មូលហេតុ ៣ចំណុច​​នេះ ធ្វើឱ្យជប៉ុន​រកឃើញមធ្យោបាយកម្ចាត់វីរុស​ កូរ៉ូណា​ បានលឿនជាងគេ

ថ្មីៗនេះវីរុស Corona (កូរ៉ូណា) បានរាតត្បាតស្ទើរពាសពេញពិពភពលោក ជាពិសេសនៅក្នុងប្រទេសចិនដែលជាកន្លែងកកើត និងចាប់ផ្តើមជម្ងឺផ្លូវដង្ហើមដ៏កាចសាហាវមួយនេះ។ គិតមកទល់ថ្ងៃ នេះម៉ោងនេះវីរុស Corona (កូរ៉ូណា) បានចម្លងមនុស្សចំនួនជាង ១ម៉ឺននាក់ និងបានសម្លាប់មនុស្សជាង ២០០នាក់។ ពិភពលោកទាំងមូលកំពុងព្រួយបារម្ភ និងដុតដៃដុតជើងក្នុងការស្វែងរកវ៉ាកសាំងការពារ ក៏ដូចជាស្វែងរកវិធីព្យាបាលអ្នកដែលបានឆ្លងវីរុស Corona (កូរ៉ូណា) នេះផងដែរ ។ 

ប៉ុន្តែពត៌មានដ៏ភ្ញាក់ផ្អើលមួយចេញផ្សាយដោយសារព័ត៌មាន nippon នៅថ្ងៃទី៣១ ខែមករា ឆ្នាំ២០២០ នេះថា វិទ្យាស្ថានជាតិនៃជំងឺឆ្លងរបស់ប្រទេសជប៉ុន ពិតជាទទួលបានជោគជ័យក្នុងស្រាវជ្រាវ ឈានទៅដល់ការព្យាបាលអ្នកជម្ងឺជនដែលបានឆ្លងវីរុស Corona (កូរ៉ូណា)  ពិតប្រាកដមែន ។  អ្នកជម្ងឺម្នាក់នោះគឺជាជនជាតិជប៉ុន ដែលបានឆ្លងវីរុសកូរ៉ូណាបន្ទាប់ពីគេបានត្រឡប់មកពីទីក្រុង Wuhan ប្រទេសចិនដែលជាកន្លែងចាប់កំណើតនូវវីរុសដ៏កាចសាហាវមួយប្រភេទនេះ។

សូមបញ្ជាក់ផងដែរថា នេះគ្រាន់តែជាជោគជ័យជំហ៊ានដំបូង និងលើការព្យាបាលអ្នកជម្ងឺម្នាក់ប៉ុណ្ណោះ ការព្យាបាលជម្ងឺនេះសម្រាប់ពិភពលោក ជប៉ុនក៏មិនទាន់ប្រកាសជាផ្លូវការនៅឡើយទេ ព្រោះខ្លួននៅសិក្សាលម្អិតបន្ថែមទៀតទៅលើវីរុស Corona (កូរ៉ូណា)   ។ 

មូលហេតុចម្បង ធ្វើឱ្យជប៉ុនអាចរកថ្នាំកម្ចាត់វីរុស កូរ៉ូណា បានមុនគេ និងលឿនជាងគេគឺ 

១.វិស័យសុខាភិបាលជប៉ុនស្ថិតក្នុងលំដាប់កំពូលមួយក្នុងចំណោមប្រទេសអ្នកមានកំពូលៗ ក៏ដូចជាប្រទេសមហាអំណាចនានា ។ មិនតែប៉ុណ្ណោះជប៉ុនក៏មានមន្ទីពិសោធន៍ សិក្សា ស្រាវជ្រាវ ពីវីរុស និងមេរោគផ្សេងៗ យ៉ាងទំនើបបំផុត ។ 

២.ប្រទេសជប៉ុន និងជនជាតិជប៉ុន ជាទូទៅត្រូវបានគេសម្គាល់ថាមានសន្តានចិត្តល្អ និងទឹកចិត្តមេត្តា តែងតែជួយសង្គ្រោះប្រទេសនានា ដែលជួបនឹងគ្រោះមហន្តរាយ ។ ដូច្នេះហើយជប៉ុនគឺព្រួយបារម្ភបំផុត ខ្លាចបង្អង់ពេលទុកយូរ វីរុសនេះកាន់តែរីកធំឡើងពិបាកគ្រប់គ្រង ។

៣.ចំណុចដែលជម្រុញជប៉ុនឱ្យស្វែងរកថ្នាំកម្ចាត់វីរុស កូរ៉ូណា លឿនបំផុតនោះគឺ ជនជាតិខ្លួនដែលបានសង្គ្រោះមកពីទីក្រុង Wuhan (អ៊ូហាន) ប្រទេសចិន បានឆ្លងជម្ងឺនេះមកដែរដូច្នេះហើយជប៉ុនត្រូវប្រឹងប្រែងរកថ្នាំព្យាបាលឱ្យបានលឿន បានឆាប់រហ័សបំផុត ដើម្បីជួយសង្គ្រោះជីវិតប្រជាជនខ្លួន ៕ 

អត្ថបទដោយ Nen Sothea (Leadership Editor) 

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES