Circle K អបអរសាទរការសម្ពោធសាខាទី ២១ នៅអាកាសយានដ្ឋានភ្នំពេញ + គម្រោងពង្រីកដល់ ៣០០សាខានៅកម្ពុជា

រាជធានីភ្នំពេញ៖ ក្នុងរយៈពេលត្រឹមតែជាង២ ឆ្នាំប៉ុណ្ណោះ  Circle K បានពង្រីកខ្លួនបានជាង ២០សាខារួចមកហើយ។សាខាចុងក្រោយគេនេះដែរ ជាសាខាទី២១ ដែលបានបើកសម្ពោធជាផ្លូវការកាលពី​ព្រឹកថ្ងៃសុក្រទី១២ ខែមេសាឆ្នាំ ២០១៩នេះ មានទីតាំងនៅក្នុងអាកាសយានដ្ឋានអន្តរជាតិភ្នំពេញផ្ទាល់នៅបរិវេណស្ថានីយ៍អ្នកមកដល់ Arrival Terminal ដែលគេរំពឹងទុកថានឹងទទួលបានការគាំទ្រនឹងផ្ដល់ភាពងាយស្រួលដល់ភ្ញៀវដែលធ្វើដំណើរមកដល់អ្នកចាំទទួលភ្ញៀវនិងបុគ្គលិកធ្វើការនៅក្នុងអាកាសយានដ្ឋានផងដែរ។

ការបើកសម្ពោធដែលកៀកជិតដល់ថ្ងៃពិធីបុណ្យចូលឆ្នាំប្រពៃណីខ្មែរដូច្នេះ គឺជាពេលវេលាដ៏សាកសមដោយនៅថ្ងៃ ១៤-១៥-១៦ មេសាខាងមុខនេះគឺនឹងមានសន្ទុះចរាចរណ៍ភ្ញៀវហោះហើរចេញនិងចូលស្រុកច្រើនទាំងភ្ញៀវក្នុងស្រុកធ្វើដំណើរកំសាន្ដទៅលំហែកាយនៅប្រទេសក្រៅ ជាពិសេសភ្ញៀវបរទេសដែលហោះហើរមកចូលរួមពិធីបុណ្យចូលឆ្នាំខ្មែរផងដែរ។

នៅក្នុងការបើកសម្ពោធថ្មីនេះ  លោក Steven Yos នាយកប្រតិបត្តិនៅក្រុមហ៊ុន TH CVS Co., LTD, ដែលបាននាំចូលនិងគ្រប់គ្រង់ Circle K នៅកម្ពុជាក៏បានចូលរួមផ្ដល់ជាកិត្តិយស បកស្រាយទាក់ទងនឹងការសម្រេចបើកសាខានៅអាកាសយានដ្ឋានអន្តរជាតិភ្នំពេញនេះផងដែរ។ លោកបានមានប្រសាសន៍ថា៖ “ទីតាំងអាកាសយានដ្ឋាននេះគឺជាទីតាំងដ៏ល្អឥតខ្ចោះសំរាប់ពួកយើង។ Circle K គឺជាមិត្តសំលាញ់របស់អ្នកធ្វើដំណើរគ្រប់រូប ព្រោះនៅពេលដែលអ្នកធ្វើដំណើរអ្នកមិនមានរបស់ជាប់ខ្លួនច្រើនទេ ដូច្នេះពួកយើងអាចជួយអ្នកបានមិនថាឡើយជាសេវាកម្មផ្សេងៗនំចំណីឬភេសជ្ជឡើយ”។

គាត់ក៏បានបន្ថែមទៀតផងដែរថាដោយគាត់បានសង្កេតឃើញអាកាសយានដ្ឋានបរទេសភាគច្រើន មានម៉ាតដល់ទៅ ៣-៤ ហើយសំរាប់ភ្ញៀវទេសចរណ៍ភាគច្រើនម៉ាតនៅក្នុងអាកាសយានដ្ឋានគឺជាការដក់ជាប់ក្នុងចិត្តដំបូងបំផុតពេលឈានជើងចូលប្រទេសមួយដូច្នេះគាត់សង្ឃឹមថាសាខា Circle K នេះនឹងធ្វើឲភ្ញៀវទេសចរណ៍មានអារម្មណ៍ទទួលស្វាគមន៍ ហាក់ដូចជានៅប្រទេសផ្ទាល់ខ្លួនដោយCircle K គឺជាប្រ៊េនម៉ាតអន្តរជាតិដែលត្រូវបានទទួលស្គាល់និងល្បីល្បាញជុំវិញពិភពលោក។ជាបញ្ចាប់លោក Steven ក៏បានប្រកាសពីមហិច្ឆិតានិងគោលការណ៍របស់ Circle K ដែលចង់ពង្រីកសក្ដានុពល និងវិសាលភាពឲបានពាសពេញប្រទេសកម្ពុជារហូតដល់ ៣០០ សាខាត្រឹមឆ្នាំ ២០២៦ ខាងមុខនេះរួមបញ្ចូលទាំងសាខានៅអាកាសយាសដ្ឋានសៀមរាប និងក្រុងព្រះសីហនុផងដែរ។

គោលបំណងចំបងនិងចំណុចដែលធ្វើឲ Circle K ខុសពីម៉ាតទូទៅគឺការផ្ដល់នូវភាពងាយស្រួល ព្រមទាំងសេវាកម្មសម្បូរបែបជូនភ្ញៀវ ២៤ ម៉ោង រួមបញ្ចូលទាំងចំណីអាហារឆ្អិនស្រាប់ទីតាំងធំទូលាយនៅតំបន់ទីប្រជុំជនសាលាក្រុមហ៊ុន និងទេសចរណ៍ប្រព័ន្ធWIFI ដោយឥតគិតថ្លៃសេវាបង់ថ្លៃទឹកភ្លើងអ៊ិនធឺនែតទូរស័ព្ទខ្សែកាបនិងការទូទាត់សេវាផ្ទាល់ខ្លួនផ្សេងៗសេវាបញ្ចូលលុយទូរស័ព្ទសេវាផ្ញើរឥវ៉ាន់និងដឹកជញ្ចូនសេវាធនាគារ ATMដកនិងដាក់សាច់ប្រាក់និងកន្លែងដែលភ្ញៀវអាចអង្គុយសម្រាក យ៉ាងធំទូលាយនិងមានផាសុកភាពផងដែរ។

Circle K មានដើមកំណើតមកពីសហរដ្ឋអាមេរិក ដែលបើកដំបូងនៅឆ្នាំ ១៩៥១ ហើយមកទល់សព្វថ្ងៃនេះ Circle K មានសាខាជាង ១៦,០០០ ទូទាំងពិភពលោកដូចជា៖ ប្រទេសកាណាដាហុងកុងឌូបៃឥណ្ឌូណេស៊ី ហុងកុងម៉ាកាវគ័ងចូវនិងវៀតណាមជាដើម។

0 មតិ

បញ្ចេញមតិ

RELATED ARTICLES