តិចនិច២ផ្លូវដែល លីខ្វាន់យូ​ ប្រើដើម្បីពលរដ្ឋខ្លួន​១០០%កែទម្លាប់ ឈប់ចោលសំរាម​​នៅទីសាធារណះ

បិតាស្ថាបនិកប្រទេសសិង្ហបុរី ដ៏ល្បីឈ្មោះបំផុត​គឺ លោក​លី ខ្វាន់យូ ​ធ្លាប់មានប្រសាសន៍​ប្រាប់សារពត៌មានរបស់ចិន​មួយ កាលពីលោកនៅមានជីវិតថា​មានតិចនិច​២​ផ្លូវ ​ដែល​លោកបានប្រើយ៉ាងមានប្រសិទ្ធិភាព​ ដើម្បីកែទម្លាប់​ប្រជាជនឲ្យឈប់ចោលសំរាម​នៅទីសាធារណះ​បាន​១០០%។

លោកបានពន្យល់នូវតិចនិច​២ផ្លូវនោះថា​ ដំបូងបំផុត​តិចនិចទី១​ដែលគាត់បាន​ប្រើ​គឺការអប់រំ។​ លោកបានចំណាយពេល​ជាង​២ឆ្នាំ​ ដើម្បីពន្យល់ដល់ប្រជាជន​នូវផល​អាក្រក់ ដែលចេញពី​ការចោលសំរាមនៅទីសាធារណះ​។​ ផលអាក្រក់មានទាំង​បញ្ហាសុខភាពធ្ងន់ធ្ងរ ​និង​បញ្ហាមុខមាត់​ប្រទេសផងដែរ។
 

តិចនិចទី២​ បន្ទាប់ពីការអប់រំពលរដ្ឋ​គឺការអនុវត្តច្បាប់។ ​លោកថា​ការអនុវត្តច្បាប់​ដែលបានចេញកាលពី​២ឆ្នាំ​មុន ​គឺមិនមែន​ដើម្បីបង្រ្កាប​មនុស្សទូទៅនោះទេ។​តែច្បាប់នេះ ​សម្រាប់អ្នកដែលនៅរឹងរុះ​មួយភាគតូចប៉ណ្ណោះ។​ តាមពិតទៅ​ក្រោយ​ការអប់រំជាច្រើនមក​ មនុស្សជាច្រើន​បានកែប្រែទម្លាប់​របស់ពួកគាត់​ តែមានមនុស្ស​ដែលនឹង​រឹងរុះ​មួយភាគតូចប៉ុណ្ណោះ ​នៅតែមិនកែទម្លាប់ចាស់។

ដូចនេះ​តិចនិចទី២​ គឺ​សម្រាប់​ដាក់ពិន័យដល់អ្នកដែលនៅរឹងរុះ​ ហើយ​​ការអនុវត្ត​ច្បាប់​នោះ​ មានប្រសិទ្ធិភាពណាស់​ព្រោះសូម្បីតែការញុាំស្ករកៅស៊ូក៏មិនមានដែរ​នៅសិង្ហបុរី។​ អ្នកដែលរឹងរុះ​នៅចោលសំរាម​ត្រូវបានពិន័យ​ ហើយក្រោយពិន័យ​គាត់ក៏​លែង​ចោលសំរាមទៀតដែរ៕

អត្ថបទដោយ៖​សំ​កុសល

អ្នកនិពន្ធសៀវភៅចង់ពូកែរកសុីត្រូវចេះសំលៀងពូថៅ

និងសៀវភៅលក់អារម្មណ៍ដែលទើបចេញថ្មីៗនេះ

ទំនាក់ទំនងអ្នកនិពន្ធផ្ទាល់តាមហ្វេសប៊ុក​ Sam Kosal


 

USNews Logo

RELATED ARTICLES