អ្នកធ្វើវីដេអូរល្បី ២រូបមានមហិច្ចតាដូចគ្នា ចង់អោយបរទេសទទួលស្គាល់ថាកម្ពុជាមានធនធានមនុស្សខ្លាំង

បច្ចុប្បន្ននេះការផលិតវីដេអូ ជារបៀបដើរកម្សាន្ត ដើរផ្សងព្រេង និងវីដេអូរពន្យល់អប់រំផ្សេងៗ កំពុងមានសន្ទុះកើនឡើងយ៉ាងខ្លាំងនៅលើបណ្តាញសង្គម Youtube និង Facebook ជាដើម ។ ដោយឡែកចំនួននៃអ្នកផលិតវីដេអូរក៏មានចំនួនច្រើន និងកំពុងតែកើនឡើងជាលំដាប់ពីមួយថ្ងៃទៅមួយថ្ងៃផងដែរ ។

ជាក់ស្តែង ក្នុងឆ្នាំ ២០១៩នេះយើងសង្កេតឃើញ ការផលិតវីដេអូ Vlog វីដេរអូកម្សាន្ត និងវីដេអូរអប់រំផ្សេងៗកំពុងពេញនិយមនិងទទួលបានការចាប់អារម្មណ៍ពីសំណាក់ប្រជាជនរាប់លានអ្នក ទាំងក្នុងនិងក្រៅប្រទេស។ 

កត្តានេះហើយដែលធ្វើអោយកម្ពុជាកំពុងរីកចម្រើន ជាពិសេសយុវជនកម្ពុជាមួយចំនួនធំដែលស្រឡាញ់ខាងផ្នែកផលិតវីដេអូរកំពុងតែនាំគ្នាផ្តោតខ្លាំងលើវិស័យមួយនេះ។

ជួបសំភាសន៍ផ្ទាល់ជាមួយ Business Cambodia អ្នកផលិត​វីដេអូរល្បីឈ្មោះពីរូបគឺ ទី ១ លោក ឡយ ភាល័យ ស្ថាននិក Camcar ដែលអ្នកអ្នកផលិតវីដេអូរអំពីឡាន និងលោក ឆេង សុភ័ក្រ (ពូជ្រួញ) ជាស្ថាននិក រៀនថត ដែលជាអ្នកផលិតវីដេអូបង្រៀពីការថតរូប និងរបៀបប្រើកាមេរ៉ា ពួកគាត់ទាំង ២រូបមានទស្សនៈតែមួយដូចគ្នា គឺ មានទស្សនៈដូចគ្នា គឺខ្មែរមានធនធានមនុស្សខ្លាំងពូកែរ ខ្មែរអាចធ្វើបាន ។ 

លោក ឡយ ភាល័យ ស្ថាននិក Camcar ដែលអ្នកអ្នកផលិតវីដេអូរអំពីរថយន្ត និងជាអ្នកជំនាញខាងរថយន្តល្បីឈ្មោះនៅកម្ពុជា បានលើកឡើងប្រាប់ Business Cambodia ថាធនធានមនុស្សកម្ពុជាប្រៀបដូចជាដើមត្នោត ប្រសិនបើយើងចេះច្នៃប្រឌិតយកទេពកោលសល្យ ចំណេះ និងជំនាញមកប្រើប្រាស់នោះយើងនិងទទួលបានប្រយោជន៍ច្រើនណាស់ ។ ហើយចំណុចមួយទៀតប្រសិនសិនបើយើងចេះប្រើធនធានមនុស្សដែលយើងមានគឺយើងអាចទាញផលប្រយោជន៍គ្រប់សព្វបែបយ៉ាងប្រៀបដូចជាដើមត្នោតខ្មែរដែលមានតម្លៃ និងអាចកែរច្នៃជារបស់ប្រើប្រាស់មានប្រយោជន៍តាំងពីគល់ដល់ចុង ។ ដូច្នេះហើយបានជាលោកចាប់ផ្តើមផលិតវីដេអូស្តីពីឡានបង្ហោះលើបណ្តាញសង្គម ដើម្បីអោយបរទេសដឹងថាកម្ពុជាក៏អាចធ្វើបានដែរ ហើយធ្វើបានយ៉ាងល្អថែមទៀតផង ។ 

កាលពីជួបសំភាសន៍ផ្ទាល់ជាមួយ Business Cambodia លោក ឆេង សុភ័ក្រ (ពូជ្រួញ) ជាស្ថាននិក រៀនថត ដែលជាអ្នកផលិតវីដេអូបង្រៀនពីការថតរូប និងជាងអ្នកជំនាញខាងកាមេរ៉ាល្បីឈ្មោះនៅកម្ពុជាក៏បានលើកឡើងស្រដៀងគ្នាដូច្នេះដែរ ។ លោកបានលើកឡើងថា កម្ពុជាមិនខ្វះទេអ្នកខ្លាំងពូកែ មិនខ្វះទេអ្នកជំនាញ ហើយក៏មិនខ្វះអ្នកដែលមានសមត្ថភាព និងទេពកោសល្យដែរ ។ ក៏ប៉ុន្តែពួកគាត់នៅមិនទាន់មានភាពក្លាហានគ្រប់គ្រាន់នៅក្នុងការបញ្ចេញ បង្ហាញទៅខាងក្រៅជាពិសេសបង្ហាញទៅបណ្តាញសង្គម និងទៅលើឆាកអន្តរជាតិ។ ដោយសារតែមូលហេតុនេះដូចគ្នា បានជាលោកខិតខំប្រឹងប្រែងផលិតវីដេអូ និងស្វែករកអ្វីៗដែលថ្មីប្លែក ជាប្រយោជន៍ដល់មនុស្សទូទៅ និងដើម្បីអោយពិភពលោកមើលឃើញថាកម្ពុជាមានធនធានមនុស្សខ្លាំងពូកែរដែលអាចធ្វើបានគ្រប់យ៉ាងមិនចាញ់បរទេសឡើយ ៕

អត្ថបទដោយ នេន សុធា (Leadership EditorOf Business Cambodia) 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

Online

RELATED ARTICLES