មុខរបរ៤ ចាយទុនត្រឹម១០០ដុល្លារ តែអាចរកចំណូលបានមិនធម្មតា ក្នុងទីផ្សារបច្ចុប្បន្ន

​សម័យនេះអ្នកណាក៏ដូចអ្នកណាតែប្រាថ្នាចង់ចាប់យករបរមួយដែលចាយទុនអស់តិច ហើយបានផលចំណេញមកវិញច្រើន។ ជាក់ស្តែង បើនិយាយពីការចាប់ផ្តើមរកស៊ីវិញ យើងមើលឃើញថាយុវវ័យមួយចំនួនបានបណ្តុះគំនិតចង់ចេញធ្វើការងាររកប្រាក់ចំណូលបន្ថែមសម្រាប់ការចំណាយ ដែលអ្នកខ្លះក៏ព្យាយាមស្វែងរកមុខរបរណាមួយដែលចំណាយលុយអស់តិចហើយអាចរកចំណូលបានច្រើនដូចគ្នា។ ថ្ងៃនេះ Business Cambodia និងលើកយកមុខរបរ៤ប្រភេទដែលចាយទុនត្រឹមតែ១០០ដុល្លារឬក៏អាចតិចជាងនេះក៏មាន តែអាចរកចំណូលបានត្រឡប់មកវិញបានមិនធម្មតាប៉ុន្មានទេ សម្រាប់ទីផ្សារបច្ចុប្បន្ន។ មុខរបរទាំងនោះរួមមាន៖

១.អ្នកលក់អនឡាញ៖ ការលក់ទំនិញនៅលើអនឡាញបច្ចុប្បន្នក្នុងប្រទេសកម្ពុជាហាក់មានការពេញនិយមខ្លាំងដោយការនាំយកឥវ៉ាន់មកលក់មិនសូវមានការចំណាយដើមទុនច្រើនដូចការបើកជាហាងឬក៏តូបនោះទេ។របរនេះអ្នកណាៗក៏អាចធ្វើបានដែរព្រោះថាបើអ្នកមានលុយត្រឹមតែ១០០ដុល្លារឬតិចជាងនេះអ្នកក៏អាចក្លាយជាអ្នកលក់រកចំណូលបានច្រើនទេ្វដង រហូតអាចបើកហាងលក់ផ្ទាល់ខ្លួនដែលមានតំណាងចែកចាយរាប់រយនាក់ក៏មាន។របរនេះវាមិនត្រឹមតែជាប្រភេទការងារចាយទុនតិចប៉ុណ្ណោះទេ ថែមទាំងជាការងារក្រៅម៉ោងមួយដ៏ល្អសម្រាប់សិស្សនិស្សិតថែមទៀតផង។

២.អ្នកធ្វើ Vlog និង YouTube៖ នេះជាអ្វីដែលមានការពេញនិយមខ្លាំងមែនទែនពីយុវវ័យរបស់យើងបច្ចុប្បន្នចាប់តាំងពីមានការប្រើប្រាស់កុំព្យូទ័រយួរដៃនិងការប្រើប្រាស់ស្មាតហ្វូនភ្ជាប់ជាមួយកាមេរ៉ាមកអ្នកណាៗក៏អាចចាប់ផ្តើមបង្កើតវីដេអូបង្ហោះទៅក្នុងបណ្តាញសង្គមឬក៏ YouTubeជាដើម។ប្រសិនបើអ្នកមានចំណេះដឹងដែលអ្នកចង់ចែករំលែកឬជាសកម្មភាពមានប្រយោជន៍ផ្សេងៗជាដើម។ប្រយោជន៍ដែលទទួលបានពីវាគឺបានតាមរយៈអ្នកមើលនៅលើវីដេអូមួយនោះបន្ទាប់ពីនោះហើយអ្នកអាចនឹងទទួលបានចំណូលផ្សេងពីវាតាមរយៈការផ្សព្វផ្សាយពាណិជ្ជកម្មឲ្យផលិតផលរបស់ស្ថាប័នឬក្រុមហ៊ុនណាមួយជាមិនខាន។

.គ្រូបង្រៀន៖ អាជីពជាគ្រូបង្រៀនអាចតម្រូវឲ្យអ្នកមានបទពិសោធន៍ការងារបន្តិចបន្តួចបូករួមទាំងសមត្ថភាពរបស់អ្នកព្រោះបច្ចុប្បន្នមានសិស្សនិស្សិតជាច្រើនដែលត្រូវការចំណេះដឹងបន្ថែមទៀតនេះជាឱកាសរបស់អ្នកក្នុងការចាប់ផ្តើមសេវាកម្មបង្រៀននេះធ្វើជាអាជីពផ្ទាល់ខ្លួនបានប្រសិនបើអ្នកមានចំណេះដឹងគ្រប់គ្រាន់សម្រាប់ចែករំលែកទៅកាន់ពួកគេ។ហើយមិនយូរទេអ្នកនឹងអាចមានការងារជារបស់ខ្លួនឯងដោយមិនចាំបាច់ត្រូវធ្វើការឲ្យអ្នកដទៃទៀតទេ។​អ្នកអាចចាប់ផ្តើមអាជីពនេះបានដោយមិនចាំបាច់ប្រើដើមទុនក៏បានដែរ។ដោយគ្រាន់តែចំណាយប្រាក់បន្តិចបន្តួចក្នុងការទិញជាសៀវភៅឬឯសារសម្រាប់បង្រៀននិងការចំណាយផ្សេងៗទៅលើការផ្សព្វផ្សាយបន្តិចបន្តួចប៉ុណ្ណោះ។ក្រៅពីបង្រៀននៅតាមផ្ទះអ្នកក៏អាចរកចំណូលពីការធ្វើវីដេអូបង្រៀននៅលើ YouTube បានដែរ។

៤.អ្នកបកប្រែ៖ ប្រសិនបើអ្នកជាមានជំនាញនៅក្នុងការទំនាក់ទំនងនិងការប្រើប្រាស់ភាសាបានល្អអ្នកអាចចាប់ផ្តើមនិយាយជាមួយភ្ញៀវបរទេសហើយណែនាំពួកគេនៅតំបន់កំសាន្តដែលអ្នកធ្លាប់បានស្គាល់និងធ្លាប់បានដឹងនោះអ្នកនិងអាចទទួលបានចំណូលពីពួកគេ។ការងារនេះគឺជាប្រភេទការងារបែបសេរីភាពមិនចាំបាច់ធ្វើការនៅក្រោមសម្ពាធពីនរណាឡើយជាពិសេសការងារនេះមិនត្រឹមតែរកចំណូលបានច្រើនប៉ុណ្ណោះទេថែមទាំងផ្តល់ផលប្រយោជន៍ជាច្រើនពីអាជីពមួយនេះថែមទៀតផង។អាជីពនេះវាសឹងតែមិនចាំបាច់ឲ្យអ្នកចំណាយទុនច្រើននោះទេតែវាត្រូវការសមត្ថភាពរបស់អ្នកធ្វើជាដើមទុនផ្ទាល់។ “មិនថាអ្នកធ្វើក៏ដោយឲ្យតែអ្នកមានចិត្តអំណត់ វាប្រាកដជាបានផ្លែផ្កាតាមការប្រឹងប្រែងរបស់អ្នក” ៕

អត្ថបទដោយ៖ សម្បត្តិ សុខឡាង

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES