តើអ្វីទៅជាប្រព័ន្ធគ្រប់គ្រងសុវត្ថិភាព Eyesight ដែលបំពាក់លើរថយន្ដ Subaru ឆ្នាំ ២០២០

ឆ្នាំ ២០២០ គឺជាឆ្នាំដែលទីផ្សាររថយន្ដប្រកួតប្រជែងខ្លាំងមែនទែន តាមរយៈការបំពាក់បច្ចេកវិទ្យាថ្មីៗលើម៉ូឌែលរថយន្ដដើម្បីប្រឡូកចូលទីផ្សារនារពេលបច្ចុប្បន្នបាន ។

មិនត្រឹមតែប៉ុណ្ណោះគេក៏សង្កេតឃើញក្រុមហ៊ុនផលិតឡាន Subaru ត្រឹមមួយរយៈក្រោយនេះហាក់លេចធ្លោខ្លាំងតាមរយៈបច្ចេកវិទ្យា គ្រប់គ្រងប្រព័ន្ធសុវត្ថិភាព Eyesight ដែលបំពាក់លើម៉ូឌែលរថយន្ដស៊េរីឆ្នាំ ២០២០ ដែលទើបដាក់បង្ហាញជាផ្លូវការនៅមហាព្រឹត្តិការ Motor-Show 2020 នៅសាំងហ្គាពួកាលពីថ្ងៃ ៩ ដល់ថ្ងៃទី ១២ ខែ មករា ឆ្នាំ ២០២០ នេះ ។

តើអ្វីទៅជាប្រព័ន្ធគ្រប់គ្រងសុវត្ថិភាព Eyesight របស់រថយន្ដស៊ូបារុ?

Eyesight System គឺជាប្រព័ន្ធសុវត្ថិភាព និងបច្ចេកវិទ្យាដែលជាន់ហ្វ្រាំងដោយស្វ័យប្រវត្តនៅពេលដែលរថយន្ដកំពុងបើកបរនៅក្នុងល្បឿនមួយហើយមានឧបសគ្គចំខាងមុខ និង ខាងក្រោយ គឺ Eyesight System ធ្វើការចាប់ហ្វ្រាំងដោយស្វ័យប្រវត្តតែម្ដង ។

ប្រព័ន្ធគ្រប់គ្រងមួយនេះវាអាចជួយការពារសុវត្ថិភាពដល់អ្នកបើកបរបាន ដោយអាចជួយបង្ការគ្រោះថ្នាក់ដោយចៃដន្យបានថែមទៀតផង ដោយធ្វើការចាប់ហ្វ្រាំងដោយស្វ័យប្រវត្តនៅមានពេលឧបសគ្គណាមួយ ។

ម៉ូឌែលរថយន្ដស៊េរី SUV ឆ្នាំ ២០២០ របស់ស៊ូបារុ Forester GT Edition និង Subaru Forester e-BOXER គឺបំពាក់បច្ចេកវិទ្យានេះមកស្រាប់តែម្ដង ដែលជាបច្ចេកវិទ្យាល្អដល់អ្នកបើកបរខ្លាំង ជៀសវាងកើតមានបញ្ហាដោយចៃដន្យ ៕

អត្ថដោយ ៖ ឆាំ មករា

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES