លោក Ray Kroc អគ្គនាយក យីហ៊ោ McDonald’s ៖ អ្នករកស៊ីត្រូវចេះបង្កើតឱកាស ឆក់ឱកាស និងប្រើប្រាស់ឱកាស

McDonald’s គឺជាយីហ៊ោលក់អាហារ Fast Food របស់អាមេរិកដ៏ល្បីនិងនាំមុខគេលើការចែកចាយលក់ Franchise ទូទាំងពិភពលោក ដែលផ្ដើមបង្កើតឡើងដោយស្ថាបនិកបងប្អូនពីរនាក់គឺលោក Dick និង លោក Mac។

នៅឆ្នាំ ១៩៥៤ លោក Ray Kroc ដែលជាអ្នកលក់ម៉ាស៊ីនក្រឡុកទឹកដោះគោ បានធ្វើទស្សនកិច្ច ទៅកាន់ភោជនីយដ្ឋានមួយ នៅទីក្រុង San Bernardino រដ្ឋ California ហើយក៏ជាពេលដែលោកបានជួបជាមួយនិងអាជីវកម្មខ្នាតតូច ដែលបាននាំភាពជោគជ័យឲ្យលោក និងក្លាយជាយីហ៊ោដែលកំពុងនាំមុខគេនៅក្នុងពេលបច្ចុប្បន្ន។

លោក Kroc មានការភ្ញាក់ផ្អើរយ៉ាងខ្លាំងពេលបានឃើញពីដំណើរការនៃការលក់ និងការគ្រប់គ្រងហាងរបស់បងប្អូន ២ នាក់នោះដោយពួកគេកំណត់នូវចំនួនមុខម្ហូបនៅលើក្រដាសមីនុយតែ ៣ មុខប៉ុណ្ណោះ ដែលរួមមាន ប៊័ហ្គឺ អាហារបំពង និងភេសជ្ជៈ ហើយអ្វីដែលពួកគេផ្ដោតគឺ តម្លៃថោកនិងរហ័ស។

Ray Kroc ចាប់អារម្មណ៍ជាខ្លាំងទៅលើអាជីវកម្មមួយនេះ ទើបលោកសុំសហការណ៍ទិញភាគហ៊ុន និងលក់ម៉ាស៊ីនក្រឡុងរបស់លោកទៅឲ្យបងប្អូនទាំងពីរនោះ។ ខណះពេលសហការគ្នានេះ លោក Kroc បានធ្វើការប្រមូលទិញដីកន្លែងណាដែលអាចជាទីតាំងសារសមសម្រាប់បើកហាង McDonald’s បន្ទាប់មកគាត់ក៏បានជួលដីនោះទៅឲ្យបងប្អូននោះ ដើម្បីទទួលបានប្រាក់ចំណូលបន្ថែម។ លផចំណេញពីទាំងនេះបានធ្វើឲ្យ Kroc មានដីកាន់តែច្រើន លក់ម៉ាស៊ីនកាន់តែដាច់ និងមានប្រាក់ចំណូលកើនឡើងជាបន្ដបន្ទាប់។ លក់មាស៊ីបណ្ដើរ គ្រប់គ្រងហាងអាហារបណ្ដើរដើម្បីយលមកបង់ថ្លៃឈ្នួលហាងនិងប្រាក់ខែរបស់បុគ្គលិក។ គាត់តែឈៀងចូលមើលហាងជារៀងរាល់ព្រឹក ដើម្បីជួយការងារផ្សេងៗ។ ការលក់ម៉ាស៊ីនទឹកក្រឡុក ធ្វើឲ្យ Kroc ស្វែងយល់ពីអំពីផ្ទះបាយរាប់ពាន់កន្លែងនៅតាមហាងនានាស្ទើរគ្រប់ច្រកល្ហក។ បទពិសោធន៍នេះជួយឲ្យគាត់អាចចាត់ចែងគ្របគ្រងហាងសាខាផ្សេងៗបានដោយងាយស្រួល។

