CEO Skin 7 Cambodia ថាលក់លើវិថីអនឡាញបានជោគជ័យ ចេះលក់គឺមិនទាន់គ្រប់គ្រាន់ទេ ត្រូវមានគន្លឹះ ៥ នេះទៀត

 

លោកស្រី សុវណ្ណ កន្និកា ជា គឺជាប្រធានប្រតិបត្ដិក្រុមហ៊ុន NITHNIKA Co., Ltd និងមានលោក ឡា ផានិត ជាអគ្គនាយកក្រុមហ៊ុន។ តាមរយៈបទពិសោធន៍រយៈពេល ៤ ឆ្នាំលើអាជីវកម្មអនឡាញ គិតចាប់ពីតំណាងជាតំណាងចែកចាយដ៏តូចមួយ រហូតក្លាយជាអ្នកលក់ឆ្នើម ហើយបច្ចុប្បន្នក្លាយម្ចាស់ក្រុមហ៊ុននាំចូលផលិត Skin Seven ផ្ដាច់មុខពីប្រទេសថៃ។លោកស្រីមានបទពិសោធន៍លើមិនវិស័យនេះមិនមែនលំៗនោះទេព្រោះថាផលិតដែលនាំចូលដោយក្រុមហ៊ុន NITHNIKA Co., Ltd មានការគាំទ្រយ៉ាងខ្លាំងពីសំណាក់អតិថិជនក្នុងស្រុក និងនាំចេញទៅប៉ែកខាងអឺរ៉ុបមួយចំនួនផងដែរ។

ជួបសម្ភាសន៍ជាមួយសារពត៌មាន Business Cambodia លោកស្រី សុវណ្ណ កន្និកា បានលើកឡើងថាប្រឡូកក្នុងរបរលក់អនឡាញ ចេះលក់តែមួយមុខគឺមិនអាចជោគជ័យបានទេ គឺនៅមានគន្លឹះសំខាន់ជាច្រើនរួមផ្សំចូលគ្នាបន្ថែមទៀត។ 

សហគ្រិនវ័យក្មេងរូបនេះបានបង្ហើបទៀតថា ជោគជ័យដែលលោកស្រីបានទទួលនៅពេលនេះ គឺដោយសារតែលោកស្រី រកស៊ីប្រកាន់ភ្ជាប់នូវគោលការណ៍ទាំង ៥ ដូចខាងក្រោម៖

១.រៀនពីរាមច្បងដែលជោគជ័យ

ការរៀនពីអ្នកដែលជោគជ័យគឺជារឿងដែលសំខាន់ ព្រោះរឿងនេះដូចតែគ្នាទេ ចេញលក់ដំបូងប្រាកដជាមិនដឹងថា គួរចាប់ផ្ដើមធ្វើអ្វី? គួរលក់ផលិតណា? គួរសរសេរខេបសិនយ៉ាងមិចទើបទាក់ទាញ? ធ្វើយ៉ាងទើបអាចលក់ដាច់ច្រើនៗដូចគ្នា? ត្រង់ចំណុចនេះ លោកស្រី កន្និកា បានឲ្យដឹងថា បញ្ហាទាំងអស់នេះអ្នកស្រីមានធ្លងកាត់ហើយ ប៉ុន្ដែកត្ដាដែលជម្រុញឲ្យអ្នកស្រីរីកចម្រើនបន្ដិចម្ដងៗរហូតជោគជ័យដូចសព្វថ្ងៃ គឺលោកស្រីតែងលួចរៀនពីបុគ្គលដែលលក់ផលិតផលដាច់ខ្លាំង ថាតើពួកគាត់បានធ្វើអ្វីខ្លះទើបមានអតិថិជនចាប់អារម្មណ៍ច្រើនម្ល៉េះ? បន្ទាប់ពីដឹងគន្លឹះលក់ដាច់ហើយ មិនមែនយករបស់គេទាំងស្រុងមកនោះទេ គឺត្រូវច្នៃវាឲ្យក្លាយជារបស់ខ្លួនឯ ឲ្យប្លែកពីគេ នឹងមានភាពទាក់ទាញ។

 

 

