វីរុសកូរ៉ូណារាតត្បាតពិភពលោកមិនទាន់ស្រាកស្រាន្តផង ឥឡូវនៅចិនផ្ទុះរោគ Hentavirus មានមនុស្សស្លាប់ម្នាក់

នាពេលថ្មីៗនេះនៅប្រទេសចិនហាក់ដូចជាស្រាកស្រាន្តពីការផ្ទុះ Covid-19 ដោយករណីឆ្លងថ្មីកើនឡើងមិនដល់ ១០នាក់ផងក្នុងមួយថ្ងៃ ដោយសារតែវិធានការដ៏តឹងរឹងរបស់រដ្ឋការចិន។

ប៉ុន្តែជាមួយគ្នានេះដែរស្រាប់តែលេចឮការផ្ទុះរោគមួយទៀតកើតឡើងបណ្ដាលឱ្យស្លាប់បុរសម្នាក់ ដែលរោគនេះត្រូវគេដឹងថាបង្ករដោយវីរុសម្យ៉ាងឈ្មោះថា Hentavirus។

សារព័ត៌មានរដ្ឋចិនបានចុះផ្សាយថាមានបុរសម្នាក់បានបាត់បង់ជីវិតនៅលើរថយន្តក្រុង ក្រោយការធ្វើតេស្ដពិនិត្យគ្រូពេទ្យជំនាញរកឃើញថាគាត់មិនមានផ្ទុកវីរុស​Covid-19 ទេ ប៉ុន្តែមានផ្ទុកវីរុស Hentavirus។

ក្រោយពីកាសែតចិនចុះផ្សាយករណីស្លាប់នេះ ធ្វើឱ្យអ្នកលេងបណ្ដាញសង្គមនៅចិនមានការភ័យព្រួយសារជាថ្មី ប៉ុន្តែត្រូវបានអ្នកជំនាញធ្វើការបកស្រាយវិញថាវីរុសនេះមានយូរណាស់មកហើយ។

អ្នកជំនាញលើកឡើងថា Hentavirus នេះដំបូងឡើយផ្ទុះនៅកំឡុងឆ្នាំ ១៩៥០ នាសម័យកាលសង្គ្រាមឧបទ្វីបកូរ៉េ ដែលវីរុសនេះចម្លងចេញពីសត្វកណ្ដុរ។

វេជ្ជបណ្ឌិត Sumaiya Shaikh បានលើកឡើងថា កុំឱ្យមានការភ័យបារម្ភពេកដោយហេតុតែវីរុសនេះមិនអាចចម្លងពីមនុស្សទៅមនុស្សងាយៗឡើយ។

ចំណែកឯនាយកដ្ឋានប្រឆាំងជម្ងឺឆ្លងអាមេរិក CDC វិញក៏បាននិយាយផងដែរថា ករណីឆ្លង Hentavirus នេះជាករណីកម្រ ប៉ុន្តែអត្រានៃការស្លាប់ខ្ពស់រហូតដល់ទៅ ៣៨ភាគរយឯណោះបើឆ្លង។

មនុស្សអាចនឹងឆ្លងវីរុសនេះប្រសិនបើរស់នៅមិនមានអនាម័យ ហើយរោគសញ្ញានៃការឆ្លងវីរុសនេះអាចនឹងលេចឡើង ៨សប្ដាហ៍ក្រោយប៉ះពាល់ ទឹកនោម លាមក ឬសារធាតុរាវផ្សេងៗពីសត្វកណ្ដុរ។

រោគសញ្ញានៃវីរុសនេះមានលក្ខណៈស្រដៀងទៅនឹង Coronavirus ដែរ ពោលមានឈឺក្បាល ដកដង្ហើមខ្លី និងក្អកជាដើម៕

ប្រភព៖ New York Post

Sathapanabank Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES