ជីបម៉ុងប្តេជ្ញាពង្រាយខ្លួនឲ្យបាន៣៣០កន្លែងនៅកម្ពុជា ខណៈ AEON ពុះពារពង្រីកខ្លួនឲ្យបាន៣០ទៀត

ទីផ្សារ ផ្សារទំនើបកំពុង វាយលុកខ្លាំងនៅប្រទេសកម្ពុជា ខណៈផ្សារទំនើបជាច្រើន ដូចជា AEON Mall MaKro Mitdall Town ផ្សារទំនើប ជីបម៉ុង ផ្សារទំនើប Pheng Hout ព្រមទាំងផ្សារទំនើប BCដ៏ធំរបស់ថៃ ជាដើម។

ថ្មីៗនេះ ក្រុមហ៊ុនកូនខ្មែរ ជីបម៉ុងគ្រុប បានប្រកាសថា និងពង្រីកផ្សារទំនើបរបស់ខ្លួនឲ្យបានប្រមាណ ៣៣០កន្លែងនៅទូទាំងប្រទេសកម្ពុជាខណៈបច្ចុប្បន្នបើកបាន៥ ស្របពេលក្រុមហ៊ុនផ្សារទំនើបដ៏ធំរបស់ជប៉ុន AEON ថានិងពង្រាយខ្លួនឲ្យបាន ៣០កន្លែងទៀត។​

នៅក្នុងសន្និសិទ្ធសារពត៌មានកាលបីពេលថ្មីៗនេះ លោក Laurent Hamelet នាយកផ្នែកលក់និងទីផ្សាររបស់ CMRបានឲ្យដឹងថា ជីបម៉ុង គ្រោង​នឹងបង្កើត​ផ្សារ​ទំនើប​ចំនួន ៣៣០ កន្លែងផ្សេងទៀតនៅកម្ពុជា មានចំនួន​បី​ប្រភេទ​រួមមាន ផ្សារម៉ាត ផ្សារទំនើប  និងផ្សារហាយភើម៉ាឃីត ដែលនឹងត្រូវដំណើរការនៅ​ឆ្នាំខាង​មុខៗនេះ។

លោកក៏បានបន្ថែមថាដើម្បីប្រកួតប្រជែងឲ្យមានប្រសិទ្ធភាពក្នុងទីផ្សារផ្សារទំនើបនៅកម្ពុជា​ក្រុមហ៊ុន​ជីបម៉ុងត្រូវតែ​បំបែកផ្នែក​ទីផ្សារទៅ​ជាប្រភេទ​ផ្សារទំនើប​បែបសហគមន៍និងផ្សារទំនើបនៅតាមទីប្រជុំជនដែលផ្សារទំាងនេះគឺនឹងជំរុញដោយវិស័យម្ហូបអាហារនិងភេសជ្ជៈ និងវិស័យកំសាន្ត។

លោក Michael Vong ក៏បានបង្ហាញថាក្រុមហ៊ុនរបស់លោកគឺនឹងធ្វើឲ្យផ្សារទំនើប​របស់ខ្លួនខុសប្លែកពីផ្សារទំនើបនានានៅទូទាំង​កម្ពុជា​ដែលក្នុងនោះលោកបានលើកឡើងថាទីតាំងល្អបំផុតគឺជាគុណសម្បត្តិចម្បងរបស់ក្រុមហ៊ុន។

ជាមួយគ្នានេះដែរ ក្រុមហ៊ុនផ្សារទំនើបរបស់ជប៉ុនគ្រោងនឹង បើកផ្សារទំនិញ(grocery stores) ឲ្យបាន៣០បន្ថែមទៀតនៅកម្ពុជា ខណៈគម្រោង ទី១ គម្រោងទី២ ទទួលបានជោគជ័យ ឯគម្រោងទី៣ ត្រៀមចេញជារូបរាងឡើងនៅលើផ្លូវ៦០ម៉ែត្រ។

គួរជម្រាបផងដែរថា គម្រោងទី១ AEON I លាតសន្ធឹង លើផ្ទៃដីទំហំ ១០០.០០០ម៉ែត្រការ៉េនៅជាប់សណ្ឋាគារសូហ្វីតេល គម្រោងទី២ AEON II ១០០.០០០ម៉ែត្រការ៉េ នៅសែនសុខ ត្រូវបានដំណើរការនៅចុងឆ្នាំ២០១៨ ឯគម្រោងទី៣ AEON III នឹងមានវត្តមាន នៅក្នុង ទី ក្រុង អាយអិនជី (ING City) នៅលើផ្ទៃដីទំហំ ១៨ ហិកតា គ្រោងនឹងបើកទ្វារដំណើរការនៅឆ្នាំ ២០២៣ ខាងមុខនេះ។ 

អត្ថបទ៖ ពេជ្រ ស្រីវណ្ណ

RELATED ARTICLES