២.ជ្រើសរើសផលិតដែលសាកសមនឹងខ្លួនឯងជាមុនសិន

បច្ចុប្បន្ននេះមានផលិតគ្រឿងសម្អាងរាប់ម៉ឺនមុខដែលចរាចរលើទីផ្សារក្នុងប្រទេសកម្ពុជា ដូច្នេះហើយលោកច្បាស់ពិបាកក្នុងសម្រេចចិត្ដថាមិនដឹងគួរជ្រើសរើសផលិតផលណាទើបលក់ដាច់ហើយចំណេញបានច្រើន។ ដើម្បីអាចដើរលើផ្លូវអាជីវកម្មអនឡាញនេះបានយូរ លោកអ្នកគួរសាកល្បងប្រើផលិតផលនោះជាមុនសិន បើប្រើទៅល្អមែន ហើយសាកសមជាមួយលោកអ្នកមែន ផលិតផលនោះមានប៉ុន្មានក៏មិនចេះសល់ដែរ។ ជាក់ស្ដែងលោកស្រីផ្ទាល់ដំបូងឡើយគឺលោកស្រីមានរូបរាងធាត់ គាត់ក៏ចាប់ផ្ដើមប្រើផលិតផលសម្រកគីឡូរបស់ក្រុមហ៊ុនមួយ បន្ទាប់ពីប្រើដឹងពីគុុណភាពហើយ គឺលោកស្រីបានចប់ផ្ដើមលក់ផលិតផលនេះ ប្រកបដោយទំនុកចិត្ដ ហើយមានអ្នកស្គាល់គាត់ច្រើនតាំងពីពេលនោះមក។

 

 

 

៣.ជ្រើសរើសផលិតផលដែលជាតំរូវការរបស់អតិថិជន

លោកអ្នកត្រូវស្វែងយល់ពីតម្រូវការចាំបាច់បំផុតសម្រាប់អតិថិជន ជៀសវាងការជ្រើសផលិតផលដែលផ្អើលថាល្បីតែមួយភ្លែត ឬធ្វើតាមគ្នាជាដើម។ ត្រូវជ្រើសរើសផលិតផលដែលប្លែកពីគេ មានគុណភាពល្អ និងជាតម្រូវការពិសេសរបស់អតិថិជន។

 

 

៤.ថែរក្សាអតិថិជន 

គ្រប់ផលិតទាំងអស់ ការថែទាំភ្ញៀវគឺជារឿងសំខាន់ ពិសេសគឹនៅពេលដែលអតិថិជនរិៈគន់ និងត្អូញត្អែថាផលិតផលប្រើមិនកើត ឬមិនសមជាដើម។ សូមកុំខឹងទៅកាន់ភ្ញៀវវិញ និងព្យាយាមគេចវេចបញ្ហា ត្រូវចេះដោះស្រាយវាបន្ថិចម្ដងមួយៗនិងព្យាយាមសាកសួរភ្ញៀវ ហើយពន្យល់ថែនាំអំពីរៀបប្រើជាថ្មីទៅកាន់ភ្ញៀវ។

 

 

៥.លើកទឹកចិត្ដកូនក្រុម

ចំពោះលោកស្រី សុវណ្ណ កនិ្នកា សមាជិកតំណាងចែកចាយក្នុងក្រុមហ៊ុនទាំងអស់ គឺបីដូចជាបងប្អូនក្នុងគ្រួសារតែមួយ។ លោកស្រីតែងតែចែករំលែក មិនថាតែចំណេះដឹងទាក់ទងនឹងការលក់ បញ្ហាក្នុងគ្រួសារ ឬបញ្ហាផ្ទាល់ខ្លួននោះទេ ពួកគាត់តែងតែ លើកទឹកចិត្ដគ្នាទៅវិញមក និងជួយគ្នាដោះស្រាយរាល់បញ្ហាដែលកើតមាន។ ពិសេសជាងនេះទៀត លោកស្រីតែងតែលើកទឹកចិត្ដចំពោះតំណាងចែកចាយឆ្នើម ដែលផ្ដល់ជាដំណើរកំសាន្ដទៅកាន់បណ្ដាលប្រទេសល្បីៗ ហើយវាក៏ជាំឱកាសបង្កើនភាពស្និតស្នាលរវាងម្ចាស់ក្រុមហ៊ុននឹងតំណាងចែកចាយឲ្យកាន់តែជិតស្និតបន្ថែមទៀត៕

អត្ថបទដោយ៖ សារ ធូរ៉ា

 

 

Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES