Business Cambodia

គំនិតបង្កើតលុយ

ច្រកចេញដែលយុវជនគួរធ្វើ ដើម្បីដោះខ្លួនពីច្រវ៉ាក់ប្រាក់ខែ នឹងអាចចេញរកស៊ីបានដោយខ្លូនឯងបាន

Sa Thoura May 22,2020 4.6 K

ចំពោះយុវជន និងមនុស្សជាច្រើន គេច្រើនតែធ្វើការដោយរំពឹងចង់បានប្រាក់ខែ រួចពួកគេត្អូញត្អែរថាគ្មានពេលសម្រាប់ខ្លួនឯងជាដើម។ ដូច្នេះ ដើម្បីរំដោះខ្លួនឲ្យផុតពីការធ្វើការឲ្យគេ អ្នកត្រូវបង្កើតអាជីវកម្មដោយខ្លួនឯង ដើម្បីបង្កើតចំណូលសម្រាប់ខ្លួនឯង។ អ្នកត្រូវចេះចាប់យកឳកាសសម្រាប់អាជីវកម្មរបស់ខ្លួនឯង បើទោះបីជាអ្នកកំពុងតែធ្វើការក៏ដោយ។

ប៉ុន្តែការប្រកបអាជីវកម្ម ពិតជាមានហានិភ័យណាស់ ប្រសិនបើអ្នកដោះខ្លួនទាំងស្រុងចេញពីការងារ ដែលតម្រូវឲ្យមានការកសាងគ្រឹះយ៉ាងរឺងមាំជាមុនសិន ទើបអ្នកអាចដោះខ្លួនទាំងស្រុងចេញពីការងារនោះដោយមិនព្រួយបារម្មណ៍។ ហើយបើចង់ឈប់ធ្វើការឲ្យគេហើយចាប់ផ្ដើមចេញរកស៊ីឬវិនិយោគ មិនមែនចេះតែធ្វើតាមការនឹកឃើញនោះទេ ពោលគឺអ្នកត្រូវត្រៀមខ្លួននិងសំលៀងសមត្ថភាពរបស់ខ្លួនឲ្យមុតស្រួចសិន ទើបអាចដើរចេញពីច្រវ៉ាក់ប្រាក់ខែដោយគ្មានខ្លាចហានិភ័យ។

ទាក់ទិននឹងការដើរចេញពីច្រវ៉ាក់ប្រាក់ខែ ហើយចេញរកស៊ីឬវិនិយោគនេះ Business Cambodia សូមលើកយកច្រកចេញដែលយុវជនគួរធ្វើ ដើម្បីដោះខ្លួនពីច្រវ៉ាក់ប្រាក់ខែ នឹងអាចចេញរកស៊ីបានដោយខ្លូនឯងបាន៖

១. សន្សំដើមទុន

ជាការពិតណាស់ដើម្បីដើរចេញពីប្រាក់ខែទៅចាប់ផ្ដើមអាជីវកម្មឬវិនិយោគ អ្នកត្រូវចាំបាច់មានដើមទុន។ ត្រង់នេះដែរដើម្បីចេញរកស៊ីបានអ្នកត្រូវត្រៀមកញ្ចប់លុយថា តើអ្នកត្រូវមានដើមទុនប៉ុន្មានទើបអាចចេញរកស៊ីឬវិនិយោគបាន? ដូច្នេះអ្នកត្រូវចាប់ផ្ដើមសន្សំដើមទុនជាបណ្ដើរៗ នោះក្នុងរយៈពេលខាងមុខទើបអ្នកអាចចេញរកស៊ីឬវិនិយោគបានហើយ។

២. សំលៀងសមត្ថភាព

បច្ចុប្បន្នពេលវេលាហាក់ដូចជាដើរលឿនណាស់ ដូច្នេះដើម្បីសម្រេចគោលដៅឈប់ធ្វើឲ្យការគេ ហើយចេញរកស៊ីនៅពេលខាងមុខអ្នកត្រូវ ដុសខាត់សមត្ថភាពរបស់ខ្លួនឲ្យបានខ្លាំងក្លាបំផុតតាមដែលអាចធ្វើបាន។ ត្រង់ចំណុចនេះដែរ អ្វីដែលអ្នកត្រូវធ្វើគឺសិក្សារៀនសូត្រពីការរកស៊ី និងវិនិយោគឲ្យបានច្បាស់លាសជាមុនសិនទើបអាចដើរចេញពីការងារបាន។ ជាឧទាហរណ៍ អ្នកខ្លះគាត់ធ្វើការក្នុងវិស័យអចលនទ្រព្យ ហើយនៅពេលដែលកំពុងធ្វើការឲ្យគេ គាត់បានសន្សំជំនាញក៏ដូចជាសិក្សាស្វែងយល់ពីការរកស៊ីឬវិនិយោគ រហូតគាត់អាចចេញរកស៊ីនិងវិនិយោគបាន។

ជារួម ដើម្បីអាចសម្រេចគោលដៅ ពីការឈប់ធ្វើការឲ្យគេ ហើយអាចរកស៊ីឬវិនិយោគបានអ្នកត្រូវផ្ដោតទៅលើចំណុចសំខាន់ទាំង២ខាងលើគឺ សន្សំដើមទុន និងសំលៀងសមត្ថភាពខ្លួនឯងនេះឯង៕

អត្ថបទដោយ៖ សេងហ៊ាង

ចង់ទិញសូមទម្លាក់លេខទូរស័ព្ទក្នុងប្រអប់ខាងក្រោម

Sa Thoura

About The Author

ជំរាបសួរ! នាងខ្ញុំឈ្មោះ សារ ធូរ៉ា ជាអ្នកនិពន្ធផ្នែក "គំនិតច្នៃប្រឌិតបង្កើតលុយ" នាងខ្ញុំនៅទីនេះក្នុងគោលបំណង ចែករំលែកនូវគំនិតច្នៃប្រឌិតថ្មីៗក្នុងការបង្កើតអាជីវកម្ម ឬកែច្នៃអាជីវកម្មរបស់លោកអ្នកឲ្យមានចំនូលកើនឡើង។ នាងខ្ញុំនឹងព្យាយាមស្វែងរកគំនិតនិងចំណេះដឹងថ្មីៗ ប្លែកៗ ទាំំងក្នុងនិងក្រៅស្រុក ដើម្បីជំនួយទៅដល់លោកអ្នកក្នុងការដឹកនាំអាជីវកម្មឲ្យកាន់តែរីកចម្រើន។ ប្រសិនបើលោកអ្នកមានចម្ងល់ឬមានបញ្ហាទាក់ទងនឹងអត្ថបទរបស់ខ្ញុំ ឬអាជីវកម្មរបស់លោកអ្នកមានបញ្ហា ហើយចង់ផ្សព្វផ្សាយអំពីអាជីវកម្មរបស់លោកអ្នក អាចទាក់ទងមកកាន់នាងផ្ទាល់តាមរយៈលេខទូរសព្ទ Tel: 0968582943, Facebook: Sa Thoura, Email: [email protected] ។ សូមអរគុណសម្រាប់ការគាំទ្រ Business Cambodia!!