ក្បួនទាំង ៤ របស់ជើងខ្លាំងលក់លើហ្វេសប៊ុក លក់តែពីបីម៉ោងក្នុងមួយថ្ងៃចំណូលរាប់ពាន់ដុល្លារ

មានមនុស្សច្រើនណាស់ដែលឆ្ងល់ថា ខ្ញុំលក់ដូចគេដែលខ្ញុំឡាយវីដេអូគ្រប់ពេលដូចគេដែលតែមិនដែលរកចំណូលបានច្រើនសោះ សំនួរមួយនេះត្រូវបានអ្នកលក់អនឡាញថ្មីថ្មោងជាច្រើន កំពុងមិនយល់ថាតើគួរធ្វើបែបណាទើបអាចរកចំណូលបានច្រើនដូចគេ ពេលខ្លះផលិតផលល្អហើយតែពួកគាត់នៅតែលក់មិនដាច់នឹងមិនអាចរកចំណូលបានច្រើនទៀត។ 

ពេលនេះ Business Cambodia សូមបង្ហាញនៅក្បួនទំាង ៤ ដែលអ្នកលក់អនឡាញជើងខ្លាំងអាចរកចំណូលបានខ្ពស់ត្រឹមរយៈពេលខ្លី

១. ក្លាហាន

អ្នកលក់ខ្លាំងៗភាគច្រើនគេហ៊ានណាស់ គេមិនមែនអឹមអៀន ជាមួយកាម៉េរាឡើយ ។ បើយើងមិនក្លាហានយើងមិនអាចចេញរកស៊ីបានទេ ហើយបើយើងមិនចេះស៊ូនៅក្នុងការរកស៊ីអាជីពកម្មយើងក៏មិនអាចមានភាពរីកចម្រើនបានដែល ហេតុនេះហើយយើងត្រូវតែដាក់ចិត្តមួយថាទៅអោយដល់ មុជអោយជ្រៅ ព្រោះកាលណាបើយើងដាក់ចិត្តខំប្រឹងលក់នោះច្បាស់ជាអាចទទួលបានផ្លែផ្កានៅពេលណាមួយជាក់ជាមិនខាន។

២. ការលក់ទៀតទាត់

អ្នកលក់ខ្លាំងៗភាគច្រើនគេលក់ទៀងទាត់ណាស់ បើឡាយលក់ម៉ោង ៧ យប់ គឺម៉ោង ៧ រាល់ថ្ងៃឡាយរហូតដល់ភ្ញៀវចងចាំពីពេលវេលាឡាយលក់របស់ពួកគេ។ ចង់លក់ដាច់​ចង់ពូកែលក់ យើងត្រូវចេះឡាយវិដេអូអោយទៀតទាត់ មិនមែនឡាយតាមតែចិត្តចង់នោះទេ ពោលយើងចាំបាច់ត្រូវតែត្រូវតែផុស Status ថានឹងមានការឡាយវិដេអូនៅម៉ោងនេះហើយនឹងទទួលបានការបញ្ចុះតម្លៃប៉ុន្មានភាគរយ ដើម្បីអោយអតិថិជនបានដឹងនឹងចាំតាមដានយើង។

បើសិនជាយើងចង់បានចំណូលច្រើនពីការលក់អនឡាញ យើងត្រូវតែចេះរៀបចំតាមរយៈការឡាយវិដេអូអោយបានរៀបរយដូចជារៀបចំ Background នឹងថតអោយបានច្បាស់ដើម្បីអោយមានភាពទាក់ទាញកាន់តែខ្លាំង។

៣. កំណត់រយៈពេលទិញ

ទិញក្នុងឡាយមានប្រម៉ូសិន ទិញក្រៅឡាយមួយសេនមិនចុះផង...អ្នកលក់ខ្លាំងភាគច្រើនគេចេះបង្កើតឱកាសទិញ អោយភ្ញៀវឃើញថាទិញថ្ងៃនេះនិងទិញថ្ងៃស្អែកខុសគ្នាដូចម្តេច ហើយបើមិនទិញថ្ងៃនេះភ្ញៀវត្រូវតែខាត។ យើងអាចក្រឡេកទៅមើលជើងខ្លាំង​ជាអ្នកលក់អនឡាញបាន យើងប្រាកដជាឃើញថាពួកគាត់ពិតជាមានក្បួនជាច្រើនដើម្បីទាក់ទាញអតិថិជន ហើយយើងក៏ត្រូវចេះប្រើស្នៀតមួយផងដែលដើម្បីអោយការលក់ដាច់កាន់តែខ្លាំង ដូចជាយើងអាចលើកឡើងថាទិញក្នុងថ្ងៃនេះចំណេញបានច្រើនហើយតម្លៃនេះមិនមានច្រើននោះទេ តែបើទិញស្អែកប្រាកដជាតម្លៃពេញនោះអតិថិជនប្រាកដជាទិញយើងជាមិនខានបើយើងចេះកំណត់រយៈពេលទិញអោយបានជាក់លាក់ណាមួយ។

៤. ធានាអះអាង

ប្រើមិនត្រូវជូនលុយវិញមិនអោយខ្វះមួយសេន...អ្នកលក់ពូកែភាគច្រើនគេចេះប្រើពាក្យពេជន៍ក្នុងការបង្កើតទំនុកចិត្តអោយភ្ញៀវ និយាយជារួមគឺធ្វើអោយភ្ញៀវទុកចិត្តចង់ទិញប្រើភ្លាមៗ។ ជាអ្នកលក់ម្នាក់គួរតែចេះបង្កើតនៅទំនុកចិត្តអតិថិជន ហើយនៅពេលដែលយើងលក់ផលិតផលយើងត្រូវចេះបង្កើតភាពអះអាងទៅកាន់អតិថិជនដើម្បីអោយពួកគាត់មានភាពជឿជាក់នៅលើយើង ផលិតផលល្អមិនទាន់គ្រប់គ្រាន់នោះទេ​ ភាពជឿជាក់ពីអតិថិជនទើបជាផលល្អពិតប្រាកដ ដូច្នេះយើងត្រូវចេះលើកហេតុផលណាមួយដើម្បីអោយអតិថិជនកាន់តែជឿជាក់លើយើងបន្តទៀត។

អត្ថបទដោយ៖ ធី ស្រីល័ក្ខ(Sale Writer of Business Cambodia)

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES