រៀនបណ្ដើរចង់រកលុយក្រៅម៉ោងបណ្ដើរ! របរ៤នេះប្រើតែកុំព្យូទ័រ រកត្រូវ ចំណូលមួយខែៗខ្ទង់ពាន់ដុល្លារ

ជានិស្សិត​ត្រូវចំណាយច្រើន​ណាស់ ទៅលើ​ថ្លៃសាលា និង​ថ្លៃចាយវាយប្រចាំថ្ងៃ ហេតុនេះ​សម្រាប់អ្នកដែលមានជីវភាពខ្សត់ខ្សោយ​ និង​មិនសូវ​រំពឹង​លុយអ្នកផ្ទះនោះ អាចនឹង​ព្យាយា​ម​ស្វែង​រកការងារ​ក្រៅម៉ោងខ្លះៗ។

ក្នុងអត្ថបទនេះផងដែរយើង​នឹង​ណែរនាំអ្នកទាំងអសគ្នានូវការងារ​៤ ដែលអាចធ្វើក្រៅម៉ោងរៀនបាន​ រីឯចំណូលវិញក៏អាច​រកបានច្រើនគួរសមដែរ ប្រសិន​បើ​អ្នកទាំងអស់គ្នា​មានជំនាញ​ និង​ស្នាដៃល្អ។

១. បកប្រែ

ថ្វីត្បិតថា Google Translate អាចបកប្រែបាន​ក៏ពិតមែនប៉ុន្តែឯកសារផ្លូវការ​មួយចំនួនគេមិនអាច​ប្រើប្រាស់សេវាកម្មរបស់ Google បានទេដោយសារតែនៅមានចន្លោះខ្វះខាត​ច្រើន ដែលតម្រូវ​ឱ្យមានអ្នកបកប្រែសម្រួ​លឱ្យងាយយល់។

សម្រាប់ការបកប្រែ Freelance នៅស្រុកយើង​ ​អ្នកដែលចង់ធ្វើគួរចាប់ផ្ដើមបង្កើត​គណនីនិង​កសាងខ្លួនឯងនៅលើ LinkedIn ហើយ​ចុច Follow ក្រុមហ៊ុនបរទេស​ដែល​នៅស្រុកខ្មែរ ដោយឃើញឧស្សាហ៍មានគេរើសណាស់។

២. សរសេរអត្ថបទផ្សព្វផ្សាយ

ជំនាញសរសេរអត្ថបទផ្សព្វផ្សាយនេះត្រូវបាន​សហគ្រិនឆ្នើមចាត់ទុកថា ជាជំនាញចំណូលខ្ពស់។ វាប្រៀបធៀបនឹង​ការពពាយនាយលក់ផលិត​ផល​ដែរ ប៉ុន្តែក្នុង​ទម្រង់ជាអត្ថបទសរសេរ ដោយអាជីវកម្ម​មួយចំនួន​កំពុងត្រូវ​ការ​។

ការងារ​នេះ​មិនតម្រូវ​ឱ្យអ្នកត្រូវ​ទៅ​ការិយាល័យ​ ឬអង្គុយធ្វើការ​ពេញម៉ោងនោះទេ អ្វីដែលសំខាន់នោះ អត្ថបទដែលផលិត​ចេញមក​មានភាពទាក់ទាញ​។

៣. ឌីហ្សាញ

តម្រូវ​ការ​រចនា​រូបភាព ឬក្រាហ្វិកផ្សេងៗនៅស្រុកយើង​កំពុងត្រូវ​ការខ្លាំង ដោយសារតែកា​រ​ផ្លាស់ខ្លួនពី​អាជីវកម្មបែបបុរាណមកកាន់ប្រព័ន្ធ​ឌីជីថល។

អ្នកដែលមានជំនាញនេះពិត​ប្រាកដ​ គេអាច​រកចំណូលបានច្រើនណាស់ ដោយខ្លះបានខ្ទង់ម៉ឺនដុល្លារក្នុងមួយខែក៏មាន ទៅតាម​ទឹកដៃ​របស់គេ។

ប៉ុន្តែ​បើ​អ្នកត្រឹមជាអ្នកដែលទើបនឹង​ចាប់ផ្ដើមៗដំបូងៗក៏អាច​ចាប់យកចំណែកទីផ្សារនេះដូចគ្នា ដោយចាប់ផ្ដើមកសាង​កេរ្តិ៍ឈ្មោះបន្តិច​ម្ដងៗ​។

៤. គ្រប់គ្រងបណ្ដាញសង្គម

អាជីវកម្មអនឡាញរីកដូចផ្សិត ស្ទើរ​តែគ្រប់​ហាងឬក្រុមហ៊ុនទាំងអស់មានហ្វេសប៊ុកផេកផ្ទាល់ខ្លួន ប៉ុន្តែ​ម្ចាស់អាជីវកម្មទាំង​នោះគាត់រវល់ ជាហេតុត្រូវ​ការ​មានអ្នកកាន់ផេកឱ្យគាត់។

តួរនាទីអ្នកកាន់ផេក​ភាគច្រើនគឺព្យាយាម រក​រឿង​ដើម្បីផុស​ទាក់ទងទៅនឹង​អាជីវកម្មរបស់ម្ចាស់ផេក​ធ្វើយ៉ាង​ណាឱ្យផេកមានសកម្មភាព និង​ទាក់ទាញអតិថិជន​គោលដៅ៕

អត្ថបទដោយ៖ ខុន​ សក្ក័ដា

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodiaដូចខាងក្រោម៖

សម្រាប់អ្នកប្រើប្រាស់Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់IOS: https://apps.apple.com/kh/app/business-cambodia-app/id1460967958 ។​

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០​ ៧៥៥

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

Online

RELATED ARTICLES