ភាពស្ងប់ស្ងាត់នៃអចលទ្រព្យនៅកម្ពុជា ជាឱកាសល្អសម្រាប់អ្នកវិនិយោគ ក្នុងការទិញបានថោក

វិស័យដីធ្លីនៅកម្ពុជា ហាក់ស្ងាត់សកម្មភាព ទិញលក់ និងជ្រួលច្របល់ស្រវ៉ាទិញលក់ បើធៀបកាលពីឆ្នាំ ២០១៨កន្លងទៅ ដែលអ្នកវិនិយោគក្នុងវិស័យដ៏ក្តៅនេះ បានពោលថា នេះអាចជាសញ្ញាណនៃការចាប់ផ្តើមមានវិបត្តិ។

លោក កានគន្ធី សហស្ថាបនិក លោក កាន គន្ធី ដែលជាសហស្ថាបនិកនៃគំរោងមហាយាន្តនិងគំរោងច័ន្ទគីរីភូមិដ្ឋានធម្មជាតិ​ បានថ្លែង​ប្រាប់​ Business Cambodia ថាបើយោងតាមការសង្កេត របស់លោក ឃើញថា ដីពុះឡូតិ៍ កំពុងជួបបញ្ហា ខ្វះអ្នកទិញ អាចនិយាយបានថា ទីផ្សារមួយនេះ កំពុងជន់ជោរ ឬឆ្អែតដល់កម្រិត។

បើនិយាយពីវិស័យខុនដូ វិញ កាលពីពី២ ឆ្នាំមុន វិស័យមួយនេះ កញ្ជ្រោលខ្លាំង ក្នុងការសាងសង់ លុះមកដល់ឆ្នាំនេះ ការសាងសង់ខ្លះត្រូវបានបញ្ចប់ ដូចនេះ តម្រូវការអ្នកទិញអ្នកជួលកាន់តែច្រើន ដែលជាហេតុធ្វើឲ្យគម្រោងថ្មីៗមិនសូវមាន។

ដោយឡែក បើនិយាយពីព្រះសីហនុវិញ ក្រោយពីរាជរដ្ឋាភិបាលកម្ពុជា បាន បិទអាជីវកម្មហ្គេមអនឡាញ មក អចលនទ្រព្យនៅខេត្តមួយនេះ ក៏មានលក្ខណៈស្ងាត់ផងដែរ។ ម្យ៉ាងវិញទៀត ការចាកចេញរបស់ជនជាតិមួយចំនួនធំនេះ បានធ្វើឲ្យប៉ះពាល់ខ្លះដល់អាជីវកម្មផ្ទះជួល ព្រោះពួកគាត់បានខ្ចីបុលធនាគារ ដើម្បីសង់ផ្ទះជួល ឲ្យចិន ដោយរំពឹងថា នឹងជួលបានក្នុងតម្លៃថ្លៃ តែអ្វីមិនដូចការគិត ទើបធ្វើឲ្យគាត់ជួបបញ្ហាដ៏កង្វល់នេះ។ នេះបើតាមការបញ្ជាក់របស់លោក កាន គន្ធី។

យ៉ាងណាមិញ លោកបានបង្ហើបថា ការធ្លាក់ចុះនៃតម្លៃអចលទ្រព្យ វាអាចជាឱកាសសម្រាប់អ្នកវិនិយោគ ដែលមានធនធានថវិការច្រើន អ្នកដែលបានត្រៀមខ្លួន អាចមានឱកាសក្នុងការទិញអចលនទ្រព្យ បានតម្លៃធូរថ្លៃ ខណៈអ្នកផ្សេង បានកំពុងលុងខ្លួនក្នុងអចលនទ្រព្យ ។ នេះមិនមែន កេងចំណេញ នៅពេលដែលកំពុងមានវិបត្តិនោះទេ ប៉ុន្តែប្រសិនបើគេលក់ថោក យើងគួរតែគិតថា យើងគួរទិញឬមិនទិញ។

តែការវិនិយោគនេះ ត្រូវការវិនិយោគក្នុងរយៈពេលយូរ ព្រោះ ប្រសិនបើអនទ្រព្យគាំង នោះ មិនមែន១ខែ ២ខែនោះទេ ប៉ុន្តែវាត្រូវការរយៈពេល ២ ទៅ៣ ឆ្នាំ ទើបស្ថានការណ៍អាចដំណើរការបានល្អឡើងវិញ។ ដូចនេះយើងត្រូច្បាស់ថា យើងអាចកប់លុយនៅក្នុងអចលនទ្រព្យ បានយូរប៉ុណ្ណា តែប៉ុណ្ណោះ។

យ៉ាងណាមិញ អ្នកវិនិយោគរូបនេះ បានប្រាប់ទៀតថា កំឡុងពេលនេះ មិនមែនគេហៅថាវិបត្តិនោះទេ ប៉ុន្តែវាសញ្ញាណនៃការមានវិបត្តិ  ស្របពេលជាមួយគ្នានេះដែរ អ្នកធ្វើអាជីវកម្មមួយនេះ ប្រឈមនឹងបញ្ហា ប្រសិនបើ EBA មានវិបត្តិ ដោយសារតែ អ្នកទិញដីឡូតិ៍មួយចំនួនធំ គឺជាអ្នកធ្វើការតាមរោងចក្រសហគ្រាស។

វាមិនមានអ្វីគួរឲ្យព្រួយបារម្ភទេ នេះជាវដ្ដធម្មតាមួយរបស់វិស័យនេះ នៅពេលវាកើនឡើងដល់កំពូល វាតែងតែធ្លាក់ចុះមកវិញ។ លោកបន្តថា “ប្រទេសណា ក៏ដូចជាប្រទេសណាដែរ តែងប្រឈមបទពិសោធន៍បែបនេះ ប៉ុន្តែប្រ​សិនជាយើងមើលរយៈពេលវែង វិស័យសំំណង់និងអចលនវត្ថុកម្ពុជានៅតែមានសក្តានុពល។

រយៈពេល ៥ទៅ៨ឆ្នាំ ម្តង វិស័យអចលនទ្រព្យ នឹងឆ្អែត ដែលនេះគេហៅថា វដ្តអចលនទ្រព្យ ប្រសិនបើ អ្នកទស្សនៈវិស័យច្បាស់លាស់ មានភាពស្មោះត្រង់ក្នុងការរកស៊ី ប្រសិនបើវិបត្តិមកដល់ ពួកគាត់នឹងមិនស្លាប់នោះទេ ប៉ុន្តែអ្នកដែលស្លាប់ គឺអ្នករកស៊ីកាប់ដាវ អ្នករកស៊ីកេងបន្លំ និងអ្នករកស៊ីលោភលន់។

 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

Online

RELATED ARTICLES