Business Cambodia

ហិរញ្ញវត្ថុ

តម្លៃមាសឡើងថ្លៃ៥០ដុល្លារវិញ ក្រោយអាមេរិករបញ្ចេញរបាយការណ៍ពីទិន្នន័យមួយនេះ

Toeuy Hong February 23,2021 1.0 K

កាលពីពេលថ្មៗនេះតម្លៃមាសបានធ្លាក់ចុះក្រោម១,៨០០ដុល្លារក្នុងមួយអោន ខណៈមានព័ត៌មានថា សេដ្ឋកិច្ចអាមេរិកចាប់ផ្ដើមមានភាពល្អប្រសើរឡើងវិញ។ យ៉ាងណាមិញតម្លៃមាសចាប់ឡើងថ្លៃ ៥០ដុល្លារវិញបន្ទាប់ពីអាមេរិកចេញរបាយការណ៍មួយ។

កាលពីថ្ងៃសុក្រ តម្លៃមាសចាប់ផ្តើមកើនឡើងពីតម្លៃ១៧៩១-១៨៤០( តម្លៃបច្ចុប្បន្ន ) កើនឡើងជាង ៥០ ដុល្លា បន្ទាប់ពីសហរដ្ឋអាមេរិកតែងតែប្រកាសរបាយការណ៍ ចំណូលរបស់ប្រជាជន។

នៅក្នុងរបាយការណ៍នោះបានបង្ហាញថាចំណូលរបស់សហរដ្ឋអាមេរិកមានការធ្លាក់ចុះពី ១.០% សល់ត្រឹមតែ ០.២% ។ របាយការណ៍នេះក៏ជា “សូចនាករ” ទៅរកអតិផរណាដែរ ប៉ុន្តែវាបានបង្ហាញពីភាពទន់ខ្សោយនៃសេដ្ឋកិច្ចសហរដ្ឋអាមេរិក បន្ទាប់ពីមានការធ្លាក់ចុះនៃទិន្នន័យចំណូលរបស់ប្រជាជន។ ធនាគារកណ្តាលរបស់អាមេរិកបានប្រកាសនឹងពង្រឹងអតិផរណារហូតដល់ ២% ។

លោកស្រី Yellen លេខាធិការរតនាគារ ដែលជាអតិតប្រធានធនាគាកណ្តាលសហរដ្ឋអាមេរិកបានលើកឡើងថា កញ្ជប់ថវិការជួយសេដ្ឋកិច្ច ១.៩សែនកោដិដុល្លាអាចជួយអោយអត្រាអ្នកមានការងារនៅអាមេរិកមានការកើនឡើងខ្លាំងនៅឆ្នាំ២០២២។

គាត់បន្តទៀតថាអត្រាការប្រាក់ធនាគារកណ្តាលអាមេរិកអាចនឹងមានការតំឡើងវិញម្តងទៀតបន្ទាប់ពីកញ្ជប់ថវិការជួយសេដ្ឋកិច្ច ១.៩សែនកោដិដុល្លារបានជោគជ័យ។

ពួកយើងមើលឃើញថាប្រាប់ដុល្លាអាមេរិកនៅតែបន្តមានភាពទន់ខ្សោយ ខណៈពេលដែលនៅតែមិនទាន់មានភាពច្បាស់លាស់ពីវិធានការគោលនយោបាយសំខាន់របស់ធនាគារកណ្តាលអាមេរិក និងគោលនយោបាយសំខាន់របស់លោក Biden ។ តម្លៃមាសថ្ងៃនេះអាចឡើងខ្ពស់បំផុតតម្លៃ ១៨៥០ និងធ្លាក់ទាប ១៨២២។

Toeuy Hong

ខ្ញុំបាទ ទឿយ ហុង ជាប្រធាននិពន្ធផ្នែកហិរញ្ញវត្ថុនៅ Business Cambodia។ ខ្ញុំនៅទីនេះដើម្បីចែករំលែកចំណេះដឹងហិរញ្ញវត្ថុ និងការវិនិយោគ ឲ្យប្រជាជនខ្មែរ ចេះគ្រប់គ្រងលុយឲ្យមានប្រសិទ្ធភាព ចាយលុយឲ្យត្រូវផ្លូវនិងប្រើប្រាស់លុយក្នុងការវិនិយោគ ឆ្ពោះទៅរកភាពមានបាននិងសេរីភាពហិរញ្ញវត្ថុ។ បើបងប្អូនមានចម្ងល់ទាក់ទងនឹងអត្ថបទរបស់ខ្ញុំ ឬចង់ចែករំលែកចំណេះដឹងផ្នែកហិរញ្ញវត្ថុដល់ខ្ញុំអាចទាក់ទងខ្ញុំបាន។ សម្រាប់ម្ចាស់អាជីវកម្មចង់ឲ្យអាជីវកម្មកាន់តែមានភ្ញៀវស្គាល់ច្រើនក៏ទាក់ទងមកខ្ញុំបានដើម្បីផ្សព្វផ្សាយពីអាជីវកម្មរបស់អ្នក។ ទំនាក់ទំនងមកខ្ញុំ 098808636 ឬ Facebook & Telegram: Toeuy Hong៕