ការដ្ឋានតភ្ជាប់ផ្លូវ៦០ម៉ែត្រនិងផ្លូវ២៧១គ្រោងបញ្ជប់ចុងឆ្នាំ តែលោក ឃួង ស្រេង ជំរុញឲ្យបញ្ចប់មុនថ្ងៃ៩វិច្ផិកា

ការដ្ឋានស្ថាបនាតភា្ជប់ផ្លូវសម្ដេច ហ៊ុន សែន (៦០ម៉ែត្រ) និងតភ្ជាប់ផ្លូវ២៧១ដែលស្ថិតនៅក្នុងភូមិ៧ សង្កាត់ចាក់អង្រែលើ ខណ្ឌមានជ័យ នឹងគ្រោងបញ្ចប់នៅចុងឆ្នាំ២០១៩នេះ ដើម្បីសម្រួលដល់ការធ្វើចរាចររសរបស់ប្រជពលរដ្ឋធ្វើដំណើរបានស្រួល ខណៈផ្លូវនេះមានលក្ខណៈតូចង្អៀត ដោយសារតែមានផលប៉ះពលជាមួយលំនៅដ្ឋានប្រជពលរដ្ឋចំនួន៤គ្រួសារនៅទីតាំងនោះ។

ប៉ុន្ដែមកដល់ពេលនេះ ផលប៉ះពាល់ត្រូវបានដោះហើយ ដោយអនុវត្ដតាមរូបមន្ដឈ្នះ_ឈ្នះ របស់សម្ដេច​ ដើម្បីឲ្យដំណើរការនៃការដ្ឋានស្ថាបនា ការតភ្ជាប់ផ្លូវទាំងពីរនេះ ជោគជ័យទៅតាមគម្រោងដែលបានគ្រោងទុក។

ជាមួយគ្នានោះកាលពីថ្ងៃទី១៧ ខែតុលា ឆ្នាំ២០១៩នេះ​ លោក ឃួង ស្រេង អភិបាលរាជធានីភ្នំពេញ បានដឹកនាំមន្រី្ដជំនាញ និងមន្ដ្រីដែលពាក់ព័ន្ធ ចុះពិនិត្យទីតាំងត្រូវស្ថាបនាផ្ទាល់ លោកក៏បានឲ្យក្រុមហ៊ុន ING ដែលជាអ្នកទទួលភារកិច្ចក្នុងការស្ថាបនា ជំរុញការស្ថាបនាផ្លូវនេះ ឲ្យរួចមុនថ្ងៃបុណ្យឯករាជជាតិ៩វិច្ឆិកា។ នេះបើតាមការបញ្ជាក់ពីលោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ។

សូមជម្រាបថា ផ្លូវ៦០ម៉ែត្រនេះ មិនត្រឹមតែជួយសម្រួលដល់ការរស់នៅប្រកបអាជីវកម្ម និងការធ្វើដំណើរដឹកជញ្ជូនទំនិញ កសិផល និងសេវាកម្មផ្សេងៗ ក្នុងភូមិសាស្រ្ដសង្កាត់ចាក់អង្រែលើ ប៉ុណ្ណោះទេ ប៉ន្ដែជាយុទ្ធសាស្រ្ដ នៃតភ្ជាប់ពីតំបន់មួយទៅតំបន់មួយ និងជាការដោះស្រាយបញ្ហាប្រឈមចំពោះមុខ គឺការកកស្ទះចរាចរ ក្នុងរាជធានីភ្នំពេញ និងជាបច្ច័យដ៏ល្អ ក្នុងការកាត់បន្ថយការចំណាយ និងជំរុញឲ្យសេដ្ឋកិច្ចទីផ្សារ ប្រព្រឹត្ដិប្រកបដោយប្រសិទ្ធិភាពនិងប្រសិទ្ធផល៕

Image may contain: 6 people, people standing and outdoor
Image may contain: sky, tree and outdoor
Image may contain: one or more people, sky and outdoor
Image may contain: one or more people, sky and outdoor

ប្រភព៖ AKP

អត្ថបទ៖ កឹម ប៊ុនធឿន

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES