ត្រៀមខ្លួន! មុខវិជ្ជា IT និងកុំព្យូទ័រនឹងត្រូវដាក់ជាកម្មវិធីសិក្សាថ្នាក់វិទ្យាល័យ មានតម្លៃស្មើនឹងមុខវិជ្ជាផ្សេង

បច្ចុប្បន្នមុខវិជ្ជាកុំព្យូទ័រដែលដាក់នៅតាមបណ្តាវិទ្យាល័យនានានៅកម្ពុជា ជាក់ស្តែងមិនត្រូវបានគេយកចិត្តទុកដាក់បង្រៀនទៅកាន់សិស្សឲ្យបានដិតដល់នោះទេ ទៀតសោធន៍មុខវិជ្ជាកុំព្យូទ័រនេះផ្តោតតែលើមូលដ្ឋានគ្រឹះតូចៗសម្រាប់ការងារការិយាល័យដូចជា Microsoft Word, Excel, Power Point ប៉ុណ្ណោះ ប៉ុន្តែកម្មវិធីកុំព្យូទ័រដែលគ្រោងនឹងដាក់នៅថ្ងៃអនាគតនេះ ត្រូវបានដំឡើងទៅជាកម្មវិធីសិក្សាស្តង់ដារ ដែលទាក់ទងនឹងវិទ្យាសាស្ត្រកុំព្យូទ័រ ។

អ្នកស្រី សុខ ផល្លីកា ប្រធានគម្រោងនៅអង្គការ INSTEDD iLab ប្រាប់ Business Cambodia ថា INSTEDD iLab កំពុងធ្វើការជាមួយក្រសួងអប់រំ យុវជន និងកីឡា ដោយដាក់បញ្ចូលកម្មវិធី Computer Programming ទៅក្នុងកម្មវិធីសិក្សាផ្លូវការរបស់វិទ្យាល័យនៅកម្ពុជា​ ។

អ្នកស្រីបង្ហើបថា ក្រសួងអប់រំ បានចុះកិច្ចព្រមព្រៀងលើគម្រោងនេះតាំងពីខែមេសាមកម្លេះ ដែលកម្មវិធីសិក្សានេះនឹងដាក់បញ្ចូលមុខវិជ្ជាសរសេរកូដ វិទ្យាសាស្ត្រកុំព្យូទ័រ ក៏ដូចជា តក្កវិទ្យា បន្ថែមពីលើមូលដ្ឋានគ្រឹះកុំព្យូទ័រតូចៗដែលមានក្នុងកម្មវិធីសិក្សាស្រាប់ ។

គម្រោងដាក់បញ្ចូលកម្មវិធីសិក្សាកុំព្យូទ័រនេះ បច្ចុប្បន្នត្រូវបានសាលាជំនាន់ថ្មីយកទៅអនុវត្តន៍បណ្តើរហើយៗ ចំណែកការដាក់បញ្ចូលកម្មវិធីសិក្សាទៅវិទ្យាល័យទូទៅកំពុងស្ថិតនៅក្នុងដំណើរការសិក្សានៅឡើយ ។

អ្នកស្រី ផល្លីកា ឲ្យដឹងថា បច្ចុប្បន្ននេះ INSTEDD iLab កំពុងបណ្តុះបណ្តាលគ្រូបង្គោល បន្ទាប់មកឲ្យគ្រូបង្គោលបង្រៀនបន្តទៅកាន់ និស្សិតនៅសាលាគរុកោសល្យ ដើម្បីឲ្យគ្រូៗដែលចប់ពីសាលាគរុកោសល្យ យកមុខវិជ្ជាកុំព្យូទ័រនេះទៅបង្រៀនសិស្សវិទ្យាល័យ ។

INSTEDD iLab ក៏បានបញ្ជាក់ថា មូលហេតុដែលក្រសួងអប់រំសម្រេចបន្ថែមមុខវិជ្ជា Computer Programming នេះ ដោយសារសព្វថ្ងៃនេះកម្ពុជាខ្វះអ្នកជំនាញផ្នែកនេះច្រើន ជាពិសេសនិស្សិតដែលបញ្ចប់ការសិក្សាផ្នែកនេះ គុណភាពនៅមានកម្រិតនៅឡើយ ដោយសារពួកគាត់មិនបានស្វែងយល់តាំងពីដើម ។

អ្នកស្រីក៏បានបញ្ជាក់ដែរថា ការបរិច្ឆេទដាក់កម្មវិធីចូលវិទ្យាល័យជាផ្លូវការនៅមិនទាន់ដឹងប្រាកដនៅឡើយ ប៉ុន្តែយ៉ាងណាកម្មវិធីប្រាកដថាមាននៅតាមវិទ្យាល័យ ដើម្បីធានាថាសិស្សបានស្វែងយល់ពីមូលដ្ឋានគ្រឹះវិទ្យាសាស្ត្រកុំព្យូទ័រ មុខចូលសកលវិទ្យាល័យ។

អត្ថបទ ៖​ ហ៊ួត សុធារ៉ា

ចុះឈ្មោះចូលរៀនវគ្គខ្លី ៖ “បច្ចេកទេសប្រើហ្វេសប៊ុកផេកបង្កើនការលក់

ចូលរៀនថ្ងៃអាទិត្យ ទី ១៣ ខែតុលា ឆ្នាំ ២០១៩ ម៉ោង ៩ ដល់ ១២ ព្រឹក

#ចំនួនមានកំណត់សូមចុះឈ្មោះឲ្យបានមុន ទំនាក់ទំនង 096 908 3080 / 077 582 100

ព័ត៌មានបន្ថែម ៖ https://bit.ly/30Ss382

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

Online

RELATED ARTICLES