រហូតដល់ឆ្នាំ ១៩៥៥ ដោយបងប្អូនជាអ្នកបង្កើតហាង McDonald’s ទាំងពីរនាក់នេះមិនមានបហិច្ចតាចង់ពង្រីកអាជីវកម្មឲ្យធំទូលាយដូចអ្វីដែលលោក Kroc ចង់បាន លោកក៏សម្រេចចិត្ដស្នើសុំទិញសិទ្ធិយីហ៊ោមួយនេះ ប៉ុន្ដែត្រូវពួកគេបដិសេធ។ ដោយមិនអស់ចិត្ដ Kroc បានបើកហាង McDonald’s System Inc ដែលមានដំណើរការដូចទៅនឹងហាង McDonald’s Corporation របស់បងប្អូនទាំងពីរនោះដែរ។ ហាងរបស់លោកចាប់ផ្ដើមពង្រីកសាខាជាបន្ដបន្ទាប់រហូរបាន ៦ ឆ្នាំ ធ្វើឲ្យពីនាក់បងប្អូននោះសម្រេចចិត្ដលក់យីហោរបស់ខ្លួនតែម្ដង។
នយោបាយដែល Kroc បានប្រើចំពោះគ្រប់សាខាងទាំងអស់នោះគឺ ត្រូវមានបញ្ជីលម្អិតរាល់ដំណើរការងារពីមួយថ្ងៃទៅមួយថ្ងៃ។ ការចម្អិនម្ហូបអាហារត្រូវកំណត់ជានាទី ហើយគ្រប់គ្រងដោយម៉ាស៊ីន។ ហាំប៊ឺហ្គ័រត្រូវមានទំហំនិងទម្ងន់ជាក់លាក់។ ប៊ឺហ្គ័រដែលចម្អិនរួចតែមិនបានលក់ចេញក្រោយរយៈពេល ១០ នាទីត្រូវតែបោះចោល។ អ្នកធ្វើការត្រូវអនុវត្ដតាមវិន័យយ៉ាខ្ជប់ខ្ជួន សូម្បីតែសម្លៀកបំពាក់និងសក់ក្បាល កិរិយាមាយាទព្រមទាំងត្រូវស្វាគមន៍ឬ សម្លឹងទៅភ្ញៀវដោយស្នាញញឹមជានិច្ច។ លើសពីនេះវីធីសាស្រ្ដយ៉ាងស៊ីជម្រៅជាច្រើនសម្រាប់កាត់បន្ថយប្រាក់ទុន ដូចជាបុគ្គលិកនឹងផ្ដល់អំបិល ម្រេច នៅពេលណាដែលអតិថិជនសួររកប៉ុណ្ណោះ។ ជោគជ័យរបស់ Kroc គឺកើតចេញពី ការចេញប្រើឱកាស និងបង្កើតឱកាស ម្យ៉ាងវិញទៀតគឺការផ្ដល់សារៈសំខាន់ចាប់ពីរឿងតូចតាចឡើងទៅ។ រឿងតូចតាចធម្មតាៗអាចធ្វើឲ្យមុខរបររបស់អ្នករីកចម្រើនបានឬដួលរលំបាន។

គួរជម្រាបថា នៅទីបំផុតហាង McDonald’s បានក្លាយជាហាងដែលល្បីជាងគេនៅសហរដ្ឋអាមេរិក ដែលធ្វើឲ្យ Kroc សម្រេចពង្រីកសាខាវិសាលភាពរបស់ខ្លួនទៅកាន់បណ្ដាលប្រទេសផ្សេងៗលើពិភពលោក ហើយរហូតមកដល់ពេលនេះ McDonald’s បានឈរនៅចំណាត់ថ្នាក់ ១ ដោយបានបោះលក់ Franchise ច្រើនជាងគេបង្អស់នៅលើពិភពលោកប្រចាំឆ្នាំ ២០១៦ ដែលមានចំនួនប្រមាណ ៣៦, ៨៩៩ កន្លែង៕

ដកស្រង់ចេញពីសៀវភៅ៖ ត្រៀមចេញរកស៊ីឲ្យចំគោលដៅ

អត្ថបទដោយ៖ ធូរ៉ា

0 មតិ

បញ្ចេញមតិ

RELATED ARTICLES