វត្តមាន PassApp ធ្វើឲ្យជីវភាពអ្នករត់កង់បីធូរធារជាងមុន ទោះបច្ចុប្បន្នមានការប្រកួតប្រជែងក៏ដោយ

មុនពេលដែលមានយីហោកង់បីជាច្រើនចាប់ផ្តើមចូលមកស្រុកខ្មែរជាបន្តបន្ទាប់ PassApp ហាក់ហក់ចូលទីផ្សារមុនគេ ធ្វើឲ្យអតិថិជននិងអ្នករត់កង់បីទាំងអស់ស្គាល់ PassApp ជាង App ហៅកង់បីផ្សេង ក្នុងនោះវត្តមាន PassApp ក៏បានជួយឲ្យជីវជីវភាពអ្នករត់កង់បីធូរធារជាងមុន ទោះបច្ចុប្បន្នមានការប្រកួតប្រជែងក៏ដោយ ។

លោក លឹម សៅដារ៉ា អ្នករត់កង់បីឥណ្ឌាយីហោ Bajaj RE លើកឡើងថា មួយថ្ងៃលោកអាចរកបានខ្ទង់ ១៥ ដុល្លារ ទៅ២០ដុល្លារ មានលទ្ធភាពគ្រប់គ្រាន់ក្នុងការបញ្ចូនកូនធំៗទំាងពីរនាក់របស់គាត់ទៅសាលារៀន ​និងមានថវិកាគ្រប់គ្រាន់សម្រាប់​ថ្លៃទឹកដោះគោ​របស់កូនតូច ថ្លៃម្ហូបអាហារ និងសម្ភារៈប្រើប្រាស់ប្រចាំថ្ងៃសម្រាប់គ្រួសារ​របស់គាត់។

អ្នករត់កង់បីមួយរូបទៀតលោក ជុំ ភួងអាយុ៣២ឆ្នាំ ឲ្យដឹងថា ការបើកម៉ូតូកង់បីឥណ្ឌានេះ គឺប្រើប្រាស់បានទាំងសាំង និងហ្គាសដែលធ្វើឲ្យចំណាយតិចជាងបើកម៉ូតូដែលប្រើតែសំាង ដូច្នេះហើយលោកក៏អាចដឹកភ្ញៀវក្នុងតម្លៃសមរម្យដែរ ទើបលោកសព្វថ្ងៃទទួលបានអតិថិជនកាន់តែច្រើន។

ទោះបីជាមានការប្រកួតប្រជែងគ្នាដោយសារមានកង់បីច្រើនជាងមុនក៏ដោយ ប៉ុន្តែអ្នករត់កង់បីមួយចំនួនលើកឡើងថា ពួកគាត់នៅតែអាចរកចំណូលធម្មតាដដែលមានថ្ងៃខ្លះបាន ២០ ដុល្លារ ថ្ងៃខ្លះក៏បានដល់ ៣០ ដុល្លារក៏មាន ។

បើតាមលោក តុប និមល ស្ថាបនិក PassApp លើកឡើងថា មិនខ្វល់ថាក្រុមហ៊ុនក្រៅស្រុក ឬ ក្រុមហ៊ុនក្នុងស្រុកផ្សេងទៀតក៏ដោយ មិនប្រាកដថាព័ត៌មានសុទ្ធតែទៅដល់ដៃអតិថិជនគ្រប់គ្នានោះទេ ពេលខ្លះព័ត៌មានយើងទៅដល់ដៃអតិថិជនខាងនេះ ពេលខ្លះទៅដល់ដៃអតិថិជនខាងនោះ ដូចនេះចំណែកទីផ្សារនៅតែមានដដែល ។

0 មតិ

បញ្ចេញមតិ

RELATED ARTICLES