មហាសេដ្ឋី Bill Gates៖ វត្តមាន COVID-19 រំលឹកយើងពីមេរៀនសំខាន់ៗ ដែលយើងភ្លេច

មហាសេដ្ឋីលំដាប់កំពូល វ័យ ៦៤ឆ្នាំ លោក Bill Gates ម្ចាស់ក្រុមហ៊ុន Microsoft បានលើកឡើងថា វត្តមាន COVID-19 នាពេលនេះ គឺជាការដាស់តឿនមនុស្សជាតិយើងពីមេរៀនសំខាន់ៗមួយចំនួន ដែលប្រហែលជាយើងគ្រប់គ្នាបានភ្លេចអស់ទៅហើយ។ មហាសេដ្ឋីរូបនេះ បាននិយាយថា “នៅពេលខ្ញុំសញ្ជឹងគិតអំពីរឿងនេះ ខ្ញុំចង់ចែករំលែកជាមួយអ្នកទាំងអស់គ្នានូវអ្វីដែលខ្ញុំគិតយល់ឃើញ អំពីវីរុសកូរ៉ូណា ឬយើងហៅថា COVID-19 ដែលកំពុងតែវាយប្រហារលើមនុស្សជាតិ និងចំពោះយើង ផងដែរ” ។ 

មហាសេដ្ឋី Bill Gatesបានរៀបរាប់ថា COVID-19 វាបានរំលឹកយើងថា មនុស្សគ្រប់រូបគឺមានសិទ្ធិស្មើៗគ្នា ដោយមិនគិតពីវប្បធម៌ សាសនា មុខរបរ តួនាទី អ្នកមាន អ្នកក្រ ឬភាពល្បីល្បាញរបស់យើងនោះឡើយ។ វីរុសមួយនេះ វាមើលមកមនុស្សយើងទាំងអស់គ្នា សុទ្ធតែជាចំណីអាហាររបស់វាដូចៗគ្នា។

លោកBill Gates បានបន្តថា COVID-19 វាបានរំលឹកយើងថា យើងទាំងអស់គ្នាចាំបាច់ត្រូវមានទំនាក់ទំនងជាមួយគ្នា ហើយនៅពេលដែលមានរឿងអ្វីមួយកើតឡើងលើនរណាម្នាក់ គឺវាអាចមានឥទ្ធិពលទៅលើមនុស្សម្នាក់ទៀត។ ជាមួយគ្នានេះ វាក៏រំលឹកយើងដែរថា ព្រំដែនដែលយើងកំណត់ រវាងប្រទេសមួយ ទៅប្រទេសមួយ គឺវាមានឥទ្ធិពលតិចតួចបំផុត ព្រោះវីរុសមួយនេះ មិនត្រូវការលិខិតឆ្លងដែននោះទេ។ 

#សូមចុះឡាយផេករបស់ខ្ញុំខាងក្រោមនេះ ដើម្បីទទួលបានគំនិតរកស៊ី និងការលើកទឹកចិត្តផ្សេងៗ

 

វីរុសកូរ៉ូណា វាបានរំលឹកយើងទៀតថា ការដែលមានសុខភាពល្អគឺជារឿងសំខាន់ខ្លាំងណាស់ ប៉ុន្តែសុខភាពរបស់យើងម្នាក់ៗ ត្រូវបានផ្លាស់ប្តូរ ដោយសារតែការធ្វើប្រហែសរបស់យើង តាមរយៈការបរិភោគចំណីអាហារមិនល្អ សម្រាប់សុខភាព និងផឹកសារធាតុពុល ចូលទៅក្នុងក្រពះច្រើនពេក ដែលបណ្តាលឱ្យសុខភាពរបស់យើងចុះខ្សោយ ហើយងាយនឹងធ្លាក់ខ្លួនឈឺ នៅពេលមានមេរោគអ្វីមួយកើតឡើង។ ដូច្នេះហើយ បើយើងបរិភោគមិនគិតអំពីសុខភាពរបស់យើងទេ យើងនឹងធ្លាក់ខ្លួនឈឺជាក់ជាមិនខាន។ 

មហាសេដ្ឋី Bill Gates បានលើកឡើងទៀតថា COVID-19 វាបានរំលឹកយើងពីភាពខ្លីនៃជីវិត និងអ្វីដែលសំខាន់បំផុតសម្រាប់យើង ដែលយើងត្រូវធ្វើនោះគឺ ការជួយគ្នាទៅវិញទៅមក ជាពិសេសអ្នកវ័យចំណាស់ ឬអ្នកមានជំងឺ។ វាបានរំលឹកយើងពីភាពវង្វេងស្មារតីដែលសង្គមរបស់យើងបានប្រែប្រួលទៅហើយ។ នៅពេលមានការលំបាក យើងចងចាំថា របស់ដែលចាំបាច់ ដែលយើងត្រូវការ គឺអាហារដែលជាទឹកថ្នាំពេទ្យប៉ុណ្ណោះ មិនមែនរបស់ស៊ីវិល័យ ដែលកន្លងមកយើងផ្តល់តម្លៃនោះឡើយ ពីព្រោះរបស់ទាំងនេះ មិនអាចចាក់ចូលខ្លួនអ្នកជំងឺឱ្យរស់រៀនមានជីវិតបានឡើយ។

ម្ចាស់ក្រុមហ៊ុនMicrosoft ខាងលើនេះ បានសង្កត់ធ្ងន់ថា COVID-19 វាបានរំលឹកយើងថា ឱ្យបោះបង់ចោលភាពក្រអឺតក្រទម និងបន្តពិនិត្យឡើងវិញនូវអកប្បកិរិយារបស់យើង។ ហើយវាបានរំលឹកយើងថា ជីវិតគ្រួសារនិងផ្ទះរបស់យើងមានសារៈសំខាន់ណាស់ហើយវាកំពុងតែបង្ខំយើងឱ្យចូលក្នុងផ្ទះរបស់យើងវិញ។ ព្រោះនៅក្នុងការរស់នៅ យើងមិនមែនកើតមកដើម្បីតែរកលុយនោះទេ គឺយើងត្រូវរកសុភមង្គល ៕ 

ប្រភព៖ The Sun 

អត្ថបទប្រែសម្រួលដោយ៖ LeEmon Biz 

 

Sathapanabank Online

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

RELATED ARTICLES