យករូបគាត់ទៅត្រូលពេញ Facebook តាមពិតគាត់ជាសេដ្ឋីទ្រព្យរាប់ពាន់លាន$ និងមានសមត្ថភាពពិសេសទៀតផង

នាពេលថ្មីៗនេះយើងឃើញថា មានរូបភាពប្លែកៗបែបកំប្លុកកម្លែង និងគួរឲ្យចាប់អារម្មណ៍ជាច្រើននៅលើបណ្តាញសង្គម ដែលផ្ទុះការគាំទ្រនិងទាញចំណាប់អារម្មណ៍ខ្លាំងពីសំណាក់មហាជនដែលនិយមប្រើប្រាស់បណ្តាញសង្គម។ ជាមួយគ្នានេះដែរ ក្នុងចំណោមរូបភាពទាំងអស់មានរូបភាពបុរសម្នាក់ដែលភាគច្រើនត្រូវបានគេយកទៅត្រូលលេងពេញបណ្តាញសង្គមហ្វេសប៊ុកនោះតាមពិតទៅគាត់គឺជាមហាសេដ្ឋីពាន់លានដុល្លារ។

បុរសដែលត្រូវបានគេយករូបគាត់ទៅត្រូលលេងក្នុងបណ្តាញសង្គមហ្វេសប៊ុកនោះគាត់មានឈ្មោះថា Michael Jordan ជាជនជាតិអាមេរិកដែលបច្ចុប្បន្នត្រូវបានគេប៉ាន់ស្មានថាគាត់មានទ្រព្យសម្បត្តិសរុបដល់ទៅ ១.៩ ពាន់លានដុល្លារ។

បន្ថែមពីនេះទៅទៀតនោះ លោកត្រូវបានគេស្គាល់ថាគឺជាអ្នកដែលមានទេពកោសល្យខ្ពស់ និងជាអ្នកជំនាញមួយរូបដែលទទួលបានភាពល្បីល្បាញ និងការគាំទ្រខ្លាំងពីសំណាក់មហាជនខាងវិស័យបាល់បោះ។ ក្នុងវិស័យបាល់បោះនេះផងដែរ លោកទទួលបានជោគជ័យយ៉ាងធំធេងដោយលោកបានឈ្នះនូវពាន់រង្វាន់ជាច្រើន ហើយលោកក៏ជាមនុស្សម្នាក់ដែលអាចបំបែកប្រវត្តិសាស្ត្ររបស់ National Basketball Association ក្លាយជាអ្នកលេងបាល់បោះដែលមានទ្រព្យសម្បត្តិច្រើនជាងគេបំផុត។

ក្នុងនោះផងដែរ លោកក៏ជាតារាមួយរូបដូចទៅនឹងតារាភាពយន្តឬតារាល្បីផ្សេងៗទៀត ដែលលោកត្រូវបានក្រុមហ៊ុនជាច្រើនដែលមានឈ្មោះល្បីលំដាប់ពិភពលោកដូចជាក្រុមហ៊ុន Nike, Coca-Cola, Chevrolet, Gatorade, McDonald's, Ball Park Franks និង MCI បូករួមទាំងក្រុមហ៊ុនល្បីៗជាច្រើនទៀតបានអញ្ជើញរូបលោកដើម្បីថតស្ផតពាណិជ្ជកម្មផ្សព្វផ្យាយយីហោ និងផលិតផលរបស់ពួកគេថែមទៀតផង។

អត្ថបទដោយ៖ កាន់ ដារ៉ា (Financial Writer)

Facebook: https://www.facebook.com/dear.ex.90

 

 

 

 

 

 

 

 

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES