ដំណឹងល្អ!!! សម្តេចតេជោ ហ៊ុន សែន បញ្ជាក់ថា ឆ្នាំ​២០២០ កម្ពុជានឹងមានដំណក់ប្រេងជាលើកដំបូង

​នាព្រឹកថ្ងៃទី ១៨ ខែវិច្ឆិកា ឆ្នាំ ២០១៩ ក្នុងពិធីប្រគល់សញ្ញាបត្រដល់និស្សិតជិត ២០០០នាក់របស់សកលវិទ្យាល័យធនធានមនុស្សនៅឯវិទ្យាស្ថានជាតិអប់រំ សម្តេចតេជោ ហ៊ុន សែន បានមានប្រសាសន៍ថា សម្តេច មិនទាន់ប្រកាសនៅកាលបរិច្ឆេទពិតប្រាកដពីដំណក់ប្រេងរបស់កម្ពុជាលើកដំបូងនោះទេ ព្រោះសម្តេចមិនចង់ឲ្យមានកំហុសដូចកាលពីឆ្នាំ ២០១២ ក្រុមហ៊ុនខាងរុករកបានផ្តល់ទិន្នន័យមិនជាក់លាក់មកកាន់រាជរដ្ឋាភិបាល។

សម្រាប់ពេលនេះដំណកប្រេងរបស់កម្ពុជាយើងនឹងចេញនៅក្នុងឆ្នាំ ២០២០ ចំណែកថ្ងៃខែជាក់លាក់ សម្តេចនិងធ្វើការឆ្លើយតមពេលក្រោយបន្តទៀត ព្រោះថានៅពេលនេះ ក្រុមការងាររបស់សម្តេចកំពុងមមារញឹកជាមួយការបូមប្រេងដំបូងរបស់កម្ពុជា ។ សម្តេចបានបន្តថា បច្ចុប្បន្ននេះរាជរដ្ឋាភិបាលកម្ពុជា មិនទាន់បានប្រើប្រាស់ធនធានធម្មជាតិរបស់កម្ពុជានៅឡើយទេ ដែលរួមមាន ប្រេង ឧស្ម័ន និងធ្យូងថ្មជាដើម។ ជាក់ស្តែង ឥឡូវនេះយើងបានរកឃើញធនធានធ្យូងថ្មនៅខេត្តឧត្តរមានជ័យ ដែលពេលនេះក៏បានបង្កើតជារោងចក្រផលិតថាមពលអគ្គិសនីដើរដោយថាមពលធ្យូងថ្មនៅទីតាំងនោះផ្ទាល់តែម្តង ចំណែកធនធានរ៉ែមាសវិញ ស្ថិតក្រោមការវិនិយោគរបស់ក្រុមហ៊ុនអូស្រ្តាលី។

សម្តេចបានបន្ថែមថា “ប៉ុន្តែការរំពឹង ធំជាងគេរបស់ខ្ញុំ គឺរំពឹងទៅលើប្រេង ដែលយើងអាចនឹងមាននៅពេលខាងមុខ ហើយយើងមិនទាន់បានប្រើប្រាស់នោះទេ ដូចជានៅខេត្តស្វាយរៀង ក៏មានប្លុកប្រេងដែរ។ជាងនេះទៀត យើងនៅក៏កំពុងតែចរចាជាមួយ ប្រទេសថៃទៅលើតំបន់ដែលត្រួតគ្នា ដើម្បីអភិវឌ្ឍន៍រួមក្នុងតំបន់ត្រួតគ្នានោះ” ។ 

សម្តេចតេជោ បានគូសបញ្ជាក់ទៀតថា ប្រសិនបើបានប្រាក់ចំណូលពីធនធានធម្មជាតិ គោលដៅធំរបស់រាជរដ្ឋាភិបាល គឺចំណាយទៅលើការស្តានិងអភិវឌ្ឍទៅលើប្រព័ន្ធហេដ្ឋារចនាសម្ព័ន្ធ ទាំងផ្នែករឹង និងផ្នែកទន់ ៕

អត្ថបទដោយ៖ សម្បត្តិ សុខឡាង 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES