មនុស្សគ្រប់គ្នាចង់ទទួលបានជោគជ័យនៅក្នុងជីវិតផ្ទាល់ខ្លួន និងអាជីវកម្ម ។ ដើម្បីក្លាយជាអ្នកជោគជ័យអ្នកត្រូវដឹងអំពីគុណសម្បត្តិ ​និងសកម្មភាពរបស់មនុស្សជោគជ័យទាំងអស់ ។ ពួកគេទាំងអស់សុទ្ធតែមានចរិតប្រហាក់ប្រហែលគ្នា ដែលពួកយើងងាយសម្គាល់ ។ ចរិតធម្មតានៃបុគ្គលជោគជ័យទាំងនេះស្តាប់ហើយមើលទៅសាមញ្ញតែវាផ្តល់លទ្ធផលយ៉ាងច្រើនក្នុងជីវិត ។ ដូច្នេះហើយថ្ងៃនេះ Business Cambodia លើកឡើងពីចរិតលក្ខណៈ ១០យ៉ាងរបស់មនុស្សជោគជ័យ​ ។

១. ពួកគេមានការប្រុងប្រយ័ត្នចំពោះការជ្រើសរើសមិត្តភក្តិណាស់ មនុស្សជោគជ័យជុំវិញខ្លួនរបស់ពួកគេ គឺសុទ្ធតែជាមនុស្សជោគជ័យ ។ ពួកគេយល់ថាមិត្តរបស់ពួកគេគួរតែអាចនាំមកនូវការផ្លាស់ប្តូរវិជ្ជមាននៅក្នុងជីវិតរបស់ពួកគេ និងជួយពួកគេឱ្យទទួលជោគជ័យកាន់តែប្រសើរ ។ នេះជាមូលហេតុដែលពួកគេផ្លាស់ប្តូរមិត្តភក្តិដែលមិននិយាយអំពីអាជីវកម្ម ទ្រព្យសម្បត្តិ និងឱកាស ។

២. ពួកគេមិនចូលចិត្តត្អូញត្អែរទេ ៖ បុគ្គលជោគជ័យមិនដែលត្អូញត្អែរទេផ្ទុយទៅវិញគេមើលឃើញថាបញ្ហាជាឱកាស ។ ពួកគេធ្វើការឥតឈប់ឈរទាក់ទងនឹងមនុស្សត្រឹមត្រូវ ពួកគេមានភាពសកម្ម ពួកគេមិនស្ទាក់ស្ទើរក្នុងការប្រថុយ និងសកម្មភាពនៅក្នុងជីវិត ។

៣. ពួកគេនិយាយថា“ ទេ” No មនុស្សជោគជ័យទាំងអស់រៀនតាំងពីក្មេងដើម្បីនិយាយថាទេ ( No ) ពួកគេយល់ពីសារៈសំខាន់នៃការនិយាយថាទេចំពោះអ្វីដែលមិនធ្វើឱ្យពួកគេរំភើប ឬពួកគេមិនចាប់អារម្មណ៍ច្រើន ។ វាជារូបមន្តដ៏អស្ចារ្យនៃការរីកចម្រើននៅក្នុងជីវិតពួកគេ និយាយថាបាទចំពោះឱកាសដែលពួកគេមានអារម្មណ៍រំភើប និងបដិសេធអ្វីដែលពួកគេមាន ។ 

៤. អ្នកមិនអាចផ្គាប់ចិត្តមនុស្សគ្រប់គ្នា និងផ្លាស់ប្តូរមនុស្សបានទេ ៖ មនុស្សជោគជ័យដឹងពីសារៈសំខាន់នៃការរស់ជាមួយនឹងវឌ្ឍនភាពរបស់ពួកគេ ហើយពួកគេមិនដើរទៅមុខជាមួយការខ្ជះខ្ជាយពេលវេលារបស់ពួកគេ លើការផ្លាស់ប្តូរគំនិតរបស់មនុស្ស ។ អ្នកមិនអាចផ្គាប់ចិត្តមនុស្សគ្រប់គ្នាបានទេហើយអ្នកក៏មិនអាចផ្លាស់ប្តូរការគិតរបស់អ្នកណាម្នាក់បានដែរប្រសិនបើពួកគេមិនមានឆន្ទៈក្នុងការផ្លាស់ប្តូរខ្លួនឯងទេនោះ ។

៥. ពួកគេចង់អោយអ្នកដទៃទទួលបានជោគជ័យក្នុងជីវិត ៖ ភាគច្រើននៃមនុស្សជោគជ័យទទួលអារម្មណ៍សប្បាយរីករាយនៅពេលដែលឃើញអ្នកដទៃជោគជ័យ ពួកគេមានអារម្មណ៍ល្អ និងមានសុភមង្គល ហើយថែមទាំងមិនច្រណែនជាមួយពួកគេទេ ។ ពួកគេចង់អោយមនុស្សគ្រប់គ្នាទទួលបានជោគជ័យនៅក្នុងជីវិត ។ មនុស្សម្នាក់រីកចម្រើនដោយជួយអ្នកដទៃឱ្យរីកចម្រើន ជីវិតមិនមែនជាការប្រកួតប្រជែងទេ ។

៦. ប្រព័ន្ធគាំទ្រខ្លាំង ៖ គ្មាននរណាម្នាក់ទទួលបានជោគជ័យនៅក្នុងជីវិតដោយគ្មានក្រុមដែលមានតុល្យភាពត្រឹមត្រូវទេ អ្នកត្រូវការខួរក្បាលដៃនិងថាមពលផ្សេងៗដើម្បីអនុវត្តប្រតិបត្តិការ ។ បើគ្មានប្រព័ន្ធគាំទ្រខ្លាំងទេ ការឈានទៅរកភាពជោគជ័យគឺជាផ្លូវចោតមួយហើយពិបាកក្នុងការទាញចេញជាលក្ខណៈបុគ្គល ។

៧. ពួកគេតែងតែសំឡឹងទៅមើលឱកាស ៖ មនុស្សជោគជ័យសំឡឹងមើលឱកាស ពួកគេមានសង្ឃឹមពួកគេមិនបោះបង់ចោលដោយងាយៗ និងមើលឃើញពីចំណុចល្អនៃអ្វីគ្រប់យ៉ាង ។

៨. ពួកគេមានគោលដៅច្បាស់លាស់ ៖ ប្រសិនបើអ្នកមិនមានផ្លូវឆ្ពោះទៅគោលដៅរបស់អ្នកទេ អ្នកមិនអាចក្លាយជាមនុស្សជោគជ័យបានទេ ។ មនុស្សជោគជ័យទាំងអស់ ពួកគេមានគោលដៅ នឹងធ្វើដំណើរតម្រង់ឆ្ពោះទៅរកគោលដៅនោះ ។

៩. ការបរាជ័យមានន័យថារីកចម្រើន ៖ មនុស្សសាមញ្ញមានការខកចិត្តដោយសារការបរាជ័យ ប៉ុន្តែមនុស្សជោគជ័យមិនចុះចាញ់ឡើយ ពួកគេទទួលបានលទ្ធផលខ្ពស់បំផុតពីការបរាជ័យ ហើយមិនត្រឹមតែយកការបរាជ័យជាបញ្ហាប្រឈមប៉ុណ្ណោះទេ ប៉ុន្តែពួកគេក៏វាយតម្លៃពីមូលហេតុនៃការបរាជ័យ និងបង្កើតផែនការជំនួសផងដែរ ។ ពួកគេមិនផ្លាស់ប្តូរគោលដៅទេពួកគេរីកចម្រើនឆ្ពោះទៅរកគោលដៅដោយវិធីសាស្រ្តផ្សេង ការបរាជ័យម្ដងយើងនឹងបានរៀនពីមេរៀនថ្មីមួយទៀត ។ 

១០. . ពួកគេសប្បាយរីករាយ ៖ ពួកគេរីករាយនឹងគ្រប់ទិដ្ឋភាពនៃជីវិតរបស់ពួកគេ ។ ពួកគេយល់ថាប្រសិនបើអ្នកមិនមានអារម្មណ៍ល្អទេ ថ្ងៃនេះគឺជាថ្ងៃដែលចំណាយពេលវេលាខ្ជះខ្ជាយបំផុត ។ មនុស្សជោគជ័យគ្រប់គ្នាយកចិត្តទុកដាក់សុខភាពពួកគេ មានទម្លាប់ពេលព្រឹក និងហាត់ប្រាណជារៀងរាល់ថ្ងៃ ។

អត្ថបទដោយ ៖ មិត្ត គន្ធា 

ចង់ទិញសូមទម្លាក់លេខទូរស័ព្ទក្នុងប្រអប់ខាងក្រោម