សាច់ជ្រូកល្អៗនៅវៀតណាមគាំងស្តុកចេញមិនរួច ខណៈដែលតម្លៃធ្លាក់ចុះខ្លាំង ១ គីឡូជាង ២ ដុល្លារ

គិតមកទល់នឹងម៉ោងនេះអ្នកចិញ្ចឹមជ្រូកនៅប្រទេសវៀតណាម កំពុងតែជំពាកក់បំណុលគេវ័ន្តក បន្ទាប់ពីសរុបទំហំនៃការខាតបង់ប្រមាណជា ១៥៤ លានដុល្លារ ត្រឹមតែប៉ុន្មានខែនៃការបង្ហាញវត្តមាននៃជម្ងឺផ្តាសាយជ្រូកនៅក្នុងខេត្តជាច្រើននៅក្នុងប្រទេសវៀតណាម។

ជម្ងឺផ្តាសាយជ្រូកបានរីករាលដាលដល់ខេត្តចំនួន ៥៣ នៃខេត្ត និងទីក្រុងចំនួន ៦៣ នៃប្រទេសវៀតណាម។ ទីក្រុងដាណាងគឺជាទីក្រុងចុងក្រោយបំផុតដែលបានចូលក្នុងបញ្ជីខ្មៅ បន្សល់ទុក តែទីក្រុងហូជីមិញមួយគត់ដែលជាទីក្រុងតែមួយក្នុងចំណោមទីក្រុងធំ ៗ ៥ របស់ប្រទេសនេះដែលមិនមានជំងឺនេះ។ 

រដ្ឋមន្ត្រីក្រសួងកសិកម្មនិងអភិវឌ្ឍន៍ជនបទលោក Nguyen Xuan Cuong បាននិយាយកាលពីសប្តាហ៍មុនថាបើគ្មាននីតិវិធីសមស្របដើម្បីទប់ស្កាត់ជំងឺនេះរួមផ្សំជាមួយនឹងស្ថានភាពអាកាសធាតុស្មុគស្មាញជំងឺនេះអាចរាលដាលដល់តំបន់ថ្មីឆ្លងឡើងវិញនូវអតីតតំបន់ហើយវាយប្រហារទៅលើកសិដ្ឋានខ្នាតធំ។

ជំងឺគ្រុនជ្រូកអាហ្រ្វិកដែលមិនមានការព្យាបាលប៉ុន្តែមិនប៉ះពាល់ដល់មនុស្សត្រូវបានគេប្រទះឃើញនៅវៀតណាមដំបូងនៅដើមខែកុម្ភៈ។ វាបានរីករាលដាលយ៉ាងលឿននៅទូទាំងតំបន់ភាគខាងជើងនិងកណ្តាលមុនពេលឈានដល់ខាងត្បូងនៅដើមខែឧសភា។

វៀតណាមមានចំនួនអ្នកចិញ្ចឹមជ្រូកធំជាងគេលំដាប់ទី ៧ នៅលើពិភពលោក ៣០ លាននាក់និងជាអ្នកផលិតសាច់ជ្រូកធំទី ៦ ។ យោងតាមតួលេខផ្លូវការបានឱ្យដឹងថាការធ្វើកសិកម្មចិញ្ចឹមជ្រូកផ្តល់ជីវភាពដល់គ្រួសារចំនួន ២.៤ លានគ្រួសារ ហើយតម្លៃកំពុងតែធ្លាក់ចុះយ៉ាងគំហុកគប្រមាណជា ១. ៤៦ ទៅ ២ ដុល្លារក្នុងមួយគីឡូក្រាម។ 

ទិន្នន័យចុងក្រោយបំផុតពីអង្គការសុខភាពពិភពលោកបានបង្ហាញថាប្រទេសចំនួន ១១ កំពុងរងគ្រោះដោយសារសាច់ជម្ងឺផ្តាសាយជ្រូកនិងកំពុងទទួលរងនូវការរីករាលដាលថ្មីៗនៃជំងឺនេះដូចជា បែលហ្ស៊ិកហុងគ្រី ឡាតវី ប៉ូឡូញ រ៉ូម៉ានី រុស្ស៊ី និងអ៊ុយក្រែន នៅទ្វីបអឺរ៉ុបចិនដីគោក ហុងកុង និង​​ វៀតណាម។ 

 

USNews Logo

RELATED ARTICLES