជកម្មទ្វេភាគីផងដែរ។

ប៉ុន្តែច្រកទ្វារព្រំដែនអន្ដរជាតិថ្មី ដែលភាគីទាំងពីរ កំពុងសិក្សារួមគ្នាដើម្បីបើកនេះគឺអាចស្ថិតនៅខេត្តរតនគិរី ឬនៅខេត្តស្ទឹងត្រែង ទៅតាមលទ្ធភាពដែលអាចធ្វើទៅបាន។

សូមជម្រាបផងដែរថា កត្តាទាំងអស់នេះហើយអាចធ្វើឲ្យអចលនទ្រព្យនៅច្រកទ្វាព្រំដែនអន្តរជាតិកម្ពុជា-ឡាវ កាន់តែមានសន្ទុះកើនឡើងដែលបច្ចុប្បន្នយើងឃើញថាខេត្តស្ទឹងត្រែងមាន សក្កានុពលយ៉ាងខ្លាំងក្លាលើផ្នែកទេសចរណ៍និងជាតំបន់អភិវឌ្ឍន៍សេដ្ឋកិច្ចមួយយ៉ាងមាំ។

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES