ជេកម៉ាអន់ចិត្តខ្លាំងខណៈដែលថ្ងៃ Single’s Day របស់ Alibaba លក់មិនដាច់ដូចការរំពឹងទុក

មហាសេដ្ឋីលេខ ២ របស់ចិន Jack Ma បាននិយាយថា ព្រឹត្តការណ៍ Single’sDay ឆ្នាំនេះ ការលក់គឺធ្លាកចុះខ្លាំង ដោយសារតែអាកាសធាតុក្តៅខ្លាំង ហើយចំថ្ងៃច័ន្ទ ដែលជាថ្ងៃធ្វើការរបស់ប្រជាជនចិន លោកថ្លែងបែបនេះនៅក្នុងពេល ដែលលោកចូលរួមសន្និបាតសហគ្រិនពិភពលោកចឺជាំងលើកទី ៥ នៅមជ្ឈមណ្ឌលពិព័រណ៍អន្ដរជាតិ ហាំងចូវ នៅថ្ងៃទី ១៣ ខែវិច្ឆិកាឆ្នាំ ២០១៩ នៅទីក្រុងហាំងចូវ ខេត្តហ្សេជាំងប្រទេសចិន។

ក្រុមហ៊ុនពាណិជ្ជកម្មអេឡិចត្រូនិកយក្សរបស់ចិនបានប្រមូលតម្លៃទំនិញសរុប (GMV) ហើយយកមកធ្វើការវិភាគថា ក្រុមហ៊ុន Alibaba នឹងអាចរកចំណូលបាន ៣៨ ពាន់លានដុល្លារអាមេរិក ក្នុងរយៈពេល ២៤ ម៉ោងសម្រាប់ព្រឹត្តិការណ៍លក់ក្នុងឆ្នាំ ២០១៩ នេះ តែការវិភាគនេះត្រូវបានមហាសេដ្ឋីជេកម៉ាច្រានចោល ដោយលោកបង្ហាញថា លោករំពឹងថាលក់បានច្រើនជាងអ្នកវិភាគទាំងអស់នោះទៅទៀត។ 

យោងតាមលទ្ធផលជាក់ស្តែងការលក់របស់ Alibaba ក្នុងថ្ងៃ​ Single’s Day គឺលក់បានច្រើលើសពី ៣៨ ពាន់លានដុល្លារ ពោលគឺលើសពីការព្យាករណ៍ទីផ្សាររបស់អ្នកវិភាគទីផ្សារក្នុងប្រទេសចិន​ តែទោះជាលក់បានលើសលប់ក្តី ក៏វាមិនបានបំពេញតាមការរំពឹងទុករបស់ ម៉ា នោះទេ។ លោកបានមានប្រសាសន៍ថា“ អ្វីដែលខ្ញុំចង់ប្រាប់អ្នកគឺថាការលក់នៅថ្ងៃ Single’s Day ឆ្នាំនេះ មិនបានឈានដល់ការរំពឹងទុករបស់ខ្ញុំទេ” ។

ទោះយ៉ាងណាលោកម៉ាបានមានប្រសាសន៍ថាលោកសប្បាយចិត្តដែលការលក់ក្នុងឆ្នាំនេះលើសពីការការប៉ាន់ស្មានរបស់អ្នកវិភាគ។ លោក Ma បានថ្លែងនៅក្នុងសន្និបាតសហគ្រិនពិភពលោកចឺជាំងលើកទី ៥ កាលពីថ្ងៃពុធថា“ ក្នុងថ្ងៃទី ១១ ខែ ១១ មានចំនួនអ្នកទិញទំនិញអនឡាញលើសពីការព្យាករណ៍និងលើសពីអ្វីដែលមនុស្សភាគច្រើនរំពឹងពីសេដ្ឋកិច្ចនាពេលបច្ចុប្បន្ននេះ” ។

ស្ថាប័ន Wall Street បានព្យាករណ៍ថា ១១.១១ នឹងកើនឡើងប្រហែល ២០% ដែលនេះជាសញ្ញាបង្ហាញថាការប្រើប្រាស់របស់ប្រទេសចិនខ្សោយហើយសេដ្ឋកិច្ចកំពុងធ្លាក់ចុះ។ ប៉ុន្តែទិន្នន័យលក់ពិតជាកើនឡើង ២៥.៧% ពិប្រាដកមែន។ សហស្ថាបនិកក្រុមហ៊ុន Alibaba បាននិយាយថា គាត់សង្ឃឹមថារដ្ឋាភិបាលនឹងផ្តល់ឱ្យប្រជាជននូវការឈប់សម្រាកកន្លះថ្ងៃពីការងារសម្រាប់ព្រឹត្តិការណ៍ Singles Day នាពេលអនាគត។

ដោយ ៖ សុធី 

 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES