សហគ្រិនមួយរូបសុខចិត្តរកស៊ីខុសជំនាញ ធ្វើការកែច្នៃផលិតផលក្នុងស្រុកដើម្បីជួយឲ្យកសិករខ្មែរធូរធារជាងមុន

លោកជាង បូរ៉ា ដើមឡើយជាអ្នករកស៊ីក្នុងវិស័យបច្ចេកវិទ្យា បានងាកមកចាប់ផ្តើមអាជីវកម្មទាំងខុសជំនាញ ពោលគឺ ចាប់ផ្តើមអាជីវកម្មវិស័យកសិកម្ម និងវិស័យផលិតកម្មទៅវិញ។ មូលហេតុដែលងាកមករកស៊ីវិស័យដែលខ្លួនមិនធ្លាប់បានសិក្សា និងសាកល្បងកន្លងមក ដោយសារតែកង្វះខាត គំនិតកែច្នៃផលិតផលក្នុងស្រុក ដែលធ្វើឲ្យជីវភាពកសិករខ្មែរ រីកចម្រើនយឺតបើធៀបទៅនឹងកសិករប្រទេសជិតខាង។

សហគ្រិនរូបនេះ បង្ហើបថា មូលហេតុដែលគាត់ធ្វើការងារក្នុងវិស័យថ្មី ដោយសារតែ"កន្លងមក ឃើញថាវិស័យទាំងពីរហាក់ដូចជានៅទន់ខ្សោយខ្លាំងនៅឡើយ ដោយភាគច្រើនប្រជាពលរដ្ឋរបស់ខ្មែរយើង គឺជាកសិករពួកគាត់ពិតជានៅមានជីវភាពលំបាកខ្លាំង។ ម្យ៉ាងវិញទៀតសហគ្រិនរូបនេះបានធ្វើការសិក្សាជាមួយនឹងក្រុមហ៊ុនដឹកជញ្ជូនក្នុងស្រុក ឃើញថាចំនួននៃការនាំចូលច្រើនខ្លាំង បើធៀបនឹងការនាំចេញនូវផលិតផលរបស់ខ្មែរ ទាក់ទងនឹងវិស័យកសិកម្ម និងផលិតកម្ម។"

ជោគជ័យដំបូងក្នុងវិស័យផលិតនេះ លោកជាង បូរ៉ាបង្ហើបថា មកទល់នឹងពេលនេះក្រុមហ៊ុនរបស់គាត់ ចាប់ផ្តើមផលិតតែ ដែលកែច្នៃពីផ្លែទៀបបារាំង ដែលមានគុណតម្លៃខ្ពស់រហូតទទួលបានពានរង្វាន់អន្តរជាតិនេះ និងកំពុងតែលក់ដាច់ខ្លាំងនៅទីផ្សារក្នុងស្រុក។

បន្ថែមពីលើនេះ សហគ្រិនដែលរកស៊ីខុសជំនាញរូបនេះ ចង់បង្កើតនូវគំនិតច្នៃប្រឌិតបន្ថែមទៀត សម្រាប់ជួយជម្រុញការកែច្នៃនៅក្នុងស្រុក និងកាត់បន្ថយការនាំចូលផលិតផលសម្រេច ខណៈកសិករប្រទេសជិតខាងអាចកើបចំណូលម្នាក់ៗរាប់ម៉ឺនដុល្លារក្នុងមួយឆ្នាំៗពីការផលិត និងកែច្នៃរបស់ខ្លួន៕

ក្រុមហ៊ុនត្រូវការដៃគូរបោះដុំលក់រាយទូទាំងប្រទេស ទំនាក់ទំនងលេខ៖ 015/017/093 911 950 ដែលមានផលិតផលដូចជា៖

-នំម្រុំសូកូឡាឆីបឃុគឃី 
-កាហ្វេម្រុំ 
-តែម្រុំធម្មជាតិ 
-តែផ្លែទៀបបារាំង 
-តែស្លឹកទៀបបារាំង និងតែធម្មជាតិជាច្រើនមុខទៀត

ពត៌មានបន្ថែម Facebook page: elephantbrands

 

អត្ថបទដោយ៖ NOUN VANNAK

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES