កុំភ័យបញ្ហាខ្វះភ្លើងប្រើ!!! នាយករដ្ឋមន្រ្ដីកម្ពុជាថាបើភ្នំពេញខ្វះភ្លើងប៉ុនណាបញ្ចេញបង្គ្រប់ប៉ុណ្ណឹង

សម្ដេច ហ៊ុន សែន នាយករដ្ឋមន្រ្ដីកម្ពុជាបានមានប្រសាសន៍ពាក់ព័ន្ធទៅនឹងបញ្ហាអគ្គិសនីសម្រាប់ប្រើប្រាស់នៅក្នុងរាជធានីភ្នំពេញនារដូវប្រាំងខាងមុខ នឹងមិនឲ្យមានការផ្ដាច់ចរន្ដអគ្គិសនីទៀតនោះទេ ដោយរដ្ឋាភិបាលបានចាយលុយជិត ៤០០ លានដុល្លារអាមេរិកទិញម៉ានស៊ីនភ្លើងចំនួន ២ គ្រឿងពីបរទេស ដែលមានកម្លាំងថាមពលសរុបចំនួន ៤០០ មេហ្គាវ៉ាត់ ដើម្បីត្រៀមបំពេញការកង្វះខាតនៅក្នុងរាជធានីភ្នំពេញនាពេលខាងមុខ។

បើយោងតាមការថ្លែងនៅក្នុងពិធីប្រគល់សញ្ញាបត្រជូននិស្សិតនៃសាលកវិទ្យាល័យធនធានមនុស្ស នាព្រឹកថ្ងៃទី១៨ ខែវិច្ឆិកា ឆ្នាំ២០១៩ នេះ សម្ដេចនាយករដ្ឋន្រ្ដីកម្ពុជាបានមានប្រសាសន៍យ៉ាងដូច្នេះថា “ ជិត៤០០លានដុល្លារប្រគល់ទៅឲ្យអគ្គិសនី ទិញម៉ាស៊ីនភ្លើង ២០០ មេហ្គាវ៉ាត់ពីហ្វាងឡង់ ២០០ មេហ្គាវ៉ាត់ពីអាល្លឺម៉ង់ មកដាក់គៀកនៅភ្នំពេញកំពុងតែដំឡើង កុំឲ្យវាដាច់ភ្លើង ខ្វះចរន្ដ កាត់ភ្លើងអ្នកទីក្រុងភ្នំពេញ អាហ្នឹងសារគួ បើភ្នំពេញខ្វះ ១០០ បញ្ចេញ ១០០ បើខ្វះ ១០ បញ្ចេញ ១០ ខ្វះ ២០ បញ្ចេញ ២០ បើខ្វះទាំងអស់បញ្ចេញហែងទាំង ៤០០ ដាក់ចូលភ្នំពេញកុំឲ្យដាច់ភ្លើង”

ប៉ុន្ដែទោះជាយ៉ាងណា​ កាលពីពេលកន្លងទៅសម្ដេចក៏បានអំពាវពាវដល់បងប្អូនប្រជាពលរដ្ឋទាំងឲ្យមានការប្រើប្រាស់សន្សំសំចៃភ្លើងផងដែរ បញ្ហាគឺដោយសារទឹកទន្លេដែលប្រើសម្រាប់ដំណើរការក្នុងការផលិតភ្លើងនៅតាមវារីអគ្គិសនីមានការធ្លាក់ចុះ ហើយលោកក៏បានសុំអភ័យទោសរាល់បញ្ហាដាច់ភ្លើងផងដែរ៕

Image may contain: 3 people, people smiling, text

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES