មកដឹងពីដំបូន្មានល្អបំផុត១ដែលប្រពន្ធអតីតប្រធានាធិបតីអាមេរិក តែងតែអប់រំកូនៗរបស់ខ្លួន

បច្ចុប្បន្នអតីតប្រធាធិបតីចិត្តធម៌លោក Barack Obama អ្នកស្រី Michelle Obama កំពុងរស់នៅក្នុងជីវិតមួយពោលពេញដោយសេចក្តីសុខនិងភាពរីករាយ ដោយពួកគេមិនបានរស់នៅដោយឡែកពីកូនៗរបស់ពួកគេ ព្រោះតែពេលនេះកូនៗរបស់ពួកគេពេញវ័យដែលអាចប្រើជីវិតដោយខ្លួនឯងដោយមិនចាំបាច់ត្រូវការមើលថែពីឪពុកម្តាយទៀតឡើយ។

វាអាចជារឿងមួយដ៏សាមញ្ញសម្រាប់បរទេសដែលត្រូវបញ្ជូនកូនៗរបស់ពួកគេទៅរស់បែកពីឪពុកម្តាយ តែអ្វីដែលដែលអស្ចារ្យបំផុតនោះគឺ ប្រពន្ធប្រធានាធិបតីរូបនេះបានផ្តល់ៗដំបូន្មានល្អៗជាច្រើនសម្រាប់កូនៗរបស់ខ្លួននៅពេលដែលពួកគេចេញទៅរស់នៅក្នុងជីវិតបែបយុវវ័យរបស់ពួកគេ។ដំបូន្មានទាំងនោះគឺ៖ “ពួកគេត្រូវចេះកំណត់ជីវិតរស់នៅដោយខ្លួនឯងដោយមិនចាំបាច់ពឹងគ្រួសារ ត្រូវចេះគិតគូរនិងចំណាយពេលស្គាល់ខ្លួនឯងឱ្យបានច្រើន ហើយត្រូវទុកពេលឱ្យពួកគេសិក្សាស្វែងយល់ពីពិភពលោកខាងក្រៅឱ្យបានច្រើន ដើម្បីឱ្យពួកគេដឹងថាពិភពលោកខាងក្រៅបែបណា ហើយតើពួកគេត្រូវកែប្រែឬរៀបចំខ្លួនបែបណាដើម្បីរស់នៅនិងអភិវឌ្ឍន៍ខ្លួនឯងបាន”

អ្នកស្រី Michelle Obama  បាននិយាយថា​ “ ខ្ញុំចង់ឱ្យពួកគេវាស់ស្ទង់ខ្លួនឯង តាមរយៈការរស់នៅក្នុងពិភពខាងក្រៅបើទោះជាវាមានភាពលំបាកយ៉ាងណាក៏ដោយ ប៉ុន្តែការធ្វើបែបនេះគឺដើម្បីបង្រៀនពួកគេឱ្យចេះរឹងមាំ មានគោលជំហរនៅក្នុងជីវិតដោយខ្លួនឯង ទើបថ្ងៃក្រោយពួកគេអាចមានសមត្ថភាពមើលថែខ្លួនឯងបាន”។អ្នកស្រីក៏បានបន្ថែមផងដែរថា​ នៅពេលដែលយើងបង្រៀនពួកគេឱ្យចេះរស់នៅខ្លួនឯងហើយនោះ យើងអាចមានពេលសម្រាប់ខ្លួនឯងបានច្រើនជាងមុន មានពេលធ្វើកិច្ចការផ្សេងបានដោយមិនត្រូវបារម្ភច្រើននោះទេ ។

អ្នកម្តាយគម្រូរូបនេះសងង្កត់ធ្ងន់ថា “បើទោះជាខ្ញុំឱ្យពួកគេរស់នៅបែកពួកយើងក៏ដោយ តែប្រសិនបើមានបញ្ហាអ្វីនោះ កូនៗរបស់ពួកយើងនៅតែអាចត្រឡប់មកផ្ទះវិញបានគ្រប់ពេល គឺយើងឱ្យពួកគេស្វែងយល់ពីសង្គមពិតនៅខាងក្រៅ តែមិនមែនផ្តាច់ការនោះឡើយ”៕

អត្ថបទដោយ៖សម្បត្តិ សុខឡាង

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES