យីហោស្មាតហ្វូនខ្មែរ ខេមហ្វូន បង្ហាញទូរស័ព្ទសេរ៊ីថ្មីរបស់ខ្លួន តម្លៃធូរថ្លៃប៉ុន្តែសមត្ថភាពខ្លាំងមិនធម្មតា

កាលពីថ្ងៃទី ១១ ឧសភា ឆ្នាំ២០១៩ ក្រុមហ៊ុនខេមហ្វូន​ដែលជាក្រុមហ៊ុន​ផលិត​ និង​ចែកចាយ​ទូរស័ព្ទ​ដ៏ល្បី​បាន​រៀបចំកម្មវិធីសម្ពោធ​ដាក់​លក់ជាផ្លូវ​ការ កំពូលស្មាតហ្វូន​របស់ខ្លួន គឺ Honey Y2s នៅ សណ្ឋាគារ​ កាបូឌីយ៉ាណា

ក្នុង​ឱកាស​ថ្លៃង​មតិស្វាគមន៍ចំពោះ ភ្ញៀវ​កិត្តិយស និង​មិត្ត​អ្នកសារពត៌មាន​ លោក លន់ បូរី ទីប្រឹក្សាជាន់ខ្ពស់​របស់ក្រុមហ៊ុនខេមហ្វូន​ បានលើកឡើង​ពីប្រវត្តិក្រុមហ៊ុន និង​ចក្ខុ​វិស័យ​វែង​ឆ្ងាយ នឹង​ក្លាយខ្លួន​ជាក្រុមហ៊ុន​ផលិតនិង​ចែកចាយ​ទូរស័ព្ទដៃទំនើប​ធំជាង​គេប្រចាំប្រទេស​កម្ពុជា។ លោកក៏បានបញ្ជាក់​ផងដែរពីភាពជោគជ័យ​យ៉ាង​ខ្លាំង​ចំពោះ​ការ​ប្រកួត​ប្រជែង​នៅក្នុង​ទីផ្សារ​ទូរស័ព្ទ​ប្រទេសកម្ពុជា។ កាន់តែពិសេស​ថ្មីៗនេះ ក្រុមហ៊ុន​ខេមហ្វូន​ឈ្នះ ពានប្រេន​ទូរស័ព្ទ​ដៃ​ល្អបំផុត​ប្រចាំឆ្នាំ២០១៨ ពីចក្រភព អង់គ្លេស។

តាមប្រសាសន៍ លោក លន់ បូរី ការ​រៀបចំ​សម្ពោធ​ដាក់លក់​ កំពូលស្មាតហ្វូន​របស់ខ្លួន Honey Y2s គឺចង់​ បង្ហាញ​ទៅដល់សាធារណៈ​ជនទូរទៅ​ នូវ​ផលិត​ផល​ជំនាន់​ថ្មី ដែល​មានសមត្ថភាព​ខ្ពស់​ជាង​ ស្មាតហ្វូនខេម​ហ្វូន ជំនាន់មុន ៣ដង ព្រមជាមួយ​ការ​ផ្ដល់តម្លៃដ៏ពិសេស​និង​សមរម្យ​បំផុត​ចំពោះជីវភាព​ប្រជាពលរដ្ឋខ្មែរទូរទៅពេលបច្ចុប្បន្ន។

ជាមួយគ្នាផងដែរ លោក ឃុន ហេង​ ជាប្រធានផ្នែក​ទីផ្សារ​របស់ក្រុមហ៊ុនខេមហ្វូន បានធ្វើបទបង្ហាញ​ពីលក្ខណៈសម្បត្តិ​ពិសេសៗរបស់ Honey Y2s។ Honey Y2s ជាកំពូលស្មាតហ្វូន​ស៊េរីថ្មីបំផុត​របស់ខេមហ្វូន ត្រូវ​បានរចនា​ឡើង​ជាមួយអេក្រង់​ឆក​បែបតំណក់ទឹកទំហំ 6.22 អ៊ីង ជាមួយកំរិត​ Ratio 19:9 លាត​ពេញគែម​ ពេញអេក្រង់​ ពេញភ្នែកចំពោះ​ការទស្សនា​វីឌីអូកំសាន្ត​នានាកម្រិត HD+។ Honey Y2s ត្រូវ​បានបំពាក់​ដោយកាម៉េរ៉ាភ្លោះ 13MP + 2MP ដែលអាច​ចាប់យករូបភាព​បាន​ដិត​ច្បាស់ល្អ​ បែបធម្មជាតិ​ ជាមួយមុខងារ​ Pro Mode (ប្រូ ម៉ូដ) ដែលជំនួយដល់លោកអ្នក ក្នុង​ការថតយកបាន​ស្អាត​ល្អ​ឥតខ្ចោះ​តាមតម្រូវការ និង​គ្រប់កាលៈទេសៈ។ Honey Y2s ក៏ភ្ជាប់មកជាមួយ កាម៉េរាមុខ 8MP អមជាមួយបច្ចេកវិទ្យា​ស៊ែលហ្វ៊ី ផត​ទ្រេត​ម៉ូដ (Selfie Portrait Mode) អាច​ថត ស៊ែលហ្វី បានស្អាត​ អមជាមួយផ្ទៃខាង​ក្រោយ ព្រិលៗ (blur background) ផ្ទៃសខ្មៅ និង​មុខងារ​ ផ្សេង​ៗទៀត​ដូចជា ​AR Emoji Sticker ជាដើម។

Honey Y2s ត្រូវ​បានផលិត​មកជាមួយម៉ាស៊ីនខ្លាំង កាន់តែខ្លាំង ជាង​ស្មាតហ្វូនជំនាន់មុន៣ដង ជាមួយនឹង​ CPU 2.0 GHz ព្រមជាមួយ អង្គចងចាំ Ram 3GB និង Memory 32GB ដែលលោកអ្នកអាច​លេង​ហ្គេម​ធំៗ PUBG បានយ៉ាង​រលូនលឿន មិនរអាក់រអួល។ Honey Y2s អមជាមួយថាមពលថ្ម 3400mAh ផងដែរដែលអាចអោយអ្នកប្រើប្រាស់​ទូទៅបានពេញមួយថ្ងៃ។ លើសពីនេះ Honey Y2s ត្រូវ​បានបំពាក់ដោយប្រព័ន្ធ​បច្ចេកវិទ្យា ស៊ីមពីរ 4G Volte អាច​ដំណើរ​ការ​អ៊ីនធឺណេត YouTube, Facebook និង​ កម្មវិធីកម្សាន្តផ្សេងៗ ដោយរលូន។ ជាមួយគ្នាផងដែរ Honey Y2s ត្រូវ​បាន​បំពាក់បច្ចេកវិទ្យា​ ដោះសោរ​ដោយស្កេនមុខ និង​ ស្កេនក្រយ៉ៅដៃ ក្នុងការ​ដោះសោរ​បានយ៉ាង​ឆាប់រហ័ស​បំផុត។

ចំពោះតម្លៃវិញ Honey Y2s តម្លៃត្រឹម​តែ $ 139 ប៉ុណ្ណោះ​ជាមួយការថែម កាដូ Smart Watch ដ៏ស្រស់ស្អាត​ ព្រមជាមួយកា​រធានា ១៤ ខែចំពោះការ​ប្រើប្រាស់ និង ១០១ថ្ងៃ ដូរថ្មី។

ជាចុង​ក្រោយ​ ក្រុមហ៊ុន​ខេមហ្វូន មានទំនុកចិត្ត​ថា ម៉ូដែលថ្មី Honey Y2s នឹង​ទទួលបាន​ការ​គាំទ្រ​យ៉ាង​ខ្លាំង​ពីសំណាក់អ្នកប្រើប្រាស់​ទូរទាំង​ប្រទេស ដោយសារ Honey Y2s ជាកំពូលស្មាតហ្វូន​ដែលមានសមត្ថភាពខ្ពស់​ព្រមជាមួយតម្លៃសមរម្យ​បំផុត​សម្រាប់ប្រជាជនខ្មែរនាពេលបច្ចុប្បន្ន។

0 មតិ

បញ្ចេញមតិ

RELATED ARTICLES