សំណង់អគារជាង៥០០កន្លែងនៅព្រះសីហនុ ត្រូវបានរដ្ឋាភិបាលត្រួតពិនិត្យនិងមានការរុះរើមួយចំនួន

ខេត្តព្រះសីហនុដែលជាខេត្តមួយទើបនិងមានការបិទអាជីវកម្មល្បែងអនឡាញជាង៧០កន្លែង និងមានការវិលត្រឡប់ទៅស្រុកកំណើត​វិញរបស់ជនជាតិ​ចិន​ជាច្រើន​នាក់ ហើយក៏មានការជះឥទ្ធិពលមួយចំនួនទៅលើបញ្ហាការងាររបស់ប្រជាពលរដ្ឋក្នុង តំបន់ ជាពិសេសគឺការបាក់រលំអគារ​ស្លាប់និងរងរបួស​ជាច្រើននាក់​កាលពី​ពេលមុននេះ ឥឡូវរដ្ឋាភិបាលបាននិងកំពុងចុះត្រួតពិនិត្យលើសំណង់អគារប្រមាណជា៥៣១ទីតាំងទាំង សំណង់ដែលបានសាងសង់​ហើយនិងសំណង់​ដែល​កំពុងសាងសង់ក្ដី ដោយក្នុងនោះមានទីតាំងមួយចំនួនត្រូវបានធ្វើការរុះរើផងដែរដើម្បី ការពារសុវត្ថិភាពប្រជាជន។

ដោយនៅក្នុងចំណោមសំណង់អគារទាំង ៥៣១កន្លែង ​នោះ​មានការ​ដ្ឋាន​តម្រូវ​ឱ្យ​រុះរើ ​ ​ចំនួន១៤ការដ្ឋាន​ ​ហើយ​ការដ្ឋាន​ដែល​តម្រូវ​ឱ្យ​ផ្អាក​ ​និង​ណែនាំ​ឱ្យធ្វើ​កោស​ល្យវិច័យ​ចំនួន​ ​១៧០​ ​ការដ្ឋាន​ ​។ហើយ​ការដ្ឋាន​ដែល​តម្រូវ​ឱ្យ​ផ្អាក​ ​និង​ណែនាំ​ឱ្យ​បំពេញ​នីតិវិធី​ចំនួន​ ​២៧៣​ ​ការដ្ឋាន​ ​រួម​ជាមួយនឹង​ណែនាំ​ឱ្យ​បំពេញ​នីតិវិធី​ចំនួន​៦៥ការដ្ឋាន​។​ ​

គួររំលឹកផងដែរថា​យោង​តាម​សេចក្តី​សម្រេច​ដែល​ចុះហត្ថលេខា​ដោយ​ឯកឧត្តម ​ ​ជា​ ​សុ​ផា​រ៉ា​ ​ឧបនាយក​រដ្ឋមន្ត្រី​ ​រដ្ឋមន្ត្រី​ក្រសួង​រៀ​ចំ​ដែនដី​ ​នគរូបនីយកម្ម​ ​និង​សំណង់​កាលពី​ថ្ងៃទី​ ​៩​ ​ខែមករា​ ​ឆ្នាំ​ ​២០១៩​កន្លងទៅនេះ បាន​ចេញ​សេចក្តី​សម្រេច​ចាត់តាំង​មន្ត្រី​ត្រួតពិនិត្យ​សំណង់​នៅ​ទូទាំង​ប្រទេស​ ​បន្ទាប់ពី​មាន​សំណង់​អគារ​បាក់​ស្រុត​ជាបន្តបន្ទាប់​។​ហើយការចាត់វិធានការដ៏ក្ដៅគគុកនេះ បានរកឃើញសំណង់គ្មានច្បាប់​ និងខុសបច្ចេកទេសជាច្រើនកន្លែងមិនថាតែព្រះសីហនុទេ សូម្បីតែខេត្តឧត្តមានជ័យក៏មានកើតមានបញ្ហានេះដែរ។

គួរកត់សម្គាល់ផងដែរថា បច្ចុប្បន្នខេត្តព្រះសីហនុបាននឹងកំពុងអនុវត្តន៍ឱ្យបានសម្រេចនូវគោលនយោបាយរបស់រាជរដ្ឋាភិបាល ដើម្បីជំរុញការអភិវឌ្ឍ​ប្រែក្លាយ​ខេត្ត​ព្រះសីហនុ ឱ្យទៅជា " តំបន់សេដ្ឋកិច្ចពិសេសគំរូពហុបំណង " អាចធ្វើឱ្យខេត្តទេសចរណ៍មាត់សមុទ្រ មានឈ្មោះ ជាទីក្រុងឧស្សាហកម្មបៃតង អាស៊ាន យ៉ាងយូរ​ត្រឹមឆ្នាំ២០២៥ ជាគោលដៅ ជំរុញការអនុវត្តគោល នយោបាយអភិវឌ្ឍវិស័យឧស្សាហកម្មឆ្នាំ២០១៥-២០២៥ ជាប៉ូលសេដ្ឋកិច្ចសំខាន់ មជ្ឈមណ្ឌលឧស្សាហកម្ម ពាណិជ្ជកម្ម និងទេសចរណ៍រីកចម្រើនប្រកបដោយចីរភាព និងមានតុល្យភាពបរិស្ថាន ។

អត្ថបទ៖ ភោគ ម៉ារី

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES