ក្នុងឆ្នាំថ្មីនេះ កម្ពុជាសម្រេចនាំចូលអំបិល ពីប្រទេសឥណ្ឌាប្រមាណជា ៥០០០ តោនបន្ថែមទៀត ដើម្បីផ្គត់ផ្គង់ទីផ្សារ

កម្ពុជា​បាន​នាំចូល​អំបិល​ពី​ប្រទេស​ឥណ្ឌា​ចំនួនប្រមាណ ៥០០០តោន​ ខណៈ​បរិមាណ​អំបិល​នៅក្នុង​ស្តុក​ស្ទើរ​អស់ទាំង​ស្រុង​ទៅហើយ​ ជាហេតុជម្រុញអោយកម្ពុជាបាននាំចូលអំបិលក្នុងបរិមាណមួយសម្រាប់ផ្គត់ផ្គង់ប្រជាជនក្នុងស្រុក ។  

បើយោងទៅតាម ប្រធានសហគមន៍ផលិតអំបិល កំពតកែ​បបានអោយដឹងថា នេះ​ជា​លើក​ទី ១ ​ហើយ​ដែល​កម្ពុជា​បាន​នាំចូល​អំបិល​ពី​ប្រទេស​ ឥណ្ឌា ​មក​បំពេញ​តម្រូវការ​ប្រើប្រាស់​ក្នុងស្រុក ខណៈ​កន្លងមក​បាន​នាំចូល​មកពី​ប្រទេស​ចិន​ចំនួន​ ២ ​ដង​ ។ កម្ពុជានាំចូលអំបិលពីឥណ្ឌា ៥០០០តោន ខណៈ​អំបិល​ក្នុង​ស្តុក​នៅ​សល់​ពី ​៥០០-៦០០ ​តោន​តែប៉ុណ្ណោះ​ ។ 

កត្តា​អាកាសធាតុ​មិន​អំណោយផល​នៅតែ​ជា​ហេតុផល​ចម្បង​ដែល​អ្នក​នៅក្នុង​វិស័យ​ផលិត​អំបិល​អះអាងថា ធ្វើឲ្យ​ទិន្នផល​អំបិល​នៅ​កម្ពុជា​ធ្លាក់​ចុះ​ចំនួន​ ៣ ​ឆ្នាំ​ចុង​ក្រោយនេះ​។

លោក ប៊ុន បារាំង ដែលជាសហប្រធាន​សហគមន៍​ផលិត​អំបិល កំពត​កែប បានបន្តែទៀតថា ​កម្ពុជា​បាន​ផ្លាស់ប្តូរ​ទៅ​នាំចូល​ពី​ប្រទេស​ឥណ្ឌា ដោយសារ​កន្លែង​ផលិត​អំបិល​នៅ​ប្រទេស​ចិន ជួប​គ្រោះទឹកជំនន់​ដែល​ធ្វើឲ្យ​ការផលិត​របស់​ពួកគេ​ធ្លាក់ចុះ និង​មានតម្លៃ​ខ្ពស់​ជាង​មុន​។

ហើយ ​អំបិល​នាំចូល​ពី​ប្រទេស​ឥណ្ឌា គឺមាន​គុណភាព​ល្អ និង​តម្លៃ​សមរម្យ​ តម្លៃ​អំបិល​នាំចូល​មិន​បាន​ធ្វើឲ្យ​ប៉ះពាល់​ដល់​ទីផ្សារ​អ្នក​ផលិត​ក្នុងស្រុក​ទេ​ ដែលនាពេលបច្ចុប្បន្ន​អំបិល​នាំចូល​ពី​ឥណ្ឌា​មាន​តម្លៃ​ប្រមាណ​ ៩៥ ​ដុល្លារ​ ក្នុង​ ១ ​តោន ដែល​ជា​តម្លៃ​ប្រហាក់ប្រហែល​នឹង​អំបិល​ផលិត​ក្នុងស្រុក។ 

លោកបានបន្ថែមថា ការ​នាំចូល​អំបិល​ពី​ប្រទេស​ឥណ្ឌា​នឹង​ត្រូវ​បញ្ឈប់​ភ្លាម​នៅពេល​ដែល​កម្ពុជា​អាច​ផលិត​បាន​ឡើងវិញ​។ រហូត​មក​ដល់​ពេលនេះ លោកមិនទាន់​ហ៊ាន​សន្និដ្ឋាន​ថា ការ​នាំចូល​អំបិល​ក្នុង​ឆ្នាំ​ ២០១៩ នេះ​នឹង​មាន​បរិមាណ​ប៉ុន្មាន​នោះទេ ខណៈ​ពេល​នេះ​កសិករ​ស្រែអំបិល​បាន​ចាប់ផ្តើម​ការងារ​នេះ​ជា​បណ្តើរៗឡើង​វិញ​ហើយ​ ។ 

សម្រាប់ទិន្នន័យ​ពី​សហគមន៍​ផលិត​អំបិល កំពតកែប បាន​ឲ្យ​ដឹងថា ក្នុង​រយៈពេល​ ៣ ​ឆ្នាំ​ចុងក្រោយ​នេះ ការផលិត​អំបិល​នៅក្នុង​ខេត្តកំពត និង​កែប​បាន​ប្រហែល​ជាង ៣០ ០០០ ​តោន​ ក្នុង​ ១ ​ឆ្នាំ ខណៈ​តម្រូវការ​ប្រើប្រាស់​សរុប​ក្នុងប្រទេស​មាន​ចន្លោះ​ពី ៨ ​ម៉ឺន ទៅ ១០ ​ម៉ឺន​តោន​ក្នុង​ ១ ​ឆ្នាំ​។

ហើយសម្រាប់ពេលបច្ចុប្បន្ន​ក្នុង​ខេត្តកំពត និង​កែប​មាន​ផ្ទៃដី​ផលិត​អំបិល​ប្រហែល​ ៤ ៥០០ ​ហិកតា​។ ប្រសិន​បើ​អាកាសធាតុ​អំណោយផល​ក្នុង​ ១ ​ហិកតា គេ​អាច​ផលិត​អំបិល​បាន​ជាង ២០ ​តោន​ សម្រាប់​រយៈពេល​ ១ ​ឆ្នាំ​ ដោយ​គិត​ចាប់ពី​ខែ​មករា​ដល់​ខែឧសភា​។

អត្ថបទដោយ: នៅ ហៀង 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES