សែជូ សេរីវឌ្ឍនា៖ ចេញរកស៊ីវ័យក្មេងពេកជួបបញ្ហាច្រើនណាស់ តែបើចាំទាល់ចាស់គឺហួសពេលហើយ

ជាអ្នកជំនួញវ័យក្មេង ធ្លាប់ប្រលូកក្នុងការរកស៊ីជាច្រើន លោកសែជូ សេរីវឌ្ឍនា ម្ចាស់ទឹកអប់លង្គង៍ បានប្រាប់មកកាន់Business Cambodiaថា ចាប់តាំងស្គាល់រសជាតិជាអ្នករកស៊ីមក លោកធ្លាប់ប្រឡូកក្នុងជំនួញជាច្រើន មានទាំងបរាជ័យនិងជោគជ័យ តែទម្រាំផ្លាស់ប្ដូរមកជំនួញចុងក្រោយនេះ ដែលជាក្ដីស្រមៃរបស់ខ្លួន ព្រមទាំងចង់បំពេញបំណង ដូច្នេះទឹកអប់ដែលជាស្នាដៃមានបញ្ចូលនូវអត្តសញ្ញាណខ្មែរនេះ គឺលោកខិតខំ និងដាក់ចិត្តដាក់កាយជាខ្លាំង។

យោងតាមបទពិសោធន៍ក្នុងការរកស៊ីពីមុនៗ សហគ្រិន១រូបនេះ ហាក់ឆ្អិននិងមានចំណេះដឹងច្រើនក្នុងក្នុងចាប់ផ្ដើមអាជីវកម្ម ពីព្រោះលោកបានចេញរកស៊ីតាំងពីក្មេង ដូច្នេះបានជួបរឿងជាច្រើនក្នុងជីវិត ក្នុងនោះលោកផ្ទាល់លោកក៏បានលើកឡើងសំដី១ឃ្លាថា“កាលនោះចេញរកស៊ីនៅក្មេង បទពិសោធន៍ក៏គ្មាន ចំណេះដឹងក៏ស្ទើរ តែមិនសាកល្បងពេលនោះ ពេលនេះច្បាស់ជាសូន្យជាមិនខាន”។

សហគ្រិនរូនេះបន្ដទៀតថា គ្រប់យ៉ាងចេញទៅ វាមិនល្អឥតខ្ចោះនោះទេ ដើរជួនកាលខ្លះដួលជារឿងធម្មតា តែអ្វីដែលសំខាន់ ត្រូវតែមានមហិច្ចតា និងការព្យាយាម ដួលហើយត្រូវតែងើប ហើយត្រូវតែស្រង់បទពិសោធន៍ ដែលដួលនោះមកអនុវត្ត ដើម្បីកុំឱ្យមានបញ្ហាតទៅទៀត។ 

ក្នុងចំណុចនេះលោក ក៏បានបន្ដទៀតថា មិនថាអ្នករកស៊ីថ្មីថ្មោង ឬទើបចាប់ផ្ដើមក្ដី ពេលវេលានៅយុវវ័យ ឬមានអាយុតិច​ជាពេលសាកសមបំផុត ពីព្រោះបើនៅតែភ័យខ្លាច ខ្លាចនេះ ខ្លាចនោះច្រើនពេក វានឹងធ្វើឱ្យយើងខកខាន ខាតពេលពេលវេលាជាមិនខាន។

អត្ថបទដោយ៖ នឹម ផានុន (Pranun)

Sathapanabank Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES