ក្រុមហ៊ុនផលិតប្រេង PTTEP របស់ថៃ ចំណាយលុយ ៣០០ លានដុល្លារ សម្រាប់រុករកឧស្ម័ននៅឆ្នាំ ២០២០

ក្រុមហ៊ុន PTTEP រុករកនិងផលិតកម្មបានចំណាយទឹកប្រាក់អស់ចំនួន ៣០០ លានដុល្លារឆ្នាំ ២០២០ ដើម្បីរុករកប្លុកឧស្ម័ននៅឯនាយសមុទ្រចំនួន ១៨ នៅក្នុងប្រទេសម៉ាឡេស៊ី និងមីយ៉ាន់ម៉ា ដើម្បីរក្សាប្រេងបម្រុងទុក។ ហើយសកម្មភាពរុករកប្រេងរបស់ក្រុមហ៊ុន PTTEP's នៅឆ្នាំនេះបានកើនឡើងបីដងពីប្លុកឧស្ម័នចំនួនប្រាំមួយកាលពីឆ្នាំមុន។

លោកស្រី Chanamas Sasnanand អនុប្រធានជាន់ខ្ពស់ផ្នែកហិរញ្ញវត្ថុបានថ្លែងថាតម្រូវការឧស្ម័ននៅប្រទេសម៉ាឡេស៊ី និងមីយ៉ាន់ម៉ាកំពុងកើនឡើងយ៉ាងឆាប់រហ័ស។ សម្រាប់ម៉ាឡេស៊ីកំណើនគឺស្របទៅនឹងកន្លែងផលិតឧស្ម័នធម្មជាតិ (LNG) ថ្មីដើម្បីផ្គត់ផ្គង់ប្រេង Petronas ដែលជាប្រេងនិងឧស្ម័នរបស់ ម៉ាឡេស៊ី។ ចំណែកឯប្រទេសមីយ៉ាន់ម៉ាវិញតម្រូវការឧស្ម័នត្រូវបានជំរុញដោយវិស័យផលិតថាមពល។

ទន្ទឹមនឹងនេះក្រុមហ៊ុន PTTEP បានរាយការណ៍ថា ២០% ​នៃបរិមាណលក់សរុបបានមកពីប្រទេស   ម៉ាឡេស៊ី និងមីយ៉ាន់ម៉ានៅឆ្នាំ ២០១៩ ។ជាមួយគ្នានេះដែរក្រុមហ៊ុន PTTEP បានក្លាយជាប្រតិបត្តិកររុករកនិងផលិតប្រេងធំជាងគេទី នៅប្រទេសម៉ាឡេស៊ីដោយផ្អែកលើទំហំនៃធនធានដែលមាន    វិស័យគឺគម្រោងប្លុក K, SK ៣០៩ និង SK ៣១១។ក្នុងនោះដែរក្រុមហ៊ុន PTTEP បានរកឃើញគម្រោង SK ៤១០B នៅ Sarawak កាលពីពេលមុន។ ហើយគម្រោងប្លុក H កំពុងរៀបចំសម្រាប់ការ   ផលិតហ្គាសនៅខែកញ្ញា ដោយមានសមត្ថភាពពេញលេញ ២៧០ លានហ្វីតគូបក្នុងមួយថ្ងៃ។ ហើយនៅឆ្នាំនេះក្រុមហ៊ុនកំពុងរៀបចំខួងអណ្តូងប្រេងបន្ថែមទៀតនៅក្នុងប្រទេសម៉ាឡេស៊ី។

នៅប្រទេសមីយ៉ាន់ម៉ាក្រុមហ៊ុន PTTEP មានប្លុកឧស្ម័នចំនួន ៣ គឺ MOGE ៣ (នៅលើឆ្នេរ) និងM១១ និង MD-៧ (នៅឯនាយសមុទ្រ)។ ហើយប្លុកទាំង កំពុងផលិតគឺ Zawtika, Yadana និងYetakun។ ក្នុងនោះដែរគម្រោង M៣ កំពុងរៀបចំសម្រាប់ផលិតកម្មនាពេលអនាគត។

លោកស្រី Chanamas បាននិយាយថាក្រុមហ៊ុន PTTEP បានទិញទ្រព្យសម្បត្តិប្រេងជាច្រើននៃអាជីវកម្មរបស់ក្រុមហ៊ុន Murphy Oil Corporation នៅក្នុងប្រទេសម៉ាឡេស៊ី, អាជីវកម្មរបស់ Partex Holding នៅ Oman, គម្រោង Sinphuhormនៅ UdonThani និងKhon Kaen

នៅឆ្នាំ ២០១៩ ក្រុមហ៊ុន PTTEP បានរាយការណ៍ពីបរិមាណលក់ជាមធ្យមដែលមានបរិមាណប្រេង ៣៥០,៦៥១ បារ៉ែល(BOED) ក្នុងមួយថ្ងៃ ។ ហើយទុនបម្រុងដែលបានបង្ហាញរបស់ក្រុមហ៊ុន PTTEP បានកើនឡើងដល់ ១.១៤ ពាន់លានបាត ស្មើនឹង៧៥ លានដុល្លារ នៅដំណាច់ឆ្នាំ ២០១៩ ក្នុងរយៈពេល ៧.៥ ឆ្នាំតាមគោលដៅ។

ក្រុមហ៊ុនបានប្រកាសប្រាក់ចំណូលសុទ្ធឆ្នាំ ២០១៩ ចំនួន ១.៥៧ ពាន់លានដុល្លារកើនឡើង ៤០% បើធៀបនឹងឆ្នាំមុន។ ​ក្រុមហ៊ុន PTTEP កំពុងបន្តធ្វើសមកាលកម្មសម្រាប់ផលិតកម្មហ្គាសនៃតំបន់ឧស្ម័ន Erawan និង Bongkot នៅឈូងសមុទ្រថៃ បន្ទាប់ពីវាបានឈ្នះការដេញថ្លៃចំនួននៅក្នុងខែធ្នូ ឆ្នាំ ២០១៨ កន្លងមកនេះ ។ ក្នុងនោះក្រុមហ៊ុនPTTEP រំពឹងថានឹងធ្វើការសំរេចចិត្តវិនិយោគចុងក្រោយលើគម្រោង Mozambique Area ១ និង Algeria Hassi Bir Rekaiz បន្ទាប់ពីបានរៀបចំអស់រយៈពេលជាច្រើនឆ្នាំ។

លោកស្រី Chanamas បាននិយាយថាគម្រោងរបស់ក្រុមហ៊ុនរក្សាអាយុជីវិតពីគម្រោងដែលបានគ្រោងទុកទាំងអស់នឹងបង្កើនបរិមាណលក់បាន ៦% ក្នុងមួយឆ្នាំដោយរំពឹងថានឹងកើនឡើងដល់ ៤៥០,០០០ BOED នៅឆ្នាំ ២០២២ និង ៤៦៧,០០០ BOED នៅឆ្នាំ ២០២៤ ៕

អត្ថបទដោយ៖ នុត សុណេត

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES