ម្ចាស់ទឹកអប់<លង្គង៍> ចូលរួមជាមួយកញ្ញាពេជ្រ សោភា ដើម្បីចែករំលែកក្ដីស្រលាញ់ទៅកុមារកំព្រា

ក្នុងទិវានៃក្ដីស្រលាញ់ក្នុងឆ្នាំ២០២០នេះ ម្ចាស់ទឹកអប់<លង្គង៍> បានផ្ដល់ក្ដីស្រលាញ់ទៅកញ្ញាពេជ្រ សោភា ដែលជាកំពូលតារាចម្រៀងស្រីប្រចាំប្រទេសកម្ពុជា ដើម្បីចូលរួមចំណេកទៅកាន់កុមារកំព្រា ក៏ដូចជាប្រជាជននៅឯខេត្តសៀមរាប ដើម្បីបង្ហាញក្ដីស្រលាញ់ ការពេញចិត្តរបស់ខ្លួន ក្នុងន័យស្នេហាសម្រាប់សង្គមជាតិ។

គួរជម្រាបផងដែរថា​ នៅថ្ងៃទី១៤ ខែកុម្ភៈនេះ កញ្ញាពេជ្រ សោភានឹងធ្វើដំណើរទៅកាន់ខេត្តសៀមរាប ដើម្បីចុះទៅចែកអំណោយដែលជាវត្ថុតំណាងក្ដីស្រលាញ់ទៅកាន់កុមារកំព្រា និងជនទីទាល់ក្រផងដែរ ដែលជាក្ដីស្រលាញ់មួយដ៏មានតម្លៃ និងឱ្យកាន់តែមានភាពស្និទ្ធស្នាលបន្ថែមផងដែរ។ដូច្នេះ ម្ចាស់ទឹកអប់លង្គង៍ក៏បាន ចូលរួមចំណែកមួយផ្នែកដែរ ដោយបានយកកាដូរទឹកអប់ទៅជូនកញ្ញាពេជ្រ សោភា ដែលកញ្ញាផ្ទាល់មានកម្មវិធីចែករំលែកក្ដីស្រលាញ់នៅឯខេត្តសៀមរាប។

តាមពិតទៅកញ្ញាពេជ្រ សោភា​គឺជាអ្នកតំណាងផលិតផលទឹកអប់លង្គង៍ ពីព្រោះទឹកអប់លង្គង៍ តែងចូលរួមកម្មវិធីមនុស្សធម៌ ជាពិសេសតែងតែចូលរួមកម្មវិធីបែបវប្បធម៌ ប្រពៃណីផ្សេងៗ។ដោយសារតែភាពដូចគ្នា ក៏ដូចជាគោលដៅ និងចំណង់ចំណូលចិត្តផងនោះ ទើបទឹកអប់លង្គង៍បានជ្រើសរើសតារាចម្រៀងរូបនេះ ជាតំណាងផលិតផលទឹកអប់នេះតែម្ដង។

ទាក់ទិននឹងទឹកអប់លង្គង៍ផ្ទាល់ ដែលជាក្លិនដើមមកពីប្រទេសបារាំង ដែលបានឈ្មោះថា Longue ហើយក្លិនរបស់ទឹកអប់ក៏មានវត្ថុធាតុដើមរបស់ខ្មែរដែរ គឺមានក្លិនផ្កាម្លិះ និងក្លិនច័ន្ទគ្រឹស្នា ដែលជាក្លិនដែលមានតម្លៃបំផុតប្រចាំស្រុកខ្មែរ ដែលជាក្លិនមានប្រវត្តិយូរមកហើយនៅស្រុកខ្មែរ។

គួរបញ្ជាក់ផងដែរថា នេះមិនមែនជាលើកទី១ទេ ដែលម្ចាស់ទឹកអប់រូបនេះ​ បានចូលរួមចំណែកកម្មវិធីមនុស្សធម៌។កាលពីចូលឆ្នាំប្រពែណីខ្មែរកន្លងទៅ ទឹកអប់លង្គង៍ក៏បានចូលរួមពិធីសង្ក្រាន្ដនៅឯខេត្តបាត់ដំបង និងខេត្តសៀមរាប ហើយទឹកអប់លង្គង៍ក៏បានក្លាយជាដង្វាយសម្រាប់ទេវតាផងដែរ។បន្ថែមពីនេះ ទឹកអប់លង្គង៍ក៏បានចូលរួមវិភាគទានទៅដល់មន្ទីរពេទ្យគន្ធបុផ្ផាផងដែរ។

អត្ថបទដោយ៖ នឹម ផានុន​ (Pranun)

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES